ތިން ރަށެއްގެ ބަނދަރު ތަރައްޤީކުރުމާއި ގޮނޑުދޮށް ހިމާޔަތްކުރުމުގެ މަޝްރޫޢުތައް ނިމެނީ

ބަނދަރުތައް ތަރައްޤީކުރުމާއި ގޮނޑުދޮށް ހިމާޔަތްކުރުމަށް ކުރިއަށް ގެންދާ މަޝްރޫޢުތަކުގެ ތެރެއިން ތިން ރަށެއްގެ މަސައްކަތް ނިމުމަކާ ގާތަށް ގޮސްފައިވާކަމަށް އެމަޝްރޫޢުތަކުގެ ކޮންޓްރެކްޓަރ މޯލްޑިވްސް ޓްރާންސްޕޯޓް އެންޑް ކޮންޓްރެކްޓިންގް ކޮމްޕެނީ (އެމްޓީސީސީ) އިން މިއަދު ހާމަކޮށްފިއެވެ. މި ތިން ރަށަކީ ނ. ހޮޅުދޫ، ބ. މާޅޮސް އަދި ށ. ނޫމަރާއެވެ.

އެމްޓީސީސީން ދެއްވި މަޢުލޫމާތުގައިވާ ގޮތުން، ނ. ހޮޅުދޫ ގޮނޑުދޮށް ހިމާޔަތްކުރުމުގެ މަޝްރޫޢުގެ ދަށުން އެއްގަމުތޮށި ލުމުގެ މަސައްކަތުގެ 94 އިންސައްތަ މިހާރު ވަނީ ނިމިފައެވެ. މިހާރު ކުރިއަށްދަނީ އެއްގަމުތޮށީގެ ކޮންކްރީޓް މަސައްކަތްތަކެވެ. މި 46.7 މިލިއަން ރުފިޔާގެ މަޝްރޫޢުގެ ދަށުން ހޮޅުދޫގެ ގިރާ ސަރަޙައްދު ހިމާޔަތްކުރުމަށް 570 މީޓަރުގެ ބޮޑުހިލައިގެ ބްރޭކްވޯޓަރ އަދި 375 މީޓަރުގެ ޖިއޯބޭގް ރިވެޓްމަންޓް ޖެހުމަށް ވަނީ ހަމަޖެހިފައެވެ.

ބ. މާޅޮސް ބަނދަރު މަރާމާތު ކުރުމާއި ގޮނޑުދޮށް ހިމާޔަތް ކުރުމުގެ މަޝްރޫޢުގެ ދަށުން، އައު ހާބަރ ބޭސިން ފުންކުރުމުގެ މަސައްކަތުގެ 68 ޕަސެންޓް ނިމިއްޖެ. މިހާރު ކުރިއަށްދަނީ އެއްގަމުތޮށި ލުމަށް ބޭނުންވާ ގައު އެތުރުމުގެ މަސައްކަތް.#MTCCProjects #RayyithungeKunfuni pic.twitter.com/ae7jtYpk3B

— MTCC Plc (@MTCCPlc) February 23, 2025

ބ. މާޅޮހުގެ ބަނދަރު މަރާމާތުކުރުމާއި ގޮނޑުދޮށް ހިމާޔަތްކުރުމުގެ މަޝްރޫޢުގެ ދަށުން ބަނދަރުގެ ބޭސިން ފުންކުރުމުގެ މަސައްކަތް ވެސް ވަނީ ނިމުމަކާ ކައިރިވެފައެވެ. މިހާރު ކުރިއަށްދަނީރިއަށްދަނީ އެއްގަމު ތޮށިލުމަށް ބޭނުންވާ ގައު އެތެރެކުރުމުގެ މަސައްކަތެވެ. މި 69.47 މިލިއަން ރުފިޔާގެ މަޝްރޫޢުގެ ދަށުން 700 ފޫޓުގެ ދިގު ބަނދަރެއް ތަރައްޤީކުރުމަށް ވަނީ ހަމަޖެހިފައެވެ.

ށ. ނޫމަރާ ބަނދަރު ތަރައްޤީކުރުމުގެ މަޝްރޫޢުގެ ދަށުން، އައު ހާބަރ ބޭސިން ފުންކުރުމުގެ މަސައްކަތުގެ 70 އިންސައްތަ ވަނީ ނިމިފައެވެ. މިހާރު ކުރިއަށްދަނީ ބަނދަރުގެ ޕޭވްމަންޓް މަސައްކަތްތަކާއި އެއްތަކާއި އެއްގަމުތޮށީގެ ކޮންކްރީޓް މަސައްކަތްތަކެވެ. މި 57.6 މިލިއަން ރުފިޔާގެ މަޝްރޫޢުގެ ދަށުން ބަނދަރުތެރެ މެއިންޓެނަންސް ޑްރެޖްކުރުމާއި، އާ ބަނދަރެއް ފުންކުރުމާއި، ނެރު ފުންކުރުމުގެ އިތުރުން 64 މީޓަރުގެ ބޮޑުހިލަ ރިވެޓްމަންޓް ޖެހުމަށް ވަނީ ހަމަޖެހިފައެވެ.