އިޒްރާއިލުން ކަފްރް ޤާސިމް ސްކޫލަށް ހަމަލާދީ ބަޔަކު ޝަހީދުކޮށްލައިފި!

އިޒްރާއިލުން ފަލަސްޠީނުގެ އަލް ޝަޠީ ރެފިޔުޖީ ކޭމްޕްގައި ހުންނަ ކަފްރް ޤާސިމް ސްކޫލަށް ބޮމުގެ ހަމަލާދީ ހަތް މީހަކު ޝަހީދު ކޮށްލައި އެތައް ބަޔަކު ޒަޚަމްކޮށްލައިފިއެވެ. 

ކަފްރް ޤާސިމް ސްކޫލަކީ އިޒްރާއިލްގެ ހަމަލާތަކުގެ ސަބަބުން ގެދޮރުގެއްލިފައިވާ އެތައް ބަޔަކު ބޯހިޔާވަހިކަން ހޯދަމުން ދާ ތަނެކެވެ. 

އިއްޔެ އިޒްރާއިލުން އަލް ޒައިތޫން ސަރަހައްދުގައި ހުންނަ ސްކޫލަކަށް ދިން ހަމަލާއެއްގެ ނަތީޖާއެއްގެ ގޮތުން 22 މީހަކު ވަނީ ޝަހީދުވެފައެވެ. އޭގެ ތެރޭގައި 13 ކުޑަކުދިންނާއި، 6 އަންހެނުން އަދި މާބަނޑު އަންހެނެއްގެ ބަނޑުގައި އޮތް ތުއްތު ކުއްޖަކުވެސް ހިމެނެއެވެ. 

ކަފްރް ޤާސިމް ސްކޫލަސް ދިން ހަމަލާގައި ޒަޚަމްވި ކުޑަކުއްޖެއް. ފޮޓޯ:އަލްޤުދުސް ނެޓްވޯކް

ޣައްޒާގެ މީޑިއާ ތަކުން ރިޕޯޓް ކޮށްފައިވާ ގޮތުން މިހާތަހަނަށް އިޒްރާއިލުން ފަލަސްޠީނުގެ 181 ވަގުތީ ހިޔަލަކަށް އަމާޒުކޮށް ވަނީ ހަމަލާދީފައެވެ.

އިޒްރާއިލުން މިހާތަނަށް ފަލަސްޠީނަށް ދިން ހަމަލާތަކުގައި 41،431 މީހަކު ވަނީ ޝަހީދުވެފައެވެ. އަދި 95،818 މީހަކުވަނީ ޒަޚަމްވެފައެވެ.