Ads by Exprox

ޚަބަރު

ޒަކާތު ހައުސް އުފެއްދެވުމަކީ ރައީސް އެޅުއްވި ވަރަށް ހަރުދަނާ ފިޔަވަޅެއް: ވަޒީރު ޑރ. ޝަހީމް

ޒަކާތު ހައުސް އުފެއްދެވުމަކީ ރައީސް އެޅުއްވި ވަރަށް ހަރުދަނާ ފިޔަވަޅެއް: ވަޒީރު ޑރ. ޝަހީމް

އިސްލާމީ ކަންތައްތަކާ ބެހޭ ވަޒީރު ޑރ. މުޙައްމަދު ޝަހީމް އަލީ ސަޢީދު /ފޮޓޯ: އިސްލާމިކް މިނިސްޓްރީ

ޙައްވާ ޒައިބާ މުޙައްމަދު

ޙައްވާ ޒައިބާ މުޙައްމަދު

27 ފެބްރުއަރީ 2025، 07:13

27 ފެބްރުއަރީ 2025، 07:13

ދިވެހިރާއްޖޭގައި ޒަކާތު ހައުސް އެޅުއްވުމަކީ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު އެޅުއްވި ވަރަށް ހަރުދަނާ ފިޔަވަޅެއް ކަމަށް އިސްލާމީ ކަންތައްތަކާ ބެހޭ ވަޒީރު ޑރ. މުޙައްމަދު ޝަހީމް އަލީ ސަޢީދު ވިދާޅުވެއްޖެއެވެ. 

ވަޒީރު މިފަދައިން ވިދާޅުވީ، މީރާގެ ވާރުޕޭ މެދުވެރިކޮށް ހެޔޮކަންކަމަށް ހޭދަކުރުމުގެ ފުރުސަތު ހުޅުވާލުމަށް މިއަދު ބޭއްވި ރަސްމިއްޔާތުގައި ވާހަކަފުޅުދައްކަވަމުންނެވެ. އެގޮތުން، ރާއްޖޭގެ ޒަކާތުގެ ނިޒާމު ހަރުދަނާކުރުމަށް ރައީސުލްޖުމްހޫރިއްޔާގެ ވަޢުދުފުޅާއި އެއްގޮތަށް ޒަކާތު ހައުސް އުފެއްދެވުމަކީ ކުރެވުނު މުހިންމު މަސައްކަތެއްކަމަށް ވަޒީރު ވަނީ ފާހަގަކުރައްވާފަ އެވެ.

އިސްލާމީ ކަންތައްތަކާ ބެހޭ ވަޒީރު ޑރ. މުޙައްމަދު ޝަހީމް އަލީ ސަޢީދު ވިދާޅުވީ، ޒަކާތު ހައުސް އުފައްދަވާ ޒަކާތުގެ ނިޒާމު ހަރުދަނާ ކުރެއްވުމަށް ރައީސްގެ އިރުޝާދުގެ ދަށުން ކުރެވުނު މަސައްކަތްތަކުގެ ނަތީޖާ މިހާރު ފެންނަމުންދާކަމަށެވެ. މީގެ އިތުރުން، ޒަކާތަށް ޢާންމުން ހޭލުންތެރިކުރުމަށް ކުރެމުންދާ މަސައްކަތްތަކުގެ ދަށުން ފާއިތުވެދިޔަ އަހަރަކީ ޒަކާތުގެ ގޮތުގައި އެންމެ ގިނަ ފައިސާ ލިބިގެންދިޔަ އަހަރު ކަމަށް ވަޒީރު ވަނީ ވިދާޅުވެފައެވެ. ހަމަ އެހެންމެ، މިކަމުގައި އެންމެ ބޮޑު އެހީތެރިކަމެއް ލިބިފައިވަނީ މީރާގައި ޒަކާތުގެ މަސައްކަތް ކުރައްވާ މުވައްޒަފުންގެ ފަރާތުން ކަމަށް ވަޒީރު ވަނީ ފާހަގަކުރައްވާފައެވެ.

ވަޒީރު ވިދާޅުވީ، ކުރިއަށްއޮތްތަނުގައި ޒަކާތު ހައުސްއިން ކުރިއަށް ގެންދާ އެކި ތަމްރީން ޕްރޮގުރާމްތަކާއި ތަޖުރިބާ ދަތުރުތަކުގައި ވެސް މީރާގެ ޒަކާތާއި ގުޅޭ މުވައްޒަފުން ބައިވެރި ކުރައްވާނެކަމަށެވެ. މިއަދުގެ ރަސްމިއްޔާތުގައި، މީރާގެ ވާރުޕޭ މެދުވެރިކޮށް ހެޔޮ ކަންކަމަށް ހޭދަކުރުމަށް އަލަށް ތަޢާރަފްކުރި ކަންތަކުގެ ތެރޭގައި މިސްކިތް ބިނާކުރުމާއި، މިސްކިތްތައް މަރާމާތު ކުރުމާއި، ޤުރުއާން މަރުކަޒުތައް ޤާއިމްކުރުމާއި، ހެޔޮ އެކި ކަންކަމަށް ޙައިރާތުގެ ގޮތުގައި ޞަދަޤާތް ކުރުމުގެ ފުރުސަތު ހިމެނެއެވެ.

މި ލިޔުން ކިޔާލުމުން

Ads by MSS