ވިޔަފާރި
ރޯދައަށް ޙާއްސަކޮށް އެތެރެކުރި ޕެރިޝެބަލް މުދާ ހުކުރު ދުވަހު ދޫކުރުމަށް ކަސްޓަމްސްއިން ނިންމައިފި
މާލޭ ބައިނަލްއަޤްވާމީ ބަނދަރު---
ހުލާސާ
އެ އިދާރާއިން މި ގޮތަށް ނިންމީ، އަވަހަށް ހަލާކުވާ ޒާތުގެ މުދާ ވީއެންމެ އަވަހަކަށް ރައްޔިތުންނަށް ފޯރުކޮށްދިނުމުގެ މަޤުސަދުގައި
ރޯދައަށް ޙާއްސަކޮށް ކަނޑުމަގުން އެތެރެކުރި ޕެރިޝެބަލް މުދާ ހުކުރު ދުވަހު ދޫކުރުމަށް ކަސްޓަމްސްއިން ނިންމައިފިއެވެ.
ކަސްޓަމްސްއިން ހާމަކޮށްފައިވާ ގޮތުގައި، އެ އިދާރާއިން މި ގޮތަށް ނިންމީ، އަވަހަށް ހަލާކުވާ ޒާތުގެ މުދާ ވީއެންމެ އަވަހަކަށް ރައްޔިތުންނަށް ފޯރުކޮށްދިނުމުގެ މަޤުސަދުގައި ކަމަށެވެ.
އެގޮތުން 28 ފެބުރުއަރީ 2025ވާ ހުކުރު ދުވަހުގެ މެންދުރުފަހު 02:30 އިން ރޭގަނޑު 10:00 އަށް މިފަދަ މުދާތައް ދޫކުރުމަށް، ރާއްޖޭގެ ބައިނަލްއަޤްވާމީ ޕޯޓުން ޚިދުމަތް ލިބޭނެކަމަށް ކަސްޓަމްސް އިން ވަނީ ހާމަކޮށްފައެވެ. އަދި މިއީ ޕޯޓްސް ލިމިޓެޑާ ގުޅިގެން އެ އިދަރާއިން ހަމަޖައްސައިދޭ އިންތިޒާމެއްކަމަށް ވެސް ވަނީ ހާމަކޮށްފައެވެ.
📣📣📣 ކަސްޓަމަރުންގެ ސަމާލުކަމަށް! pic.twitter.com/v9dhArvV8o
— Maldives Customs Service (@CustomsMv) February 27, 2025
އާންމު ގޮތެއްގައި މާލޭގެ ބައިނަލްއަޤްވާމީ ޕޯޓަކީ ހުކުރު ދުވަހު ބަންދު ތަނެކެވެ. އެހެންކަމުން، ޙާއްސަ އިންތިޒާމެއްގެ ދަށުން މިފަދަ ޚިދުމަތެއް ރަމަޟާން މަސް ކުރިމަތީގައި އޮއްވައި ފޯރުކޮށްދިނުމަކީ، ޕެރިޝެބަލް މުދާ ހަލާކުނުވެ ރައްޔިތުންނާ ހަމައަށް ފޯރުކޮށްދިނުމަށް އެޅޭ ވަރަށް ބޮޑު ބާރަކަށް ވެގެންދާނެއެވެ.
