ރަމަޟާން މަހު ކޮންމެ ދުވަހަކު އަޞްރު ނަމާދަށްފަހު އިސްލާމީ މަރުކަޒުގައި ދަރުސް އޮންނާނެ

ފާއިތުވި އަހަރުތަކުގެ ރަމަޟާން މަސްތަކާއި އެއްގޮތަށް މިއަހަރުގެ ރަމަޟާންމަހު ވެސް ކޮންމެ ދުވަހަކު އަޞްރު ނަމާދަށްފަހު އިސްލާމީ މަރުކަޒުގައި ދަރުސް އޮންނާނެ ކަމަށް އިސްލާމީ ކަންތައްތަކާ ބެހޭ ވުޒާރާއިން ވިދާޅުވެއްޖެ އެވެ. 

އިސްލާމީ ކަންތައްތަކާ ބެހޭ ވުޒަރާއިން ވިދާޅުވީ، މި ދަރުސްތަކުގައި ދިވެހިރާއްޖޭގެ ފުންނާބު އުސް އެކި ޝައިޚުން ތަޤުރީރު ކުރައްވާގޮތަށް ހަމަޖެހިފައިވާ ކަމަށެވެ. މީގެ އިތުރުން، ކޮންމެ ދުވަހަކުވެސް ގެނެސްދޭ ދަރުސްތައް އިސްލާމީ ކަންތައްތަކާ ބެހޭ ވުޒާރާގެ ފޭސްބުކް ޕޭޖުންނާއި ބައެއް ޓީވީތަކުން ލައިވް ކުރާ ގޮތަށް ހަމަޖެހިފައިވާ ކަމަށް އެ ވުޒާރާއިން މަޢުލޫމާތުދެއެވެ.

އިސްލާމީ ކަންތައްތަކާ ބެހޭ ވުޒާރާއިން މި ރަމަޟާން މަހު ޢާންމުންގެ ހޭލުންތެރިކަން އިތުރުކުރުމަށް ތަފާތު ޙަރަކާތްތައް ކުރިއަށް ގެންދާނެ އެވެ. އޭގެ ތެރޭގައި، އެ ވުޒާރާއިން އިންތިޒާމް ކޮށްގެން ކުރިއަށް ގެންދާ އިޙްޔާ ފޯރަމް ހިމެނެއެވެ.