ފްލެޓު ލިސްޓާ ގުޅޭ ޝަކުވާ ހުށަހެޅުމުގެ ފުރުޞަތު ހުޅުވާލައިފި

އިމާރާތްކުރުމާއި ގެދޮރުވެރިކަމާއި ބިނާރާބެހޭ ވުޒާރާއިން މިއަދު ހާމަކުރި ގޮތުގައި، 1 މާރިޗު 2025 އިން ފެށިގެން ފްލެޓު ލިސްޓާ ބެހޭގޮތުން ޝަކުވާ ހުށަހެޅުމުގެ ފުރުޞަތު ނުވަތަ މަޢުލޫމާތު ސާފުކުރުމުގެ ފުރުޞަތު ވަނީ ހުޅުވާލާފައެވެ. މި ފުރުޞަތުގެ ބޭނުން ހިފުމަށް ޝައުގުވެރިވާ ފަރާތްތަކަށް 31 މާރިޗު 2025 ވާ ހޯމަ ދުވަހުގެ ރޭ 23:59 އާ ހަމައަށް ޝަކުވާ ހުށަހެޅިދާނެއެވެ.

މިނިސްޓްރީން އިތުރަށް ބަޔާންކުރި ގޮތުގައި، ފްލެޓަށް އެދި ފޯމު ހުށަހަޅާފައިވާ ފަރާތްތަކަށް އެ ފަރާތުގެ ފޯމާ ގުޅޭ ޝަކުވާ "ގެދޮރުވެރިން ޕޯޓަލް" މެދުވެރިކޮށް ހުށަހެޅޭނެއެވެ. އަދި ލިސްޓުގައިވާ އެހެން ފަރާތަކާ ގުޅޭ ޝަކުވާއެއްނަމަ، [email protected] އީމެއިލް ނުވަތަ މިނިސްޓްރީއަށް އެޑްރެސްކޮށް ފޮނުވޭ ސިޓީއަކުން ހުށަހެޅިދާނެއެވެ. 

1 މާރިޗު 2025 އިން ފެށިގެން, ފްލެޓު ލިސްޓާ ބެހޭގޮތުން ޝަކުވާ ހުށަހެޅުމުގެ ފުރުޞަތު ވަނީ ހުޅުވާލާފައެވެ.

ޝަކުވާ ހުށަހެޅުމުގެ ސުންގަޑިއަކީ 31 މާރިޗު 2025 ވާ ހޯމަ ދުވަހުގެ ރޭ 23:59 ހަމައަށް pic.twitter.com/kbAaGK8Lzk

— Ministry of Construction, Housing & Infrastructure (@MoCImv) March 1, 2025

ޝަކުވާ ހުށަހެޅުމުގެ މުއްދަތުގެ ތެރޭގައި، ޝަކުވާ ހުށަހެޅުމުގެ ކަންކަން ކުރިއަށް ގެންދާނެ ގޮތާ ގުޅޭ އިތުރު މަޢުލޫމާތު ސާފުކުރުމަށް 4004911 އަދި 4004910 ނަންބަރު ފޯނަށް ގުޅުއްވައިގެން މަޢުލޫމާތު ސާފުކުރެވޭނެ ކަމަށް މިނިސްޓްރީން ވަނީ އަންގާފައެވެ.