ވިއްސާރައާއި ގުޅިގެން ފުލުހުން ތިބީ ތައްޔާރަށް : އެހީތެރިކަމެއް ބޭނުންވާނަމަ 911 އަށް ގުޅުއްވާ : ފުލުހުން

މާލެއަށް މިހާރު ކުރަމުންދާ ވިއްސާރައިގެ ސަބަބުން މާލޭގެ ބައެއް ސަރަހައްދުތަކުގައި ފެންބޮޑުވެފައިވާ ކަމަށް މޯލްޑިވްސް ޕޮލިސް ސަރވިސްއިން މިއަދު ހާމަކޮށްފިއެވެ. މި ހާދިސާއާ ގުޅިގެން ރައްޔިތުންނާއި މުދަލުގެ ރައްކާތެރިކަން ކަށަވަރު ކުރުމަށްޓަކައި ފުލުހުން ތިބީ ފުރިހަމަ ތައްޔާރީ ހާލަތުގައި ކަމަށް އެ ފަރާތުން ބުނެފައިވެއެވެ.

ފެންބޮޑުވެފައިވާ ސަރަހައްދުތަކުން ފެން ހިންދުމުގެ މަސައްކަތް މިހާރު ދަނީ ކުރިއަށެވެ. މި މަސައްކަތުގައި ފުލުހުންނާއި، މޯލްޑިވްސް ނެޝަނަލް ޑިފެންސް ފޯސް ބައިވެރިވެއެވެ.

މާލެއަށް މިހާރު ކުރަމުންދާ ވިއްސާރައިގައި މާލޭގެ ބައެއް ސަރަހައްދު ތަކުގައި ފެންބޮޑުވުމާ ގުޅިގެން ފެން ހިންދުމުގެ މަސައްކަތް ކުރިއަށްދާއިރު ރައްޔިތުންނާއި މުދަލުގެ ރައްކާތެރިކަން ކަށަވަރު ކުރުމަށް ފުލުހުންތިބީ ތައްޔާރީ ހާލަތުގައި.

އެހީތެރިކަމެއް ބޭނުންވާނަމަ 911 އަށް ގުޅުއްވައި! pic.twitter.com/VtOagl7ZLV

— Maldives Police (@PoliceMv) March 1, 2025

ފުލުހުންގެ ފަރާތުން ރައްޔިތުންނަށް އިލްތިމާސްކޮށްފައިވަނީ މޫސުން ގޯސްވެފައިވާ މި ދަނޑިވަޅުގައި ރައްކާތެރިކަމުގެ ފިޔަވަޅުތައް އަޅައި، އެއްވެސް ކަހަލަ އެހީތެރިކަމެއް ބޭނުންވެއްޖެ ހާލަތެއްގައި ލަސްނުކޮށް 911 އަށް ގުޅުމަށެވެ. އަދި މޫސުމާ ގުޅޭ އެންމެ ފަހުގެ މަޢުލޫމާތު ހޯދުމަށް މޯލްޑިވްސް މީޓިއޮރޮލޮޖިކަލް ސަރވިސްގެ ރަސްމީ ޗެނަލްތަކަށް ޙާއްޞަ ސަމާލުކަމެއް ދިނުމަށްވެސް އިރުޝާދު ދީފައިވެއެވެ.