ޚަބަރު
ރައްޔިތުންގެ ސަލާމަތާއި ރައްކާތެރިކަމަށް ސަރުކާރުގެ ކަމާބެހޭ އިދާރާތަކުން މަސައްކަތްފަށައިފި: ހީނާ ވަލީދު
މާލޭގައި ފެންބޮޑުވެގެން ފުލުހުން ހަރަކާތްތެރިވަނީ ފޮޓޯ:ފުލުހުން
ބޯކޮށް ވާރޭވެހުމާ ގުޅިގެން ރައްޔިތުންނަށް ދިމާވެފައިވާ ދަތިތައް ކުޑަކުރުމަށް ސަރުކާރުގެ ކަމާބެހޭ އިދާރާތަކުން ޚާއްޞަ މަސައްކަތްތަކެއް ފަށައިފިއެވެ.
ބޯކޮށް ވާރޭވެހި މާލޭގެ ބައެއް މަގުތަކުގައި ފެންބޮޑުވުމާގުޅިގެން ކަމާބެހޭ މުއައްސަސާތައް ގުޅިގެން ފެންހިންދުމުގެ މަސައްކަތާއި ވެލި ބަސްތާތައް ޖެހުމުގެ މަަަސައްކަތްދަނީ ކުރަމުން.
— Heena Waleed (@MvSpokesperson) March 1, 2025
ވިއްސާރައިގެ ސަބަބުން ރައްޔިތުންނަށް ދިމާވާ ދަތިތައް ކުޑަކުރުމަށާއި ރައްޔިތުންގެ ޙާލު ގާތުން ބަލާ…
ރައީސުލްޖުމްހޫރިއްޔާގެ ތަރުޖަމާނު ހީނާ ވަލީދު ވިދާޅުވި ގޮތުގައި، މާލޭގެ ބައެއް މަގުތަކުގައި ފެންބޮޑުވުމާ ގުޅިގެން ކަމާބެހޭ މުއައްސަސާތައް ގުޅިގެން ފެންހިންދުމުގެ މަސައްކަތާއި ވެލި ބަސްތާތައް ޖެހުމުގެ މަސައްކަތް މިހާރުދަނީ ކުރަމުންނެވެ. މީގެ އިތުރުން، ވިއްސާރައިގެ ސަބަބުން ރައްޔިތުންނަށް ދިމާވާ ދަތިތައް ކުޑަކުރުމަށާއި ރައްޔިތުންގެ ޙާލު ގާތުން ބަލާ އެހީތެރިކަން ފޯރުކޮށްދިނުމުގެ މަސައްކަތް ސަރުކާރުގެ ކަމާބެހޭ ހުރިހާ އިދާރާތައް ގުޅިގެން ޚާއްޞަ ސަމާލުކަމަކާއެކު ދަނީ ކުރިއަށް ގެންދަވަމުންނެވެ.
އެމްއެންޑީއެފްގެ ފަރާތުން މިހާރުވެސް މާލޭގެ ފެންބޮޑުވެފައިވާ ބައެއް ސަރަޚައްދު ތަކުގައި ފެން ހިންދުމުގެ މަސައްކަތްތައް ކުރަމުން އަންނަ އިރު ، ފުލުހުންގެ އެހީތެރިކަމާއި އެކު ވެލިބަސްތާ ޖެހުމުގެ މަސައްކަތްތައްވެސް ވަނީ ފަށާފައެވެ.
ރާއްޖެއަށް ކުރަމުންދާ ވިއްސާރައާއި ގުޅިގެން އެއްވެސް އެހީތެރިކަމެއް ރައްޔިތުން ބޭނުންވެލައްވާނަމަ 911 އަށް ގުޅުމުން ބޭނުންވާ އެހީތެރިކަމެއް ފޯރުކޮށްދެއްވުމަށް ފުލުހުން ތިބީ ތައްޔާރަށްކަމަށް އެމުއައްސަސާއިން ވަނީ ހާމަކޮށްފައެވެ.
