ދިގުރަށާއި މާލެއާ ދެމެދު ދަތުރުކުރި ލޯންޗެއް އަޑިއަށްދިއުމުން ސަލާމަތްކޮށްފި

މިއަދު ހެނދުނު 7:57 ގައި ދިގުރަށުން މާލެއަށް ދަތުރުކުރަމުން ދިޔަ "ހުވަން" ނަމަކަށް ކިޔާ ލޯންޗެއް އަޑިއަށް ދިޔަކަމުގެ ރިޕޯޓު ފުލުހުންނަށް ވަނީ ލިވިފައިކަމަށް ދިވެހި ފުލުހުންގެ ހިދުމަތުން ހާމަކޮށްފިއެވެ. މި ލޯންޗުގައި 45 ފަސިންޖަރުންނާއި 3 ފަޅުވެރިން ތިބިކަމަށް ވެއެވެ.

𝗦𝘄𝗶𝗳𝘁 𝗥𝗲𝘀𝗰𝘂𝗲: 𝗔𝗹𝗹 𝗦𝗮𝗳𝗲 𝗔𝗳𝘁𝗲𝗿 𝗟𝗮𝘂𝗻𝗰𝗵 "𝗛𝘂𝘃𝗮𝗻" 𝗦𝗶𝗻𝗸𝘀

At 07:57 this morning, we received reports of the launch *Huvan* sinking en route from Dhigurah to Male'. The vessel was carrying 45 passengers and 3 crew members. pic.twitter.com/0QyxeAjrYf

— Maldives Police (@PoliceMv) March 2, 2025

މި ހާދިސާ ހިނގުމާއެކު، އެމަރޖެންސީ ރެސްޕޮންސް ޓީމުތައް ވަގުތުން ފޮނުވައި، ލޯންޗުގައި ތިބި އެންމެހައި ފަރާތްތައް ރައްކާތެރިކަމާއެކު ސަލާމަތްކުރެވުނެވެ. މީގެ ތެރޭގައި 4 ކުޑަކުދިން ހިމެނެއެވެ. ސަލާމަތްކުރެވުނު އެންމެހައި ފަސިންޖަރުންނާއި ފަޅުވެރިން ދިގުރަށަށް ގެންދެވި، އެންމެންގެ ޞިއްޙީ ހާލަތު ރަނގަޅުކަމަށް ފުލުހުން މަޢުލޫމާތުދެއެވެ.

މި ހާދިސާ ހިނގި ސަބަބު ދެނެގަތުމަށް ފުރިހަމަ ތަޙުޤީޤެއް ކުރިއަށްދާކަމަށް ފުލުހުން ވަނީ ބުނެފައެވެ.