އޭޝިއަން މެރެތަން ޗެމްޕިއަންޝިޕް: ރާއްޖެއިން ވާދަކުރާނީ އިރުފާން

އޭޝިއަން މެރެތަން ޗެމްޕިއަންޝިޕުގައި ދިވެހިރާއްޖެއިން ވާދަކުރާނީ މުޙައްމަދު އިރުފާން ކަމަށް ރާއްޖޭގެ އެތުލެޓިކްސް އެސޯސިއޭޝަނުން ބުނެފިއެވެ.
 
އިރުފާނަކީ ބޭރު ޤައުމުތަކުގެ މެރެތަންތަކުގައި ބައިވެރިވެ ވަނަތައް ހޯދަމުން އަންނަ ޒުވާނެކެވެ. މީގެ އިތުރުން، އިރުފާން އަކީ ރާއްޖޭގެ ފެންވަރުގައި ވެސް މުބާރާތްތަކުގައި ބަައިވެރިވާ ފަރާތެކެވެ. އެގޮތުން، އޭނާ އަކީ 5000 އަދި 10000 މީޓަރުގެ ދުވުންތަކުގައި ބައިވެރިވާ އެތުލީޓެކެވެ. 
 
އިރުފާން ވަނީ، 2021 ވަނަ އަހަރު ބޭއްވި 30 ވަނަ "ނޭޝަނަލް އެތުލެޓިކްސް ޗެމްޕިއަންޝިޕް" ގައި ބައިވެރިވެ 5000 އަދި 10000 މީޓަރުގެ މެރެތަންގައި ވާދަކޮށް ލޯ މެޑަލް ހޯދާފައެވެ. މީގެ އިތުުރުން، އިރުފާން ވަނީ ތުރުކީގެ ބާއްވާ އެންމެ ބޮޑު އެއް މެރެތަން ކަމަށްވާ "ރަން ތަލްޔާ 2022" ގައި ބައިވެރިވެ އޭނާގެ އުމުރުފުރައިން އެއްވަނަ ހޯދާފައެވެ. 
 
އޭޝިއަން މެރަތަން ޗެމްޕިއަންޝިޕް އޮންނާނީ މި މަހުގެ 30 ގައި ޗައިނާގެ ޖިއާޝިންގައެވެ.