ޚަބަރު
ނިމިދިޔަ ފެބްރުއަރީ މަހު އެންމެ ގިނައީ ވައްކަމާއި އެކްސިޑެންޓުގެ މައްސަލަތައް

ފުލުހުން މަގުމަތީގައި ޙަރަކާތްތެރިވަނީ/ފޮޓޯ: މޯލްޑިވްސް ޕޮލިސް ސަރވިސް
ނިމިދިޔަ ފެބްރުއަރީ މަހުގައި އެންމެ ގިނައީ ވައްކަމާއި އެކްސިޑެންޓްގެ މައްސަލަތައް ކަމަށް ފުލުހުންގެ ތަފާސްހިސާބުތަކުން ދައްކައިފިއެވެ.
ދިވެހި ފުލުހުންގެ ޚިދުމަތުން ކޮންމެ މަހެއް ނިމުމަށްފަހު ފުލުހުންގެ ތަފާސްހިސާބުތައް ޢާންމުކުރެއެވެ. އެގޮތުން، މިދިޔަ ފެބްރުއަރީ މަހުގެ ތެރޭގައި ފުލުހުންނަށް ވަނީ ޖުމްލަ 600 މައްސަލައެއް ހުށައަޅައިފައެވެ. އޭގެ ތެރެއިން، ފުލުހުންނަށް އެންމެ ގިނައިން ހުށައަޅާފައިވަނީ ވައްކަމުގެ މައްސަލަތަކެވެ.
މިދިޔަ މަހު ފުލުހުންނަށް ހުށައަޅާފައިވާ މައްސަލަތަކުގެ ތެރޭގައި ހިމެނެނީ:
- ވައްކަން ކުރުމުގެ 132 މައްސަލަ
- ޓްރެފިކް އެކްސިޑެންޓު 177 މައްސަލަ
- މުދަލަށް ގެއްލުން ދިނުމުގެ 31 މައްސަލަ
- މަކަރާއި ހީލަތް ހެދުން 36 މައްސަލަ
- ޖިންސީ ގޯނާގެ 10 މައްސަލަ
- އަނިޔާ ކުރުމުގެ 34 މައްސަލަ
- ގެވެށި އަނިޔާ 13 މައްސަލަ
- ފޭރުމުގެ 10 މައްސަލަ
- ފޯޖް ކުރުމުގެ 6 މައްސަލަ
- މަސްތުވާތަކެއްޗާ ގުޅޭ 86 މައްސަލަ
- އެއްޗެހި ގެއްލުމުގެ 65 މައްސަލަ
ވައްކަމާއި ފޭރުމުގެ މައްސަލަތަކީ ދިވެހި ފުލުހުންގެ ޚިދުމަތުން އަބަދުވެސް ވަރަށް ބޮޑު އަހަންމިއްޔަތުކަމެއް ދީގެން، ހުއްޓުވުމަށް މަސައްކަތް ކުރަމުން އަންނަ ކަމެކެވެ. ނަމަވެސް، އެފަދަ މައްސަލަތަކުގެ ޢަދަދު އަދިވެސް އަންނަނީ އިތުރުވަމުންނެވެ. މީގެ އިތުުރުން، ކޮންމެ މަހަކުވެސް ފުލުހުންގެ ތަފާސްހިސާބުތައް ޢާންމުކުރާއިރު އެންމެ ގިނައީ ވައްކަމާއި ފޭރުމުގެ މައްސަލަތަކެވެ. އަދި ދެވަނައަށް އެންމެ ގިނައީ މަސްތުވާތަކެތީގެ މައްސަލަތަކާއި އެކްސިޑެންޓުގެ މައްސަލައެވެ.