ދީން

ކުރާ ހެޔޮ ޢަމަލުތަކަކީ ދެއްކުންތެރިކަމަށް ކުރާ ކަންކަންނަމަ، އެކަމުގެ ދަރުމައިން މަހުރޫމް ވާނެ

ކުރާ ހެޔޮ ޢަމަލުތަކަކީ ދެއްކުންތެރިކަމަށް ކުރާ ކަންކަންނަމަ، އެކަމުގެ ދަރުމައިން މަހުރޫމް ވާނެ

މިސްކިތެއްގައި ރޯދަ ވީއްލަން ތައްޔާރުވަނީ، ފޮޓޯ: ޕީއެސްއެމް

މިފްތާޙް މުޙައްމަދު

މިފްތާޙް މުޙައްމަދު

03 މާރިޗު 2025، 10:46

03 މާރިޗު 2025، 10:46

އަހަރެމެން ކުރާ ހެޔޮ ޢަމަލުތަކަކީ ދެއްކުންތެރިކަމަށް ކުރާ ކަންކަންނަމަ، އެ ހެޔޮ ޢަމަލުން ލިބެންވާ ދަރުމައެއް ނުލިބޭނެއެވެ.

ފަރުދުން މީޑިއާއިން މި ރަމަޟާން މަހަށް ޙާއްސަކޮށް ގެނެސްދޭ "ބަރަކާތް" ޕްރޮގްރާމުގައި ދެއްކުންތެރިކަމުގެ ނުބައިކަމަށް އަލިއަޅުވާލައްވާ ވާހަކަދައްކަވަމުން އައްޝައިޙާ މަރްޔަމް ޝަބާނާ ނަސޭހަތްތެރިވީ، އަހަރެމެން ކުރާ ހުރިހާ ހެޔޮ ޢަމަލަކީ ވެސް ﷲ ސުބްޙާނަޙޫ ވަތަޢާލާ ރުއްސަވާ ގޮތަށް ކުރެވޭ ޢަމަލަކަށް ހެއްދެވުމަށެވެ. 

އެގޮތުން ތިމަން ކަލޭގެފާނު މި އުއްމަތުގެ މައްޗަށް އެންމެ ބިރުފުޅު ގަންނަވަނީ ކުޑަ ޝިރުކަށްކަމަށް، ރަސޫލާ  صـلّى الله علـيـه وسـلّم ހަދީޘްކުރައްވާފައިވާކަމަށް ޝަބާނާ ވިދާޅުވިއެވެ. އަދި ކުޑަ ޝިރުކަކީ ކޮބައިތޯ ޞަހާބީން ސުވާލުކުރެއްވުމުން ރަސޫލާ ހަދީޘްކުރެއްވީ، އެއީ ދެއްކުންތެރިކަން ކަމަށެވެ. 

އެހެންކަމުން އަހަރެމެން ކުރާ ކޮންމެ ކަމަކީ ވެސް، ﷲ އަށް އިޙްލާސްތެރިވެހުރެ ކުރާ ކަމަކަށް ހެދުމަށް މަސައްކަތްކުރުމަށް އައްޝައިޙާ މަރްޔަމް ޝަބާނާ ވަނީ ނަސޭހަތްތެރިވެފައެވެ.

އަދި އެހެންނުވެއްޖެނަމަ، ހެޔޮ ޢަމަލު ކުރުމުގެ ބޭނުމެއް ނެތި ހިނގައިދާނެއެވެ. އެކަމުން ލިބޭނެ ދަރުމަށް ނޯންނާނެއެވެ.

ރަމަޟާން މަހުގެ ދުވަސްތައް މިހާރު އަޅުގަނޑުމެން ގުނަމުންދާއިރު، ﷲގެ ރުއްސެވުމާއި ފުއްސެވުން ހޯދުމުގެ ގޮތުން ގިނަ ޢަމަލުތަކެއް ކުރުމަކީ އަޅުގަނޑުމެންގެ ތެރެއިން ގިނަ ބަޔަކު ބޭނުންވާ ކަމެކެވެ. އެހެންކަމުން މިއަދުން ފެށިގެން އަޅުގަނޑުމެން ޢަޒުމު ކަނޑައަޅަންވީ، އެ ކަންކަން ކުރުމުގައި ދެއްކުންތެރިކަމުން ބަރީއަވުމަށެވެ. ހެޔޮ ޢަމަލުތަކުގެ ދަރުމާ ލިބޭނީ އޭރުންނެވެ.

މި ލިޔުން ކިޔާލުމުން