ދީން
ހޭދަކުރުމުގައި މުށްބާރުނުކުރުމަށާއި އިސްރާފުނުކުރުމަށް ސަމާލުވާންޖެހޭ

ހޭދަކުރުމުގައި ބޭނުންޖެހިފައިވާ މީހުންނަށް އިސްކަން ދިނުމަކީ މުހިންމު ކަމެއް، ފޮޓޯ: އިންޓަނެޓް

ފަރުދުން
04 މާރިޗު 2025، 11:32
04 މާރިޗު 2025، 11:32
މުދާ ހޭދަކުރުމުގައި މުށްބާރުނުކޮށް އިސްރާފުނުކުރުމަށް ސަމާލުކަން ދިނުމަކީ މުއުމިނުންގެ ސިފައެކެވެ.
ފަރުދުން މީޑިއާއިން މި ރަމަޟާން މަހަށް ޙާއްސަކޮށް ގެނެސްދޭ "ބަރަކާތް" ޕްރޮގްރާމުގައި، މުދާ ހޭދަކުރުމާ ގުޅޭގޮތުން ނަސޭހަތްތެރިވަމުން އައްޝައިޚާ އަރޫޝާ މާޙިރު ވިދާޅުވީ، ހޭދަކުރުމުގައި ވިސްނަންވީ އެންމެ މުހިންމު ކަންތައްތަކުގެ ތެރޭގައި ވެސް، މި ދެ ކަންތައް ހިމެނޭ ކަމަށެވެ.
އަދި މިކަމަށް ދަލީލު ދައްކަވަމުން، ކީރިތި ޤުރުއާނުގައި މާތްﷲ ވަޙީކުރައްވާފައިވާ ބަސްފުޅެއްގެ މާނަ ވެސް އަރޫޝާ ވަނީ ޙިއްސާކުރައްވާފައެވެ.
އެއުރެންނީ (މުއުމިނުން) ހޭދަކުރާނަމަ އިސްރާފު ނުކުރާ، އަދި މުށްބާރު ވެސް ނުކުރާ، މެދު މިނެއްގަ ހިފަހައްޓާ މީހުންނެވެ.
އެހެންކަމުން، ހޭދަކުރުމުގައި ބޭނުންޖެހިފައިވާ މީހުންނަށް އިސްކަން ދިނުމަކީ މުހިންމު ކަމެއްކަމަށް ވިދާޅުވިއެވެ.
ކީރިތި ޤުރުއާނުން އެހެން ދަލީލެއް ދައްކަވަމުން އަރޫޝާ ވިދާޅުވީ، ހޭދަ ކުރުމުގައި މިކަންކަމަށް ރައްކާތެރިވުމަކީ ކާމިޔާބު މީހުންގެ ސިފަތަކުގެ ތެރޭގައި ވެސް ހިމެނޭކަމެއް ކަމަށެވެ.
ކާމިޔާބު ލިބޭ މީހުންނަކީ އެމީހުންގެ އަމިއްލަ ނަފްސުގެ ދަހިވެތިކަމުން އެއްކިބާވެއްޖެ މީހުންނެވެ.
ކީރިތި ޤުރުއާނުން އެހެން ދަލީލެއް ދައްކަވަމުން އަރޫޝާ ވިދާޅުވިއެވެ.