ވިޔަފާރި

ސްވިޒަލޭންޑުގެ ސީދާ ދަތުރުތައް ރާއްޖެއަށް އިތުރުކުރުމާ ގުޅޭގޮތުން މަޝްވަރާކޮށްފި

ސްވިޒަލޭންޑުގެ ސީދާ ދަތުރުތައް ރާއްޖެއަށް އިތުރުކުރުމާ ގުޅޭގޮތުން މަޝްވަރާކޮށްފި

އެޑެލްވެއިސްގެ އެއަރކްރާފްޓެއް ވެލާނާ އެއަރޕޯޓުގައި، ފޮޓޯ: އެމްއޭސީއެލް

މިފްތާޙް މުޙައްމަދު

މިފްތާޙް މުޙައްމަދު

05 މާރިޗު 2025، 10:18

05 މާރިޗު 2025، 10:18

ހުލާސާ

ބޮޑަށް މަޝްވަރާ ކުރެވުނީ ލޯ ސީޒަންގައި ދަތުރުތައް އިތުރުކުރުމަށް

ސްވިޒަލޭންޑުގެ އެޑެލްވެއިސްގެ ދަތުރުތައް ރާއްޖެއަށް އިތުރުކުރުމާ ގުޅޭގޮތުން މަޝްވަރާކޮށްފިއެވެ. މި މަޝްވަރާ ކުރިޔަށްގެންގޮސްފައި ވަނީ މިހާރު ޖަރުމަނުވިލާތުގައި ކުރިޔަށްދާ އައިޓީބީ ބާރލިން ފެއަރގެ ތެރެއިންނެވެ.

އެގޮތުން، މި ފެއަރގައި ފަތުރުވެރިކަމާއި ތިމާވެށްޓާއި ބެހޭ ވަޒީރު ޠާރިޤް އިބްރާހީމް ބައިވެރިވެވަޑައިގެން ވަނީ ރާއްޖޭގެ ފަތުރުވެރިކަމާ ގުޅުންހުރި ފަރާތްތަކާ ވަކިވަކިން ވެސް ބައްދަލުކުރައްވާފައެވެ. އެގޮތުން އެޑެލްވެއިސްގެ ދަތުރުތައް ރާއްޖެއަށް އިތުރުކުރުމާ ގުޅޭގޮތުން މަޝްވަރާ ކުރެވުނީ، އެ އެއަރލައިނާއެކު ވަޒީރު ބޭއްވި ބައްދަލުކުރެއްވުމުގައެވެ.

މި ބައްދަލުކުރެއްވުމުގައި ބޮޑަށް މަޝްވަރާ ކުރެވުނީ، ލޯ ސީޒަންގައި ރާއްޖެއަށް އަންނަ ފަތުރުވެރިންގެ އަދަދު އިތުރު ކުރުމުގެ ގޮތުން، އެ ދުވަސްވަރުގައި އެ އެއާރލައިންގެ ދަތުރުތައް އިތުރުކުރުމާ ގުޅޭގޮތުންނެވެ. 

އެ އެއަރލައިންގެ ދަތުރުތައް މިހާރު ވެސް ކޮންމެ ހަފްތާއަކު ރާއްޖެއަށް އޮވެއެވެ. 

ފަތުރުވެރިކަމާ ބެހޭ ވުޒާރާއިން ވިދާޅުވީ، އެހެން އަހަރުތަކެކޭ އެއްފަދައިން މިއަހަރުގެ ފެއަރގައި ވެސް ދުނިޔޭގެ އެންމެ މަޤުބޫލު މަންޒިލުގެ ގޮތުގައި ދިވެހިރާއްޖެ އިޝްތިހާރު ކުރުމަށް މަސައްކަތް ކުރަމުން އަންނަ ކަމަށެވެ. އެހެންކަމުން،  އެހެން އަހަރުތަކެކޭ އެއްފަދައިން މި އަހަރުގެ ފެއަރއަށް ވެސް ރާއްޖެއިން ވަނީ ވަރަށް ބޮޑަށް ތައްޔާރުވެފައެވެ. އެގޮތުން، މޯލްޑިވްސް މާކެޓިންގ އެންޑް ޕަބްލިކް ރިލޭޝަންސް ކޯރޕަރޭޝަން، އެމްއެމްޕީއާރުސީއިން ފަތުރުވެރިކަމުގެ ސިނާޢަތުގައި ހަރަކާތްތެރިވާ ފަރާތްތަކާ ގުޅިގެން މި ފެއަރ މެދުވެރިކޮށް ރާއްޖެ އިތުރަށް އިޝްތިހާރުކުރުމަށް ގިނަ ހަރަކާތްތަކެއް އަންނަނީ ހިންގަމުންނެވެ. 

ދިވެހިރާއްޖޭގެ ފަތުރުވެރިކަން އިޝްތިހާރުކޮށް، ރާއްޖެއަކީ ފަތުރުވެރިންގެ މެދުގައި މަޤުބޫލު މަންޒިލަކަށް ހެދުމަށް ދިވެހި ސަރުކާރާއި ކަމާގުޅުންހުރި ވުޒާރާތަކުން އަންނަނީ ގިނަ މަސައްކަތްތަކެއް ކުރަމުންނެވެ. މިކަމުގެ ނަތީޖާއެއްގެ ގޮތުން، މިދިޔަ އަހަރު ރާއްޖެއަށް ވަނީ ފުރަތަމަ ފަހަރަށް 2 މިލިއަނަށް ވުރެ ފަތުރުވެރިން ޒިޔާރަތްކޮށްފައެވެ.

މި ލިޔުން ކިޔާލުމުން

Ads by MSS