ދިވެހި ޤައުމިއްޔަތު ދިރުވައި އާލާކުރާ ދުވަހާ ގުޅިގެން އެކުވެރިކަމުގެ ފިނިބުރެއް މިއަދު ބާއްވަނީ

ދިވެހި ޤައުމިއްޔަތު ދިރުވައި އާލާކުރާ ދުވަސް ފާހަގަކުރުމުގެ ގޮތުން، ދިވެހިބަހާއި ސަގާފަތާއި ތަރިކައާބެހޭ ވުޒާރާއިން އިންތިޒާމްކޮށްގެން މިއަދު ހަވީރު  ސައިކަލުތަކުގައި ބާއްވާ އެކުވެރިކަމުގެ ފިނިބުރެއް 16:30 ހުގައި ހެދިގޮށުދޮށުގައި ބޭއްވުމަށް ވަނީ ހަމަޖެހިފައެވެ. 

ދިވެހި ޤައުމިއްޔަތު ދިރުވައި އާލާކުރާ ދުވަސް ފާހަގަ ކުރުމުގެ ގޮތުން ބާއްވާ އެކުވެރިކަމުގެ ފިނިބުރަށް އެންމެހާ ލޮބުވެތި ރައްިތުންނަށް  ވަނީ ދަޢުވަތު އަރުވާފައެވެ.

ދިވެހި ޤައުމިއްޔަތު ދިރުވައި އާލާކުރާ ދުވަސް ފާހަގަ ކުރުމުގެ ގޮތުން ބާއްވާ އެކުވެރިކަމުގެ ފިނިބުރަށް އެންމެ ބޭފުޅުންނަށް ދަޢުވަތު އަރުވަން.#ދައުލަތުގެޓީމު | #ރޯދައިގެރޫހު pic.twitter.com/z11n9nELRB

— Ministry of Dhivehi Language, Culture and Heritage (@MoDLCH) March 6, 2025

ކޮންމެ އަހަރެއްގެ މާރިޗު 6 ވަނަ ދުވަހަކީ ދިވެހި ޤައުމިއްޔަތު ދިރުވައި އާލާކުރާ ދުވަސް ކަމުގައި ސަރުކާރުން ވަނީ ކަނޑައަޅާފައެވެ. މިއީ 2017 ވަނަ އަހަރުގެ މާރިޗު 6 ގައި "ތަރިކަ" މަޝްރޫޢު އިފްތިތާޙު ކުރެވުނު ދުވަހެވެ. މި ދުވަހުގެ މައިގަނޑު މަޤްޞަދަކީ ދިވެހީންގެ މެދުގައި އިސްލާމީ ވަޙްދަތާއި ޤައުމީ ރޫޙު އުފައްދައި އާލާކުރުމެވެ.

މި މުނާސަބަތާ ގުޅިގެން ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ދެއްވި ޚާއްޞަ ޚިޠާބުގައި ވިދާޅުވެފައިވަނީ، މި ދުވަހުގެ ޢަޒުމަކަށް ވާންވާނީ އިސްލާމްދީނުގެ ރިވެތި އުސޫލުތަކަށް ޢަމަލުކުރާ، ދިވެހީންގެ ހަރުދަނާ ސިފަތަކަށް ޤަދަރުކުރާ ބަޔަކަށް ވުމެވެ. އަދި މިގޮތަށް ޢަމަލުކުރުމުން ރޫޙާނީ އަދި ނަފްސާނީ ގޮތުން ތާހިރުކަން ލިބި، މަސައްކަތްތެރި، މުރާލި އަދި ހުނަރުވެރި ތަހުޒީބު ބަޔަކަށް ވެވޭނެ ކަމަށެވެ.