ޚަބަރު
ސަތޭކަ މީޓަރު ފްރީސްޓައިލް އިވެންޓުގެ ރެކޯޑު އުލްޔާ މުގުރާލައިފި
އައިޝަތު އުލްޔާ ޝާއިގް/ ފޮޓޯ: ވަން ނިއުސް
ފެތުމުގެ އަންހެނުންގެ ލޯންގްކޯސް 100 މީޓަރު ފްރީސްޓައިލް އިވެންޓުގެ ގައުމީ ރެކޯޑު، އައިޝަތު އުލްޔާ ޝާއިގް މުގުރާލައިފިއެވެ.
އުލްޔާ ރެކޯޑު ހެދީ އޮސްޓްރޭލިއާ ގައި ކުރިއަށްދިޔަ ދަ ޔުނިވަރސިޓީ އޮފް ވެސްޓަރން އޮސްޓްރޭލިއާ ވެސްޓްކޯސްޓް ސްވިމިން ކްލަބް (ޔޫޑަބްލިއުއެސްސީ)، ކްލަބް ނައިޓް ނަންބަރު ފަހެއްގައި ވާދަކޮށް، 1 މިނެޓު 4.32 ސިކުންތުން ރޭސް ނިންމައިގެންނެވެ.
Ulya renews the national record of 100m Freestyle event!https://t.co/T9Al9xqLDM pic.twitter.com/HAjy3s2LrD
— Swimming Association of Maldives 🇲🇻 (@MDVswim) March 7, 2025
އުލްޔާއަކީ މިދިޔަ އަހަރު ފްރާންސްގެ ޕެރިހުގައި ބޭއްވި އޮލިމްޕިކްސްގައި ވެސް ރާއްޖެ ތަމްސީލު ކުރި އެތުލީޓެކެވެ. އޭނާ ވަނީ މިދިޔަ މަސް ތެރޭގައިި އަންހެނުންގެ ލޯންގް ކޯސް 50 މީޓަރު ބެކްސްޓްރޯކް އިވެންޓްގެ ގައުމީ ރެކޯޑާއި ލޯންގްކޯސް 50 މީޓަރު ފްރީސްޓައިލް އިވެންޓްގެ ގައުމީ ރެކޯޑުވެސް އާކޮށްފައެވެ.
