ކުޅިވަރު

އޭޝިއަން އެތުލެޓިކްސް ޗެމްޕިއަންޝިޕް ޓްރަޔަލްގައި ޤައުމީ ދެ ރެކޯޑެއް އައުކޮށްފި

އޭޝިއަން އެތުލެޓިކްސް ޗެމްޕިއަންޝިޕް ޓްރަޔަލްގައި ޤައުމީ ދެ ރެކޯޑެއް އައުކޮށްފި

ި ޓްރަޔަލްގައި ރެކޯޑު އައުކޮށްފައިވާ ދެ އެތުލީޓުން---

މިފްތާޙް މުޙައްމަދު

މިފްތާޙް މުޙައްމަދު

08 މާރިޗު 2025، 01:17

08 މާރިޗު 2025، 01:17

އެޕްރީލް މަހުގެ 15-18 އަށް ސައުދީ އަރަބިއްޔާގެ ދައްމާމުގައި ބޭއްވުމަށް ހަމަޖެހިފައިވާ 18  އަހަރުން ދަށުގެ އޭޝިއަން އެތުލެޓިކްސް ޗެމްޕިއަންޝިޕަށް ދާނެ ޓީމެއް ހޮވުމަށް ބޭއްވި ޓްރަޔަލްގައި ދެ އުމުރުފުރާއެއްގެ ރެކޯޑުތަކެއް އައުކޮށްފިއެވެ.

މި ރެކޯޑުތައް އައުކޮށްފައި ވަނީ ފިރިހެނުންގެ 1500 މީޓަރުދުވުމުގެ 18 އަހަރުން ދަށުގެ ކެޓަގަރީންނާއި، އުސް ފުންމުމުގެ 20 އަހަރުން ދަށުގެ ކެޓަގަރީންނެވެ.

އެގޮތުން ފިރިހެނުންގެ 1500 މީޓަރުދުވުމުގެ 18 އަހަރުން ދަށުގެ ރެކޯޑު އައުކުރީ އާއިދު އަބްދުﷲ ރިފާޢުއެވެ. އޭނާ ވަނީ ޓްރަޔަލް ބުރު ހަތަރު މިނެޓު 27.87 ސިކުންތުން ފުރިހަމަކޮށްގެންނެވެ. ކުރިން މި ރިކޯޑު އޮތީ އަޒްހާން ވަހީދުގެ އަތުގައެވެ. އޭނާ ރިކޯޑު ހަދާފައިވަނީ 2011 އަހަރު 18 އަހަރުން ދަށުގެ ވޯލްޑް ޗެމްޕިއަންޝިޕުގައި ހަތަރު މިނެޓު 27.87 ސިކުންތުން ރޭސް ނިންމައިގެންނެވެ.

އަދި އުސް ފުންމުމުގެ 20 އަހަރުން ދަށުގެ ރެކޯޑު އައުކުރީ ޔޫސުފް ނައިކު ވަޖީހެވެ. އޭނާ ރިކޯޑު އައުކުރީ 1.80 މީޓަރަށް ފުންމައިގެންނެވެ. ކުރިން މި ރިކޯޑު އޮތީ 2007 ވަނަ އަހަރުގެ އިންޓަރ ސްކޫލް ޗެމްޕިއަންޝިޕުގައި ވާދަކޮށް 1.78 މީޓަރަށް ފުންމި އަބަދުލް މަޖީދު އާދަމްގެ އަތުގައެވެ.

18 އަހަރުން ދަށުގެ އޭޝިއަން އެތުލެޓިކްސް ޗެމްޕިއަންޝިޕްގައި ވާދަކުރާ ޓީމަށް ހޮވިފައިވަނީ ރައިން މުޙައްމަދާއި، އައިމިނަތު ލުހުޔާ އަޙްމަދާއި، ޒީކް އަޝްރަފް ރަޝީދާއި، އަހުނަފް ރައްޔާން ފަހުމީ އަދި ޔޫސުފް ނައިކް ވަޖީހެވެ.

މި ފަހަރުގެ މުބާރާތުގެ ޓްރެކް އެންޑް ފީލްޑް އިވެންޓުތަކުގެ ތެރޭގައި 100 މީޓަރާއި، 200 މީޓަރާއި، 400 މީޓަރާއި، 800 މީޓަރާއި، 1،500 މީޓަރު އަދި 3000 މީޓަރު ދުވުމާއި، 110 މީޓަރު އަދި 400 މީޓަރު ހާޑްލްސް އާއި، 2،000 މީޓަރު ސްޓީޕްލްޗޭސް ހިމެނެއެވެ. މީގެ އިތުރުން 5،000 އަދި 10،000 ރޭސް ވޯކިން އިވެންޓް އޮންނާނެއެވެ.

އެންމެ ފަހުން 18 އަހަރުން ދަށުގެ އޭޝިއަން އެތުލެޓިކްސް ޗެމްޕިއަންޝިޕް ބާއްވާފައިވަނީ 2023 ވަނަ އަހަރު އުޒްބެކިސްތާނުގައެވެ. އެ މުބާރާތުގައި ރާއްޖޭގެ އަހުނާ ނިޒާރާއި ޒިވާ މޫސާ ވަނީ ވާދަކޮށްފައެވެ.

މި ލިޔުން ކިޔާލުމުން

Ads by MSS