ޚަބަރު
ބާރަށުގެ ފުށްޓަރު ފަރާތަށް ބޮނޑި ބޮނޑިއަށް ބަނދެފައި ހުރި ފަތްތަކެއް ލައްގަނީ
ހއ.ބާރަށް ފޮޓޯ:އިންޓަނެޓް
ހއ. ބާރަށުގެ ފުށްޓަރު ފަރާތުން ބޮނޑި ބޮނޑިއަށް ބަނދެފައި ހުރި ފަތްތަކެއް ފެނުނު ކަމުގެ މަޢުލޫމާތު މިއަދު ހަވީރު 4:15 ހާއިރު ފުލުހުންނަށް ލިބިފައިވާ ކަމަށް ފުލުހުން މަޢުލޫމާތު ދީފިއެވެ.
މި ހާދިސާއާ ގުޅިގެން ފުލުހުން ވަނީ އެ ސަރަޙައްދަށް ގޮސް ތަޙުޤީޤު ފަށާފައެވެ. އަދި މިހާތަނަށް ބެލިބެލުމުން، މި ތަކެއްޗަކީ މަސްތުވާ ޒާތުގެ އެއްޗެއް ކަމަށް ނުބެލެވޭ ކަމަށް ފުލުހުން ވަނީ ބުނެފައެވެ.
ނަމަވެސް، މި ތަކެތި ފެނުނު ގޮތާއި، އެއީ ކޮން އެއްޗެއްކަން ދެނެގަތުމަށް ޓަކައި ތަޙުޤީޤު ކުރިއަށްދާ ކަމަށް ފުލުހުން ވަނީ ހާމަކޮށްފައެވެ. އަދި މި މައްސަލައިގައި އިތުރު މަޢުލޫމާތު ލިބުމުން އާންމުންނާ ހިއްސާކުރާނެ ކަމަށްވެސް ފުލުހުން ވަނީ ބުނެފައެވެ.
