ވީއައިއޭގެ އައު ޓަރމިނަލް ހުޅުވުމާއެކު އެއަރޕޯޓުގެ ޓްރެފިކް ފްލޯއަށް އަންނާނެ ބަދަލުތަކާ ގުޅޭގޮތުން މަޝްވަރާކޮށްފި

ވެލާނާ އިންޓަރނޭޝަނަލް އެއަރޕޯޓުގެ (ވީއައިއޭ) އައު އިންޓަރނޭޝަނަލް ޕަސެންޖަރ ޓަރމިނަލް ހުޅުވުމާ ގުޅިގެން އެއަރޕޯޓުގެ ޓްރެފިކް ފްލޯއަށް އަންނާނެ ބަދަލުތަކާ ގުޅޭގޮތުން ދަތުރުފަތުރާއި މަދަނީ އުދުހުންތަކާ ބެހޭ ވުޒާރާއާއި މޯލްޑިވްސް އެއަރޕޯޓްސް ކޮމްޕެނީ ލިމިޓެޑް (އެމްއޭސީއެލް) އާ ދެމެދު މަޝްވަރާތަކެއް ކުރިއަށް ގެންގޮސްފިއެވެ.

ދަތުރުފަތުރާބެހޭ ވުޒާރާއިން މަޢުލޫމާތު ދެއްވިގޮތުގައި، މި ބައްދަލުވުމުގައި އައު ޓަރމިނަލް ހުޅުވުމާއެކު ޓެކްސީ ކިއުއަށް އަންނާނެ ބަދަލުތަކާއި، ޓެކްސީ އަދި ހަތަރު ފުރޮޅުލީ އުޅަނދުތައް ދަތުރުކުރާނެ މަގުތަކަށް ގެންނާނެ ބަދަލުތަކާ ގުޅޭގޮތުން މަޝްވަރާކުރެވުނެވެ. މީގެ އިތުރުން، އިތުރު އުޅަނދުތައް ޕާކުކުރުމަށް އެމްއޭސީއެލުން ހަމަޖައްސާނެ ސަރަހައްދާއި، އެ ސަރަހައްދުގައި ބަހައްޓާ "ރައުންޑް އެބައުޓް" ބޭނުންކުރުމާ ގުޅޭގޮތުންވެސް މަޝްވަރާކުރެވުނެވެ.

ވީއައިއޭ ތަރައްޤީކުރުމުގެ މަޝްރޫޢުގެ ދަށުން އިމާރާތްކުރެވޭ މި އައު ޓަރމިނަލްގެ މަސައްކަތްތައް މިހާރު ވަނީ ނިމުމަކާ ކައިރިވެފައެވެ. މިހާރު ކުރިއަށްދަނީ ޓަރމިނަލް އޮޕަރޭޝަނަށް ގެނައުމަށްޓަކައި ކުރަންޖެހޭ އެންމެ ފަހުގެ މަސައްކަތްތަކެވެ. ރައީސުލްޖުމްހޫރިއްޔާ ޑޮކްޓަރ މުޢިއްޒު  ވަނީ މިއަހަރުގެ އޮކްޓޫބަރު މަހުގެ ކުރިން މި އައު ޓަރމިނަލް ހުޅުވޭނެކަމަށް އިޢުލާންކުރައްވާފައެވެ.

އާ ޓާމިނަލް ހުޅުވިގެންދާއިރު އެއަރޕޯޓުގެ ޓްރެފިކް ފޮލޯއަށް އަންނާނެ ބަދަލުތަކާއި ގުޅޭގޮތުން @MACLmedia އާއިއެކު މަޝްވަރާ ބައްދަލުވުމެއް ބާއްވައިފި!
އެގޮތުން ޓްކްސީ ކިއު އަށް އަންނާނެ ބަދަލުތަކާއި ޓެކްސީ އަދި ހަތަރު ފުރޮޅުލީ އުޅަނދުތައް ދަތުރުކުރާނެ މަގުތަކަށް އަންނާނެ… pic.twitter.com/VGIpmGu7Xj

— Ministry of Transport and Civil Aviation (@MoTCAmv) March 9, 2025

78 ހާސް އަކަ މީޓަރުގެ މި އައު ޓަރމިޓަރމިނަލަކީ އަހަރަކު 7 މިލިއަން ފަސިންޖަރުންނަށް ޚިދުމަތްދެވޭ ފެންވަރަށް ތަރައްޤީކުރެވޭ ޓަރމިނަލެކެވެ. މިއީ މިހާރު ބޭނުންކުރަމުންދާ އަދި އަހަރަކު 1.5 މިލިއަން ފަސިންޖަރުންނަށް ޚިދުމަތްދެވޭ ޓަރމިނަލާ އަޅާބަލާއިރު ވަރަށް ބޮޑު ކުރިއެރުމެކެވެ.