ޚަބަރު
ނިމިދިޔަ އެމްޑީޕީ ސަރުކާރުން ނެގި 100 މިލިއަން ޑޮލަރުގެ ލޯނު ދައްކައި ނިންމައިފި

ވަޒީރު މޫސާ ޒަމީރް ފޮޓޯ:ކޯޕަރޭޓް މޯލްޑިވްސް
ނިމިދިޔަ އެމްޑީޕީ ސަރުކާރުން ބޭރުގެ މާލީ އެޖެންސީއެއް ކަމަށްވާ ކާގިލް ފައިނޭންޝަލް ސަރވިސް އިންޓަނޭޝަނަލްއިން ނަގާފައިވާ 100 މިލިއަން ޑޮލަރުގެ ލޯނު މިހާރު ވަނީ ދައްކައި ނިންމާފައިކަމަށް ފިނޭންސް މިނިސްޓްރީން މިއަދު ހާމަކޮށްފިއެވެ.
ފިނޭންސް މިނިސްޓްރީން މަޢުލޫމާތު ދެއްވިގޮތުގައި، މި ލޯނަކީ 2022 ވަނަ އަހަރު ބަޖެޓް ސަޕޯޓުގެ ގޮތުގައި ނަގާފައިވާ ލޯނެކެވެ. މި ލޯނު ނަގާފައިވަނީ 7.15 އިންސައްތައިގެ އިންޓަރެސްޓް ރޭޓެއްގައި، 3 އަހަރު ދުވަހުގެ ތެރޭގައި އަނބުރާ ދައްކާ ގޮތަށެވެ. ލޯނު އަނބުރާ ދައްކައި ނިންމިއިރު، އިންޓްރެސްޓްގެ ގޮތުގައި އިތުރު 26 މިލިއަން ޑޮލަރު ސަރުކާރުން ދައްކާފައިވެއެވެ.
މާލީ ވުޒާރާގެ އޮފިޝަލަކު ވިދާޅުވީ ރާއްޖެއިން ނަގާފައިވާ ލޯނުތައް އެއްބަސްވުންތަކާއި އެއްގޮތަށް ދައްކަމުންދާކަމަށެވެ. އަދި ރާއްޖެއިން ދައްކަންޖެހޭ ލޯނެއް ދެއްކުމުގައި މިހާތަނަށް އެއްވެސް މައްސަލައެއް ކުރިމަތިވެފައި ނުވާކަންވެސް މާލީ ވުޒާރާއިން ފާހަގަކުރައްވައެވެ.
ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ ސަރުކާރުން މި ލޯނު ދައްކައި ނިންމާފައިވަނީ، މި އަހަރު ދައްކަންޖެހޭ ފައިސާ ސަރުކާރަށް ނުދެއްކޭނެ ކަމަށް ބުނެ ބައެއް ފަރާތްތަކުން ޙަޤީޤަތާ ޚިލާފު ވާހަކަތަކެއް ފަތުރަމުންދާ ދަނޑިވަޅެއްގައެވެ.
ނިމިދިޔަ ސަރުކާރުން ބޮޑެތި މަޝްރޫޢުތައް ހިންގުމުގެ ނަމުގައި އެތައް ބިލިއަން ރުފިޔާއެއްގެ ލޯނު ނަގާފައިވާކަމަށާއި، ނަމަވެސް ގިނަ މަޝްރޫޢުތައް ނިމިފައި ނުވާކަން ފިނޭންސް މިނިސްޓްރީން ފާހަގަކޮށްފައިވެއެވެ. މީގެ އިތުރުން، ރާއްޖޭގެ ކުންފުނިތަކަށް ދޭންޖެހޭ އެތައް ބިލިއަން ރުފިޔާއެއް ނިމިދިޔަ ސަރުކާރުގެ ވެރިކަން ނިމުނުއިރު އޮތީ ނުދައްކާ ކަމަށްވެސް އެ ވުޒާރާއިން ބުނެފައިވެއެވެ.
ރައީސް މުޢިއްޒުގެ ސަރުކާރުން މިހާރު ވަނީ ބޭރުގެ ދަރަނި މެނޭޖުކުރުމުގެ އިތުރުން، ދިވެހި ކުންފުނިތަކަށް ސަރުކާރުން ދޭންޖެހޭ ފައިސާވެސް ދޫކުރަން ފަށާފައެވެ. އަދި ހަރުދަނާ އިޤްތިޞާދީ ސިޔާސަތުތަކެއް ތަންފީޒުކޮށް، އިޤްތިޞާދު އަލުން ހަމަ މަގަށް އަޅުވާފައިވާ ކަމަށް ސަރުކާރުން ބުނެއެވެ.
މިއަހަރަކީ އިޤްތިޞާދީގޮތުން ރާއްޖެއަށް ބޮޑެތި ކުރިއެރުންތަކެއް ލިބި، ރައްޔިތުންނަށް ފާގަތިކަމާއި ތަނަވަސްކަން ގެނެސްދޭނެ އަހަރަކަށް ވެގެންދާނެ ކަމަށް ސަރުކާރުން އުންމީދުކުރާ ކަމަށްވެސް ފިނޭންސް މިނިސްޓްރީން ފާހަގަކޮށްފައިވެއެވެ.
ކާގިލް ފައިނޭންޝަލް ސަރވިސް އިންޓަނޭޝަނަލްއިން ނެގި 1.5 ބިލިއަން ރުފިޔާގެ އިތުރުންވެސް ނިމިދިޔަ ސަރުކާރުގައި ވަނީ ބޮޑެތި މަޝްރޫއުތަކެއް ހިންގުމުގެ ނަމުގައި އެތައް ބިލިޔަން ރުފިޔާއެއްގެ ލޯނު ނަގާފައެވެ. ނަމަވެސް އޭގެތެރެއިން ގިނަ މަޝްރޫއުތައް ނިމިފައި ނުވާއިރު، ބައެއް މަޝްރޫއުތައް ހުރީ މަޑުޖެހިފައެވެ.
ބޭރުން ނަގާފައިވާ ދަރަނީގެ އިތުރުން އެކި މަޝްރޫއުތައް ހިންގާފައިވާ ރާއްޖޭގެ ކުންފުނިތަކަށް ކަށް ދޭންޖެހޭ އެތައް ބިލިޔަން ރުފިޔާއެއްވެސް ނިމިދިޔަ ސަރުކާރުގެ ވެރިކަން ނިމުނުއިރު އޮތީ ނުދައްކާކަން މާލީ ވުޒާރާއިން ފާހަގަކުރައްވައެވެ. އެހެންކަމުން ރައީސުލްޖުމްހުރިއްޔާ ޑރ މުހައްމަދު މުއިއްޒު ވެރިކަމާއި ހަވާލުވެ ވަޑައިގަތުމަށްފަހު ބޭރުގެ ދަރަނި މެނޭޖުކުރުމުގެ އިތުރުން، ދިވެހި ކުންފުނިތަކަށް ސަރުކާރުން ދޭންޖެހޭ ފައިސާވެސް ދަނީ ދޫކުރައްވަމުންނެވެ.
ނިމިދިޔަ ސަރުކާރުން ގެންގުޅުނު މާލީ ސިޔާސަތުތަކުގެ ސަބަބުން ރާއްޖެއަށް މާލީގޮތުން ދަތިތައް ކުރިމަތިވެފައި އޮތްނަމަވެސް، ރައީސް ޑރ. މުހައްމަދު މުޢިއްޒުގެ ސަރުކާރުން ވަނީ ހަރުދަނާ ސިޔާސަތުތަކެއް ތަންފީޒުކުރައްވައި، އިގްތިސާދު އަލުން ހަމަ މަގަށް އަޅުއްވާފައެވެ. މިއާއެކު މިއަހަރު ވެގެންދާނީ އިގްތިޞާދީގޮތުން ރާއްޖެއަށް ބޮޑެތި ކުރިއެރުންތަކެއް ލިބި، ރައްޔިތުންނަށްވެސް ފާގަތިކަމާއި ތަނަވަސްކަން ގެނެސްދޭނެ އަހަރަކަށްކަމަށް ސަރުކާރުން ގަބޫލުކުރައްވައެވެ.