ޚަބަރު
އެމްޕީއެލްގެ ޑިރެކްޓަރުންގެ ބޯޑުގެ މެންބަރު ޝިޔާމް އިބްރާހިމް މަޤާމުން ވަކިކޮށްފި

ޝިޔާމް އިބްރާހިމް ފޮޓޯ:ޕީއެސްއެމް
މޯލްޑިވްސް ޕޯޓްސް ލިމިޓެޑް (އެމްޕީއެލް) ގެ ޑިރެކްޓަރުންގެ ބޯޑުގެ މެންބަރުކަމުގެ މަޤާމުގައި ހުންނެވި ގއ. ދެއްވަދޫ، އޯޝަންރީޑް ޝިޔާމް އިބްރާހިމް އެ މަޤާމުން ވަކިކޮށްފިއެވެ. މިކަން އިއުލާނުކޮށްފައިވަނީ ދައުލަތުގެ ކުންފުނިތަކުގެ ބެލެނިވެރި ފަރާތްކަމުގައިވާ ޕްރައިވެޓައިޒޭޝަން އެންޑް ކޯޕަރަޓައިޒޭޝަން ބޯޑުންނެވެ.
ޕްރައިވެޓައިޒޭޝަން ބޯޑުން މިއަދު ސޯޝަލް މީޑިއާގައި ހިއްސާކުރި ޕޯސްޓެއްގައި ބަޔާންކޮށްފައިވަނީ ޝިޔާމް އިބްރާހިމް މަޤާމުން ވަކިކުރި ޚަބަރެވެ. ނަމަވެސް މަޤާމުން ވަކިކުރި ސަބަބެއް މި ވަގުތު ހާމަކޮށްފައެއް ނުވެއެވެ.
މީގެ ކުރިން، އެމްޕީއެލްގެ މެނޭޖިންގ ޑިރެކްޓަރުގެ މަޤާމުގައި ހުންނެވި މުޙައްމަދު ވަޖީހު އިބްރާހީމްވެސް ވަނީ ދާދި ފަހުން އެ މަޤާމުން ވަކިކޮށްފައެވެ. އޭނާގެ ބަދަލުގައި އެ މަޤާމަށް ހ. ހަބަރުގެ، މުޙައްމަދު ރިޝްވާނު ވަނީ އައްޔަންކޮށްފައެވެ.