ދުނިޔޭގެ އެންމެ މަޤުބޫލު އަދި އެންމެ ޗާލު 5 މިސްކިތް

މިސްކިތްތަކަކީ ބިންމަތީގައި ވާ ﷲގެ ކޮޅުތަކެވެެ. އެތަންތަނުގައި ދުވާލަކު 5 ފަހަރަށް ﷲގެ ޒިކުރު ކުރުމަށް ގޮވާލެވި ޖަމާޢަތް ހަދައި އެތަނެއްގައި 5 ވަގުތު ނަމާދުކުރެވޭ ތަންތަނެވެ. 

ދުނިޔޭގެ ގިނަ ތަންތަނުގައި ޤާއިމް ކޮށްފައިހުރި މިސްކިތްތަކަކީ އާކިޓްކްޗަރަލް އަޖައިބުތަކެކެވެ. 

މިއާޓިކަލްގައި މި ބަލާލާނީ ދުނިޔޭގެ އެންމެ މަޤްބޫލް އަދި އެންމެ ޗާލު 5 މިސްކިތަށެވެ. 

އެއްވަނައިގައި ވަނީ ސަޢުދީޢަރަބިއްޔާގެ މައްކާގައި ހުންނަ މަސްޖިދުލް ހަރާމެވެ. މުސްލިމުން ޤިބްލައެވެ. 400،800 އަަކަފޫޓުގެ މަސްޖިދުލް ހަރާމްއަކީ މުސްލިމުންގެ އެތަނަކަށް އެންމެ ލޯބިކުރާ ތަނެވެ. މަސްޖިދުލް ހަރާމް އަކީ ދުނިޔޭގެ އެންމެ ބޮޑު މިސްކިތެވެ. އެތަނުގައި އެއްފަހަރާ 4މިލިއަން މީހުންނަށް ވަދެ ތިބެވޭނެހާ އެތަނުގައި ޖާގަބޮޑެވެ.

މަސްޖިދުލް ހަރާމް

މުސްލިމުން ޙައްޖުވެ ޢުމްރާ ކުރާއިރު ޠަވާފް ކުރަ ކަޢުބާގެ އިތުރުން މަސްޖިދުލް ހަރާމްގެ ފާހަގަ ކުރެވޭ އެހެން ތަންތަނުގެ ތެރޭގައި މަޤާމް އިބްރާހިމް، ޒަމްޒަމް ވަޅު ހިމެނެއެވެ.

ދެވަނަގައި ވަނީ ސަޢުދީޢަރަބިއްޔާގެ މަދީނާގައި ބިނާކުރެވިފައިވާ މަސްޖިދުއް ނަބަވީއެވެ. އެމިސްކިތަކީ ނަބިއްޔާ ޞައްލައްﷲ ޢަލައިހި ވަސައްލަމް ބިނާ ކުރެއްވެވި މިސްކިތެކެވެ. އެމިސްކިތުގެ އެންމެ ފާހަގަކޮށްލެވޭ ކަމަކީ މިސްކިތައް ޒިޔާރަތްކުރާ އަޅުވެރިންނަށް އެމިސްކިތުގައި އަވިން ސަލާމަތްވުމަށް ހަރުކޮށްފައިހުންނަ ބޮޑެތި ކުޑަތަކެވެ. މިސްކިތުގެ އެންމެ ހިތް ގައިމު ކަމަކީ ރަސޫލާ ޞައްލަﷲ ޢަލައިހި ވަސައްލަމްގެ ޤަބުރުފުޅު ފާހަގަކުރުމަށް ހެދިފައިވާ ފެހި ކުލައިގެ ގުއްބެވެ.

މަސްޖިދުއް ނަބަވީ

އެމިސްކިތުގައި ކުރާ ނަމާދުގެ ހެޔޮކަން އެހެން ތަންތަނުގައި ކުރާ ނަމާދަށް ވުރެ އެއްހާސް ދަރަޖަ އިތުރުވެގެންވެއެވެ.

ތިންވަނައިގައި ވަނީ އެކުވެރި ޢަރަބި އިމާރާތުގެ އަބޫ ދާބީގައި ހުންނަ ޝައިޙް ޒައިދް ގްރޭންޑް މޮސްކެވެ. ނުހަނު ހިތްގައިމު ރީތި މިމިސްކިތަކީ އާކިޓެކްޗަރަލް މާސްޓަރޕީސްއެކެވެ. 1994 ވަނަ އަހަރު އަޅަން ފެށި މި މިސްކިތް ބިނާކޮށްފައިވަނީ، ވިދާ ހުދު މާބަލް އާއި ރަނުންނެވެ. މިސްކިތުގެ ރަނުން ޒީނަތްތެރިކޮށްފައިވާ ގޭޓްތަކާއި ޗާލު މޮޒައިކްތަކުން ޒިޔާރަތްކުރާ މީހުންގެ ހިތް އަތުލައެވެ. 

ްޝައިޙް ޒައިދް ގްރޭންޑް މޮސްކ

މިމިސްކިތަކީ ޔޫސުފް އަބްދުލްކޭ ފަރުމާކޮށްފައިވާ މިސްކިތެކެވެ. މިބިނާއަކީ މުޣައްލަ، އަދި އިންޑޯ އިސްލާމީ ނުފޫޒުތައް އެއްކޮށްލައިގެން، ބިނާކޮށްފައިވާ އަޖައިބެއްފަދަ ބިނާއެކެެވެ.

ހަތަރުވަނަގައި ވަނީ ތުރުކީވިލާތުގެ އިސްތަންބޫލްގައި ހުންނަ ސުލްޠާން އަޙްމަދު މިސްކިތެވެ. 

އެމިސްކިތަކީ ބުލޫ މޮސްކުގެ ނަމުން މަޝްހޫރުވެފައިވާ މިސްކިތެކެވެ. އަޖައިބެއްފަދަ ރީތި ކަމެއް ލިބިފައިވާ މިމިސްކިތަކީ ސުލްޠާން އަޙްމަދު އަލްމަރުޙޫމް ފަންޑު ކޮށްގެން ބިނާކޮށްފައިވާ މިސްކިތެކެވެ. މިއީ އުސްމާނީ ދައުލަތުގެ އެންމެ ފަހުގެ ބޮޑު އާކިޓެކްޗަރަލް ކާމިޔާބީތަކުގެ ތެރެއިން އެއް ކާމިޔާބީ ކަމަށް ބެލެވެއެވެ. 

1609 ވަނަ އަހަރު އިމާރާތް ކުރަން ފެށި މިމިސްކިތުގެ މަސައްކަތް ނިންމާލައިފައިވަނީ އަށް އަހަރު ދުވަހުގެ ތެރޭގައެވެ. މިސްކިތުގެ އެތެރޭގައި ރީތި ބްލޫ އިޒްނިކް ޓައިލްސް ޖަހާފައިވެއެވެ.

ސުލްޠާން އަޙްމަދު މިސްކިތް

ހަ އުސް މުންނާރާއި ފަސް ގްރޭންޑް ޑޯމް އަކީ އާކިޓެކްޗަރަލް މާސްޓަޕީސްއެކެވެ.

ފަސްވަނައަކީ އިރާންގެ ޝިރާޒްގައި ހުންނަ ނާސިރް އަލް މުލްކް މިސްކިތެވެ. މިމިސްކިތް މަޝްހޫރު ވެފައިވަނީ ޕިންކް މޮސްކްގެ ނަމުންނެވެމިމިސްކިތުގެ ރީތިކަން އިތުރުކޮށްދެނީ އެމިސްކިތުގެ އެކުކުލަކުލައިން ޒީނަތްތެރިކޮށްފައިވާ ބިއްލޫރި ކުޑަ ދޮރުތަކެވެ. ފިޔާތޮށި ކުލައިގެ މުށި ޖަހާފައިވާ ސީލިންގާއި ވަށައިގެން މާ ފޮޅިފައިވާ ރީތި ފެންގަނޑު މިސްކިތުގެ މަންޒަރުތަކުގެ ޝައުގުވެރިކަން އިތުރުކޮށްދެއެވެ.

ނާސިރް އަލް މުލްކް މިސްކިތް

 19 ވަނަ ގަރުނުގައި ޤާޖާރު ދަރިކޮޅުގެ ދުވަސްވަރު މިރްޒާ ހަސަން އަލީ ނާސިރުގެ އަމުރަށް ބިނާކޮށްފައިވާ މި މިސްކިތަކީ އަދިވެސް އީރާނުގެ އެންމެ ޗާލު ބިނާއެވެ.