ކޮލަމް

މަސްޓަޑް ތެޔޮ: ބޯތަލަވުމުން ސަލާމަތްކޮށްދޭ ޤުދުރަތީ ހައްލެއް

މަސްޓަޑް ތެޔޮ: ބޯތަލަވުމުން ސަލާމަތްކޮށްދޭ ޤުދުރަތީ ހައްލެއް

މަސްޓަޑް ތެޔޮ: ބޯތަލަވުމުން ސަލާމަތްކޮށްދޭ ޤުދުރަތީ ހައްލެއް

އާމިނަތު ޔުމްނާ

އާމިނަތު ޔުމްނާ

22 މާރިޗު 2025، 10:45

22 މާރިޗު 2025، 10:45

އިސްތަށި ފޭބުމާއި ބޮލުން ތަންތަންކޮޅުުން އިސްތަށި ފާބައި ތަލަވުމަކީ ކަންބޮޑުވާންޖެހޭ ކަމެކެވެ. ނަމަވެސް އިސްތަށި ފެޅުވުމަށް ޤުދުރަތީ ތަކެތިން ބައެއް ފަރުވާތައް ލިބެއެވެ. ގިނަ ސަގާފަތްތަކުގައި ބޭނުންކުރާ ތެލުގެ ބާވަތެއްކަމަށްވާ  މަސްޓަޑް ތެލަކީ އިސްތަށި ފައިބާ ތަލަވުން ހައްލުކޮށްދީ އިސްތަށީގެ ބުޑުތައް ވަރުގަދަކޮށް، އަލުން އިސްތަށި ފެޅުމަށް މަގުފަހިކޮށްދޭ އެއްޗެއްކަން އެނގިފައިވެއެވެ. މިއާއެކު އޯބަތް އަދި އަލޯވެރާ އަދި ކާށި ތެޔޮ ފަދަ އެހެނިހެން ޤުދުރަތީ ތަކެތި ބޭނުންކުރުމުން އޭގެ ފައިދާ އިތުރުވެ، އިސްތަށީގެ ދުޅަހެޔޮކަން އިތުރުކުރަން ބޭނުންވާ މީހުންނަށް ހައްލަކަށް ވެގެންދެއެވެ.

މަސްޓަޑް ތެލުގެ ފައިދާތައް
މަސްޓަޑް ތެލުގައި އިސްތަށި ފެޅުވުމަށާއި ބޮލުގެ ޖުމްލަ ދުޅަހެޔޮކަން އިތުރުކުރުމަށް ބޭނުންވާ މުހިންމު ކާނާތައް ހިމެނެއެވެ. މީގައި އޯމެގާ-3 ފެޓީ އެސިޑްތަކާއި، ވިޓަމިން އީ، އަދި ސެލީނިއަމް އަދި ޒިންކް ފަދަ މަޢުދަނުތައް ގިނައިން ހިމެނޭ ކަމުން އިސްތަށީގެ ބުޑުން ފެށިގެން ވަރުގަދަކޮށްދެއެވެ. މި ތެޔޮ ބޭނުންކުރުމުން ބޮލުގައި ލޭ ދައުރުވުން ރަނގަޅުވެ، އިސްތަށީގެ ބުޑުތައް ފެޅުވުމަށް ބޭނުންވާ ކާނާ ލިބިދެއެވެ. މީގެ ބެކްޓީރިއާ އާއި ފަންގަސް މަރާ ސިފަތަކުގެ ސަބަބުން ބޮލުގެ އިންފެކްޝަންތަކާއި ހަންފޮޅުން އަދި ކެހުމުން ސަލާމަތްކޮށްދީ، އިސްތަށި އަލުން ފެޅުމަށް ރަނގަޅު މާޙައުލެއް އުފައްދައިދެއެވެ. މީގެ އިތުރުން މަސްޓަޑް ތެލުގައި އެލިލް އައިސޯތައިއޯސައަނޭޓް ކިޔާ މާއްދާއެއް ހިމެނޭ ކަމުން އިސްތަށީގެ ބުޑުތައް ހަރަކާތްތެރިކޮށް އިސްތަށި ފޭބުން މަދުކުރުމަށް އެހީތެރިވެދެއެވެ.

މަސްޓަޑް ތެލުގައި ހިމެނޭ މުހިންމު މާއްދާތައް
މަސްޓަޑް ތެޔޮ އުފައްދަނީ މަސްޓަޑް އޮށުންނެވެ. އަދި މީގައި އިސްތަށީގެ ފަރުވާއަށް ފައިދާހުރި މުހިންމު މާއްދާތައް ހިމެނެއެވެ. މީގެ މައިގަނޑު ބައިތަކުގެ ތެރޭގައި ހިމެނެނީ:
އޯމެގާ-3 އަދި އޯމެގާ-6 ފެޓީ އެސިޑްތައް: އިސްތަށީގެ ބުޑުތަކުގެ ވަރުގަދަކަން ނުކެނޑި ހިފެހެއްޓުމަށް އެހީތެރިވެދެއެވެ.  - ވިޓަމިން ވިޓަމިން އީ: ވަރުގަދަ އެންޓިއޮކްސިޑެންޓެއް ކަމުން ތިމާވެށީގެ ގެއްލުންތަކުން އިސްތަށި ރައްކާތެރިކޮށްދެއެވެ.
ބީޓާ-ކެރޮޓީން:ވިޓަމިން އޭ އަށް ބަދަލުވެ، އިސްތަށީގެ ސެލްތައް އަލުން އުފެއްދުމަށް މުހިންމު ރޯލެއް އަދާކުރެއެވެ.
ސަލްފަރ: ބޮލުގެ އިންފެކްޝަންތަކާއި ހަންފޮޅުން މަދުކޮށް، ސާފު އަދި ދުޅަހެޔޮ ތަލައެއް އުފެއްދުމަށް އެހީތެރިވެދެއެވެ.

ބޮލުން ތަލަވާ ތަންތަނާއި އިސްތަށި އަލުން ފެޅުމަށް މަސްޓަޑް ތެޔޮ ބޭނުންކުރާނެ ގޮތް
ރަނގަޅު ނަތީޖާ ހޯދުމަށް މަސްޓަޑް ތެޔޮ ރަނގަޅަށް ބޭނުންކުރަން ޖެހެއެވެ. އިސްތަށި ފަޅުވަން މަސްޓަޑް ތެޔޮ ބޭނުންކުރާނެ ބައެއް ގޮތްތައް މިވަނީއެވެ:

1. ބޮލުގައި މަސާޖުކުރުން:މަސްޓަޑް ތެޔޮ ކުޑަކޮށް ހޫނުކޮށް، ބޮލުގައި މަސާޖުކުރާށެވެ. މަދުވެގެން އެއް ގަޑިއިރު ނުވަތަ ރޭގަނޑު އެއްކޮށް ބަހައްޓާފައި މަޑުމަޑުން ޝެމްޕޫ ލައިގެން ދޮވެލާށެވެ. މިގޮތުން ލޭ ދައުރުވުން ރަނގަޅުވެ އިސްތަށީގެ ބުޑު ވަރުގަދަވެއެވެ.
2. މަސްޓަޑް ތެލާއި އޯބަތް :އޯބަތް މަސްޓަޑް ތެލުގައި ރޭގަނޑު އެއްކޮށް ބަހައްޓާފައި، ދެން ކުޑަކޮށް ހޫނުކޮށްފައި ބޭނުންކުރާށެވެ. އޯބަތުގައި ޕްރޮޓީނާއި ނިކޮޓިނިކް އެސިޑް ގިނައިން ހިމެނޭ ކަމުން އިސްތަށި ވަރުގަދަކޮށް، ފޭބުން ހުއްޓުވައެވެ.
3. މަސްޓަޑް ތެޔޮ އަލޯވެރާ އަދި ކާށި ތެލާއިއެކު: މަސްޓަޑް ތެޔޮ، އަލޯވެރާ ޖެލް، އަދި ކާށި ތެޔޮ ހަމަހަމަ މިންވަރަކަށް އެއްކުރާށެވެ. މީގެ ސަބަބުން ބޮލަށް ތެތްކަމާއި ފިނިކަންލިބި،  އައު އިސްތަށި ފެޅުމަށް މަގުފަހިކޮށްދެއެވެ. އަލޯވެރާގެ އެންޒައިމްތަކުން ހަލާކުވެފައިވާ އިސްތަށީގެ ސެލްތައް މަރާމާތުކޮށްދޭއިރު، ކާށި ތެލުން އިސްތަށިގަނޑު  ވަރުގަދަކޮށް ފޭބުން ހުއްޓުވައެވެ.
4. މަސްޓަޑް ތެޔޮ އަދި އެހެނިހެން މުހިންމު ތެލާއެކު ހަދާ މާސްކް: މަސްޓަޑް ތެޔޮ، ކެސްޓަރ ތެޔޮ، ފިޔާ ، ނުވަތަ ރޯޒްމެރީ އެސެންޝަލް ތެލުގެ ދެތިން ތިކި އެއްކޮށްގެން ހަދާ މާސްކުން އިސްތަށި އަލުން ފެޅުން އިތުރަށް ރަނގަޅުވެ، އިސްތަށި ފޭބުން މަދުވެއެވެ.

މަސްޓަޑް ތެޔޮ މަސައްކަތްކުރަނީ ބޮލުގައި ލޭ ދައުރުވުން އިތުރުކުރުކޮށް، އިސްތަށީގެ ބުޑުތަކަށް މުހިންމު ކާނާ ލިބޭނެ މަގު ތަނަވަސްކޮށްދީގެންނެވެ. އަދި މިއީ އިސްތަށީގެ ބުޑުތަކުގެ އެތެރެއަށް ފޯރާ، ބަލިކަށި އިސްތަށްޓަށް  ބާރު ދިނުމަށް މަގުފަހިކޮށްދޭ އެއްޗެކެވެ. މީގައި އެކުލެވޭ މާއްދާތަކުގެ ސަބަބުން ހަންފޮޅުމާއި އިންފެކްޝަން ފަދަ  ބަލިތައް މަދުކޮށްދޭއިރު، ޤުދުރަތީ ފެޓީ އެސިޑްތަކުން ތިމާވެށީގެ ގެއްލުންތަކުން އިސްތަށި ރައްކާތެރިކޮށްދެއެވެ. ގަވާއިދުން ބޭނުންކުރުމުން މަސްޓަޑް ތެލުން އިސްތަށި ފޭބުން މަދުކޮށް، އިސްތަށީގެ ބޯމިން އިތުރުކޮށް، އަދި ބޮލުގައިހުންނަ ތަލަތަންތަނުން އަލުން އިސްތަށި ފެޅުވުމަށް އެހީތެރިވެދެއެވެ.


                    

   


                    

މި ލިޔުން ކިޔާލުމުން

Ads by MSS