ދުނިޔެ

ސޯލޯ ގާލިކް، ދުަވަހަކުވެސް ދެކުނިންތަ؟

ސޯލޯ ގާލިކް، ދުަވަހަކުވެސް ދެކުނިންތަ؟

ޗައިނާގެ ޔުނާން ޕްރޮވިންސްގައި އުފެދޭ ސޯލޯ ގާލިކް

ޙަސްނާ އަޙްމަދް

ޙަސްނާ އަޙްމަދް

24 މާރިޗު 2025، 02:38

24 މާރިޗު 2025، 02:38

ހުލާސާ


ގާލިކް ނުވަތަ ލޮނުމެދަކީ ދުނިޔޭގެ އެންމެ މަގުބޫލު ސީޒަނިންގެ ބާވަތެވެ. ކެއްކުމުގައި ކާބޯތަކެތީގެ ރަހަ މީރު ކުރުމަށް ދުނިޔޭގެ އެކި ކަންކޮޅުތަކުގައި ލޮނުމެދު ބޭނުންކުރެއެވެ.

ލޮނުމެދަކީ ކިތަންމެ ގިނައިން ބޭނުންކުރާ އެއްޗެއް ނަމަވެސް އަހަރެމެންގެ ތެރެއިން ގިނަ މީހުން ލޮނުމެދުގެ ތޮށި މެށުމަށް ނަފްރަތު ކުރެއެވެ. ކޮންމެ ލޮނުމެދު ބޮނޑިއެއްގައި ދިހަވަރަކަށް ލޮނުމެދު އިންނައިރު، އެ ވަކިކޮށް ތޮށި މެށުމަކީ އުނދަގޫ ކަމެކެވެ.

އެއާ ޚިލާފަށް ބަލާބެލުމަށް ފިޔައަކާއި ވައްތަރުވާ ސޯލޯ ގާލިކް އަކީ އެ އުފައްދާ ނުވަތަ ހެދިބޮޑުވާ ވެށީގެ ވަކި ޝަރުތުތަކެއް ފުރިހަމަވުމުން އުފެދޭ އެއްޗެކެވެ. މި ލޮނުމެދު އުފެދެނީ ލޮނުމެދު ހެދި ބޮޑުވުމުގެ ކުރީކޮޅު ހޫނުގަދަ ވުމުގެ ސަބަބުން ލޮނުމެދު ގިނަ ބައިތަކަށް ވަކިވެ އުފެދިގެން ނުދިއުމުގެ ސަބަބުންނެވެ. އޭގެ ނަތީޖާއެއްގެ ގޮތުން ބޮޑު އެއް ލޮނުމެދުގެ ގޮތުގައި ސޯލޯ ގާލިކް އުފެދިގެން ދެއެވެ.

ސޯލޯ ގާލިކް އުފެދުނީ ޗައިނާގެ ފަރުބަދަމަތީ ސަރަހައްދެއް ކަމަށްވާ ޔުނާންއިން ކަމަށް ބެލެވެއެވެ. މިއަދާ ހަމައަށް ވެސް ޗައިނާއަކީ ދުނިޔޭގައި ސޯލޯ އަދި އާދައިގެ ލޮނުމެދު އެންމެ ގިނައިން އުފައްދާ ޤައުމެވެ.

މިހާހިސާބުން އުފެދޭ ސުވާލަކީ ރަހައަށް ބަލާއިރު ސޯލޯ ގާލިކް އާދައިގެ ލޮނުމެދާއި އަޅާބަލާއިރު ތަފާތުތޯއެވެ؟ ބައެއް މީހުން ބުނާ ގޮތުގައި ސޯލޯ ގާލިކްއަކީ  އާދައިގެ ލޮނުމެދަށްވުރެ މަޑު އެހެން ނަމަވެސް ގަދަ ރަހައެއް ހުންނަ އެއްޗެކެވެ. އާންމު ލޮނުމެދާއި ސޯލޯ ގާލިކްގެ ތަފާތަކީ  ބޭނުންކުރުމުގައި ފަސޭހަވުމެވެ. 

ކުރިން ބުނިހެން ސޯލޯ ގާލިކް އެންމެ ގިނައިން ބޭނުންކޮށްހަދަނީ ޗައިނާގައެވެ. އޭގެ އިތުރުން ޖަރުމަނު، ސްވިޑެން ނުވަތަ ޑެންމާކް ފަދަ ޔޫރަޕްގެ ގައުމުތަކުގައި ވެސް މި ބާވަތުގެ ލޮނުމެދު ބޭނުންކުރެއެވެ. 

މި ލިޔުން ކިޔާލުމުން

Ads by MSS