Ads by Exprox

ޚަބަރު

އިހުމާލުވި ތެލެސީމިއާ ސެންޓަރުގެ ބައެއް ވެރިން މަޤާމުން ވަކި ކޮށްފި

އިހުމާލުވި ތެލެސީމިއާ ސެންޓަރުގެ ބައެއް ވެރިން މަޤާމުން ވަކި ކޮށްފި

ތެލަސީމިއާ ސެންޓަރ- ފޮޓޯ: ފޭސްބުކް

farudhun logo

ފަރުދުން

25 މާރިޗު 2025، 03:21

25 މާރިޗު 2025، 03:21

އިހުމާލުވި ތެލެސީމިއާ ސެންޓަރުގެ ބައެއް ވެރިން މަޤާމުން ވަކި ކޮށްފިއެވެ. 

ތެލެސީމިއާ ސެންޓަރުގެ ވެރިންގެ ތެރެއިން މަޤާމުން ވަކިކޮށްފައިވަނީ ތެލެސީމިއާ ސެންޓަރުގެ ޑިރެކްޓަރ އަހްސަން ހުސައިން އާއި، ބްލަޑް ބޭންކުގެ ޕަބްލިކް ހެލްތު ކޯޑިނޭޓަރ ފައިޞަލް އިބްރާހީމެވެ. 

ލޭ ލިބުމުގައި ދިމާވާ މައްސަލަތަކާއި ފިލްޓަރުތަކުގައި މައްސަލަތަކާއި ގުޅިގެން ރައީސް ޑރ މުޙައްމަދު މުޢިއްޒު ވިދާޅުވީ ސެންޓަރަށް މުވައްޒަފުންނާއި، ލެބޯރަޓަރީ ޓެކްނޮލޮޖިސްޓުންނާއި، މިނޫންވެސް ބޭނުންވާ މުވަޒަފުން ހޯއްދަވާނެ ކަމަށެވެ. އަދި މަސައްކަތް ކުރާނެ ގަޑިވެސް، ހޮސްޕިޓަލެއްގެ މަސައްކަތް ކުރާ ގޮތަށް ގަޑިތައް އިތުރުކުރުމަށް ބޭނުންވާ ހިޔުމަންރިސޯސް އިތުރުކުރައްވާނެ ކަމަށްވެސް ވިދާޅުވިއެވެ. 

 ލޭ ލިބުމުގައި ދިމާވާ މައްސަލަތަކާއި ފިލްޓަރުތަކުގެ މައްސަލައިގައި ތެލެސީމިއާ ކުދިންގެ އާއިލާތަކުން ވަނި  މުޒާހަރާ ކޮށްފައެވެ. ކުދިންގެ ޢާއިލާތަކުން ވަނީ މައްސަލަތަކަށް އަވަސް ހައްލެއް ހޯދައިދިނުމަށާއި ބްލަޑް ބޭންކުގެ ވެރިންގެ އިސްތިއުފާއަށް ގޮވާލާފައެވެ.

މިކަމާއި ގުޅިގެން ރައީސް ޑރ މުޙައްމަދު މުޢިއްޒު ވަނީ ސެންޓަރަށް ވަޑައިގެން، ތަނުގެ ހާލަތު ބައްލަވާފައެވެ. ހަމައެހެންމެ ތެލެސީމިއާ ކަންތަކުގައި ދިމާވާ ހުރިހާ ކަމެއްގައި ރަނގަޅު ހައްލު ގެނެސްދެއްވާނެ ކަމާއި ފައިސާގެ ގޮތުން ދަތިތަކެއް ވެގެން ކަމެއް ހައްލުނުވެ ނޯންނާނެކަމުގެ  ޔަގީންކަން އަރުވާފައިވެއެވެ.

ތެލެސީމިއާ ސެންޓަރުގެ ފެންވަރު ރަނގަޅުކޮށް ހިންގުން ހަރުދަނާކޮށް އެ ސެންޓަރއަށް ޑިރެކްޓަރ ޖެނެރަލްއެއް އައްޔަނުކޮށް، އިތުރު ނަރުހުންނާއި މުވައްޒަފުން ހޯދުމަށް މިހާރުވަނީ އިޢުލާނު ކޮށްފައެެވެ. 

މި ލިޔުން ކިޔާލުމުން

Ads by MSS