Ads by Exprox

ޚަބަރު

ބަންކަރިން ޚިދުމަތާ ގުޅިގެން އުލިގަމުގައި އިމިގްރޭޝަންގެ އައު އިމާރާތެއް އަޅަން ހަވާލުކޮށްފި

ބަންކަރިން ޚިދުމަތާ ގުޅިގެން އުލިގަމުގައި އިމިގްރޭޝަންގެ އައު އިމާރާތެއް އަޅަން ހަވާލުކޮށްފި

ބަންކަރިން ޚިދުމަތާ ގުޅިގެން އުލިގަމުގައި އިމިގްރޭޝަންގެ އައު އިމާރާތް އެޅުމުގެ މަސައްކަތުގައި ސޮއިކުރުން، ފޮޓޯ: އިމިގްރޭޝަން

މިފްތާޙް މުޙައްމަދު

މިފްތާޙް މުޙައްމަދު

27 މާރިޗު 2025، 01:56

27 މާރިޗު 2025، 01:56

ބަންކަރިން ޚިދުމަތާ ގުޅިގެން ހއ. އުލިގަމުގައި މޯލްޑިވްސް އިމިގްރޭޝަންގެ އައު އިމާރާތެއް އެޅުމަށް މޯލްޑިވްސް ޓްރާންސްޕޯޓް އެންޑް ކޮންޓްރެކްޓިން ކޮމްޕެނީ، އެމްޓީސީސީއާ މިއަދު ހަވާލުކޮށްފިއެވެ. 

އިމިގްރޭޝަނުން ހާމަކޮށްފައިވާ ގޮތުގައި އެ މުވައްސަސާގެ ޙިދުމަތްތައް ފޯރުކޮށްދިނުމަށް އިތުރު އިމާރާތެއް ބޭނުންވަނީ، އިހަވަންދިއްޕޮޅުގައި ފަށާފައިވާ ބައިނަލްއަޤްވާމީ ބަންކަރިންގެ ޚިދުމަތާއި ގުޅިގެން، ބޭރު ޤައުމުތަކުން ރާއްޖެ އަންނަ އުޅަނދުފަހަރުގެ ދަތުރުވެރިންނާއި ފަޅުވެރިންނަށް އިމިގްރޭޝަން ކްލިއަރެންސް ދިނުމަށެވެ. މީގެ އިތުރުން، އުލިގަމުގައި ދެމުން އަންނަ އިމިގްރޭޝަންގެ ޚިދުމަތްތައް ފުޅާކުރުމަކީ ވެސް، ޖާގައިގެ ދަތިކަން ނައްތާލުމަށްފަހު، އިމިގްރޭޝަނުގެ އަމާޒުކަމުގައި ވަނީ ހިއްސާކޮށްފައެވެ.

އެގޮތުން، އެންމެ އުތުރުން ރާއްޖެއަށް ވަންނަ ބޯޓު ފަހަރަށް ކްލިއަރެންސް ދިނުމަށް މިހާރު އުލިގަމުގައި މަސައްކަތް ކުރަމުން އަންނަނީ އެންމެ ދެ އޮފިސަރުން ކަމަށާއި، އައު އިމާރާތާއެކު އިހަވަންދިއްޕޮޅުގައި އިމިގްރޭޝަންގެ ޚިދުމަތް ފުޅާވެގެން ދާނެކަަމަށް ވަނީ ފާހަގަކޮށްފައެވެ.

މިހާރު އުލިގަމުގައި ދެ އިމިގްރޭޝަން އޮފިސަރުން މެދުވެރިކޮށް ފޯރުކޮށްދެމުން އަންނަނީ ހަމައެކަނި ސީޕޯޓުގެ ޚިދުމަތްތައް. ނަމަވެސް، މި އައު އިމާރާތް ޤާއިމުކުރެވުމާއެކު، ޕާސްޕޯޓު އަދި ވިސާ ފަދަ އެހެނިހެން އިމިގްރޭޝަންގެ ޚިދުމަތްތައް ލުއިފަސޭހަކަމާއެކު ފޯރުކޮށްދެވި، އިހަވަންދިއްޕޮޅުގައި އިމިގްރޭޝަންގެ ޚިދުމަތްތައް އިތުރަށް ފުޅާވެ، ތަރައްޤީވެގެންދާނެ.

މޯލްޑިވްސް އިމިގްރޭޝަނުން ޙިއްސާކޮށްފައިވެއެވެ.

އިހަވަންދިއްޕޮޅުގައި ސަރުކާރުން ހިންގުމަށް ނިންމާފައިވާ "މޯލްޑިވްސް އިކޮނޮމިކް ގޭޓް ވޭ" މަޝްރޫޢު ވެގެންދާނީ ރާއްޖޭގައި މިހާތަނަށް ކުރިއަށްގެންދާ އިޤްތިޞާދީ އެންމެ ބޮޑު މަޝްރޫޢުއަށްކަމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވަނީ މިދިޔަ އަހަރު ވިދާޅުވެފައެވެ. އެގޮތުން އެއީ ސަރަޙައްދުގެ ހުރިހާ ރަށްތަކަށް އޭގެ ބޮޑު މަންފާއެއް ލިބޭނެ މަސައްކަތެއްކަމަށް ރައީސުލްހުމްހޫރިއްޔާ ވަނީ ވިދާޅުވެފައެވެ.

މި ލިޔުން ކިޔާލުމުން

Ads by MSS