ދުނިޔެ

ފާއިތުވި 24 ގަޑިއިރުތެރޭގައި 51 މީހަކު ޣައްޒާ އިން ޝަހީދުވެފައިވޭ!

ފާއިތުވި 24 ގަޑިއިރުތެރޭގައި 51 މީހަކު ޣައްޒާ އިން ޝަހީދުވެފައިވޭ!

ޣައްޒާއަށް ދިން ހަމަލާތަކުގެ ސަބަބުން ޝަހީދުވި މީހުންގެ ޢާއިލާގެ މީހުން ހިތާމަކުރަނީ. ފޮޓޯ:އޭޕީ

ޙަސްނާ އަޙްމަދް

ޙަސްނާ އަޙްމަދް

03 އޮކްޓޯބަރު 2024، 10:50

03 އޮކްޓޯބަރު 2024، 10:50

ފާއިތުވި 24 ގަޑިއިރުތެރޭގައި ޣައްޒާގެ އެތަން މިތަނަށް އިޒްރާއިލުން ދިން ހަމަލާތަކުގެ ސަބަބުން 51 މީހަކު ޝަހީދުވެފައިވާ ކަމަށް ފަލަސްޠީނުގެ ޞިއްޚީ ވުޒާރާއިން ބުނެފިއެވެ. 

އަލްޖަޒީރާގައި ރިޕޯޓު ކޮށްފައިވާ ގޮތުން އިޒްރާއިލުން ޣައްޒާއަށް ދެމުންދާ ހަމަލާތައް އިތުރަށް ވަރުގަދަކޮށްފައިވާ ކަމަށެވެ. 

އިޒްރާއިލުގެ ފައިޓަަރ ޖެޓްތަކުން ޣައްޒާ އަށް ރޭގައި ހަމަލާތަކެއް ދީފައިވާ ކަމަށް އަލްޖަޒީރާގައި ރިޕޯޓް ކޮށްފައިވެއެވެ. އެގޮތުން ރޭގެ ހަމަލާތައް ތޫފާ ނެއިބަރހުޑަށާއި، މަސްކަޓް ސްކޫލާއި، އަލް އަމާލް ނަމަކަށް ކިޔާ ޔަތީމުކުދިން ބަލަހައްޓާ ގެއަކަށް އަމާޒުވެފައިވާ ކަމަށެވެ.

 މިހަމަލާ ތަކާއި ގުޅިގެން އެތަންތަނުގައި ވަގުތީ ބޯ ހިޔާވަހިކަން ހޯދަމުން ދިޔަ ގެދޮރު ގެއްލިފައިވާ ނުވަ މީހަކު މަރުވެފައިވާ ކަމަށް ފަލަސްތީނުގެ ނޫސް އެޖެންސީ ވަފާއިން ބުނެފައިވާ ކަމަށް އަލްޖަޒީރާގައި ރިޕޯޓުކޮށްފައިވެއެވެ.

އިޒްރާއިލުން ޣައްޒާގެ މެދުތެރޭގައި ހުންނަ ބްރިގް ހައި ސްކޫލަށް ހަމަލާދޭނެ ކަަމަށް ބުނެ އެސްކޫލް ހުންނަ ސަރަހައްދަށް ހަމަލާދިނުމާއި ގުޅިގެން ޝަހީދުވި މީހުންގެ ޢަދަދެއް އަދި ޒަޚަމްވި މީހުންގެ ޢަދަދެއްވެސް ސާފުވެފައިނުވާ ކަމަށް އަލްޖަޒީރާގައި ބުނެފައިވެއެވެ. 

މިހަމަލާތަކާއި ގުޅިގެން އިޒްރާއިލުން ވަކިވަކިން ނެރެފައިވާ ރިޕޯޓުތަކުގައި މައިގަނޑު ގޮތެއްގައި ބުނެފައިވަނީ ހަމަލާތައް އަމާޒުކޮށް ދީފައިވާ ތަންތަނަށް ހަމަލާތައް ދިނީ އެތަންތަނަކީ ހަމާސްގެ "ކޮމާންޑް އެންޑް ކޮންޓްރޯލް ކޮމްޕްލެކްސް" ގެ ގޮތުގައި އޮޕަރޭޝަންތައް ރާވައި ހިންގުމަށް ބޭނުން ކުރަމުން އަންނަ ތަންތަން ކަމަށެވެ.

ޣައްޒާގެ ދެކުނަށް އިޒްރާއިލުން ވައިގެ ހަމަލާތައް ފޮނުވާލުމާއި އެކު ޚާން ޔޫނިސްގެ ތިން އަވަށަކަށް އިޒްރާއިލްގެ ޓޭންކަރުތައް ވަދެ ހަމަލާތައް ދީފައިވާ ކަމަށް އަލްޖަޒީރާގައި ބުނެފައިވެއެވެ. އަދި އެސިޓީގައި ހުރި ޔޫރަޕިއަން ހޮސްޕިޓަލުން ބުނެފައިވަނީ މިހަމަލާތަކުގެ ސަބަބުން 32 ޝަހީދުވެ، ދިހަވަރަކަށް މީހުން ޒަޚަމްވެފައިވާ ކަމަށް އެސޯސިއޭޓެޑް ޕްރެސް ނޫސް އެޖެންސީން ބުނާ ކަމަށް އަލްޖަޒީރާގައި ރިޕޯޓުކޮށްފައިވެއެވެ. 

ހޮސްޕިޓަލުގެ ރެކޯޑްތަކުން ދައްކާ ގޮތުގައި މަރުވި މީހުންގެ ތެރޭގައި ހަތް އަންހެނުންނާއި 22 މަހުގެ 12 ކުޑަކުދިން ހިމެނެއެވެ. ހޮސްޕިޓަލުގެ ނަރުހުންގެ ޑިޕާޓްމަންޓުގެ ވެރިޔާ ޑރ ޞާލިހް އަލްހަމްސް ވިދާޅުވީ މަރުވެފައިވާ މީހުންނާއި ޒަޚަމްވި މީހުން ޚާން ޔޫނިސްގައި ހުންނަ ޔޫރަޕިއަން އަދި ނާސިރު ހޮސްޕިޓަލަށް ގެނެސްފައިވަނީ ހެނދުނު ގާތްގަނޑަކަށް 3 ޖެހިއިރުން ފެށިގެން ކަމަށެވެ. އޭނާ ބުނެފައިވަނީ ޝަހީދުންގެ ޢަދަދު އިތުރުވާނެ ކަމަށް ލަފާކުރާ ކަމަށެވެ.

 

 

 

މި ލިޔުން ކިޔާލުމުން

Ads by MSS