ޣައްޒާގެ އުތުރުގައި އިޒްރާއިލުން ހިންގަމުންދާ ރެއިޑާއި އެކު މަގުތަކުގައި ޝަހީދުންގެ ހަށިތައް ގިނަވެފައި!

ޣައްޒާގެ އުތުރުގެ ސަރަހައްދުގައި އިޒްރާއިލް ސިފައިން ހަތިޔާރާއި އެކު ވަދެގަނެ ހިންގަމުންދާ ވަރުގަދަ “މިލިޓަރީ ރެއިޑް” ތަކާއި އެކު އެސަރަހައްދުގެ މަގުތަކުގައި ޝަހީދުންގެ ހަށިތައް ނުނެގި ގިނަވެފައިވާ ކަމަށް އަލްޖަޒީރާގައި ރިޕޯޓްކޮށްފިއެވެ.

އަލްޖަޒީރާގައި ބުނެފައިވަނީ އިޒްރާއިލުން ޣައްޒާގެ އުތުރު ހުސްކުރުމަށް ނެރެފައިވާ އަމުރާއި އެކު އިޒްރާއިލުން އެސަރަހައްދުގައި ހިންގަމުންއަންނަ ހަނގުރާމައިގެ ހަރަކާތްތައް އިތުރުކޮށްފައިވާ ކަމަށެވެ. އަދި އިޒްރާއިލުން ޣައްޒާގެ އުތުރު ހުސްކުރުމަށް ނެރެފައިވާ އަމުރަށް ކިޔަަމަން ނުވި އެތައް ބަޔަކު ތިބުމާއި އެކު އެސަރަހައްދުގައި މިހާރު ތިބި ޣައްޒާގެ 400،000 ރައްޔިތުންގެ ރައްކާތެރިކަމާއި ސަލާމަތްތެރިކަމާއި މެދު މިހާރު ވަނީ ސުވާލު އުފެދިފައި ކަމަށެވެ. 

މީގެއިތުރުން ޣައްޒާގެ އުތުރުގައި ހުންނަ ކަމަލް އަދްވާން، އިންޑޮނޭޝިއާ ހޮސްޕިޓަލް އަދި އަލް އަވްދާ ހޮސްޕިޓަލް ތައް 24 ގަޑިއިރުތެރޭގައި ހުސްކުރުމަށް އިޒްރާއިލް ސިފައިން އަމުރު ނެރުނު ކަމުގައިވިޔަސް ޣައްޒާގެ ޞިއްޚީ އޮފިޝަލުން އެކަމަށް ދެކޮޅު ހަދައިފައިވާ ކަމަށެވެ. 

ޣައްޒާގެ އުތުރުގެ ސަރަހައްދުގައި އިޒްރާއިލް ސިފައިން ހަތިޔާރާއި އެކު ވަދެގަނެ ހިންގަމުންދާ ވަރުގަދަ “މިލިޓަރީ ރެއިޑް” ތަކާއި އެކު އެސަރަހައްދުގެ މަގުތަކުގައި ޝަހީދުންގެ ހަށިތައް ނުނެގި ގިނަވެފައިވާ ކަމަށް އަލްޖަޒީރާގައި ރިޕޯޓްކޮށްފިއެވެ.

އަލްޖަޒީރާގައި ބުނެފައިވަނީ އިޒްރާއިލުން ޣައްޒާގެ އުތުރު ހުސްކުރުމަށް ނެރެފައިވާ އަމުރާއި އެކު އިޒްރާއިލުން އެސަރަހައްދުގައި ހިންގަމުންއަންނަ ހަނގުރާމައިގެ ހަރަކާތްތައް އިތުރުކޮށްފައިވާ ކަމަށެވެ. އަދި އިޒްރާއިލުން ޣައްޒާގެ އުތުރު ހުސްކުރުމަށް ނެރެފައިވާ އަމުރަށް ކިޔަަމަން ނުވި އެތައް ބަޔަކު ތިބުމާއި އެކު އެސަރަހައްދުގައި މިހާރު ތިބި ޣައްޒާގެ 400،000 ރައްޔިތުންގެ ރައްކާތެރިކަމާއި ސަލާމަތްތެރިކަމާއި މެދު މިހާރު ވަނީ ސުވާލު އުފެދިފައި ކަމަށެވެ. 

މީގެއިތުރުން ޣައްޒާގެ އުތުރުގައި ހުންނަ ކަމަލް އަދްވާން، އިންޑޮނޭޝިއާ ހޮސްޕިޓަލް އަދި އަލް އަވްދާ ހޮސްޕިޓަލް ތައް 24 ގަޑިއިރުތެރޭގައި ހުސްކުރުމަށް އިޒްރާއިލް ސިފައިން އަމުރު ނެރުނު ކަމުގައިވިޔަސް ޣައްޒާގެ ޞިއްޚީ އޮފިޝަލުން އެކަމަށް ދެކޮޅު ހަދައިފައިވާ ކަމަށެވެ. 

ޣައްޒާގެ ކަމްލް އަދްވާން ހޮސްޕިޓަލް. ފޮޓޯ: ޤުދުސް ނެޓްވޯކް

އަލްޖަޒީރާގައި ބުނެފައިވަނީ އިޒްރާއިލުން ޣައްޒާއަށް ދެމުންދާ ހަމަލާތަކުގައި މިއަދުގެ މިހާތަނަށްވެސް 20 މީހަކު ޝަހީދުވެފައިވާކަމަށެެވެ. އެގޮތުން ޣައްޒާގެ އުތުރު ސަރަހައްދުގެ އިރުމަތީގައި ހުންނަ ގެއެއްގައި ފަރްޙަތް އާއިލާ ވަގުތީ ބޯހިޔާވަހިކަން ހޯދަމުންދިޔަ ގެއަށް ދިން ހަމަލާގައި އެއާއިލާގެ 9 މީހާކު ޝަހީދު ވެފައިވެއެވެ. ހަމަމިއާއިއެކު ކުޑަކުދިން ހިމެނޭގޮތައް އަލް ޖަމާލް އާއިލާގެ ހަތަރު މީހަކު ޝަހީދު ކޮށްލައިފައިވަނީ ނުޞައިރަތް ރެފިޔުޖީ ކޭމްޕަށް އަމާޒުކޮށްދިން ހަމަލާގައެވެ. ނުޞައިރަތް ކޭމްޕަކީ ޣައްޒާ ސިޓީގެ މެދުތެރޭގައި އޮންނަ ކޭމްޕެކެވެ. 

ހަމަ އެކޭމްޕްގައި ވަގުތީ ހިޔާވަހިކަމެއްގެ ގޮތުން ޓެންޓެއް ޖަހައިގެން ދިރިއުޅެމުން ދިޔަ 4 މީހުންގެ އާއިލާއެއް ޓެންޓުގައި ނިދާފައިތިއްބައި ދިން ހަމަލާއެއްގެ ސަބަބުން ވަނީ ޝަހީދުވެފައެވެ. 

ބުރެއިޖީ ރެފިޔުޖީ ކޭމްޕްގައި ދިރިއުޅެމުންދިޔަ ތިން މީހުންގެ ޢާއިލާއެއް ކުޑައެއް ކުއްޖަކު ހިމެނޭ ގޮތައް ޝަހީދު ކޮށްލައިފައިވާ ކަމަށް އަލްޖަޒީރާގައި ރިޕޯޓްކޮށްފައިވެއެވެ. 

އިޒްރާއިލުގެ ހަމަލާތަކުގައި މިހާތަނަށް ޣައްޒާއިން 42،010 މީހަކު ވަނީ ޝަހީދުވެފައެވެ. 97،590 މީހަކު ޒަޚަމްވެފައިވާ ކަމަށް އަލްޖަޒީރާގައި ރިޕޯޓުކޮށްފައިވެއެވެ. 

އަލްޖަޒީރާގައި ބުނެފައިވަނީ އިޒްރާއިލުން ޣައްޒާއަށް ދެމުންދާ ހަމަލާތަކުގައި މިއަދުގެ މިހާތަނަށްވެސް 20 މީހަކު ޝަހީދުވެފައިވާކަމަށެެވެ. އެގޮތުން ޣައްޒާގެ އުތުރު ސަރަހައްދުގެ އިރުމަތީގައި ހުންނަ ގެއެއްގައި ފަރްޙަތް އާއިލާ ވަގުތީ ބޯހިޔާވަހިކަން ހޯދަމުންދިޔަ ގެއަށް ދިން ހަމަލާގައި އެއާއިލާގެ 9 މީހާކު ޝަހީދު ވެފައިވެއެވެ. ހަމަމިއާއިއެކު ކުޑަކުދިން ހިމެނޭގޮތައް އަލް ޖަމާލް އާއިލާގެ ހަތަރު މީހަކު ޝަހީދު ކޮށްލައިފައިވަނީ ނުޞައިރަތް ރެފިޔުޖީ ކޭމްޕަށް އަމާޒުކޮށްދިން ހަމަލާގައެވެ. ނުޞައިރަތް ކޭމްޕަކީ ޣައްޒާ ސިޓީގެ މެދުތެރޭގައި އޮންނަ ކޭމްޕެކެވެ. 

ހަމަ އެކޭމްޕްގައި ވަގުތީ ހިޔާވަހިކަމެއްގެ ގޮތުން ޓެންޓެއް ޖަހައިގެން ދިރިއުޅެމުން ދިޔަ 4 މީހުންގެ އާއިލާއެއް ޓެންޓުގައި ނިދާފައިތިއްބައި ދިން ހަމަލާއެއްގެ ސަބަބުން ވަނީ ޝަހީދުވެފައެވެ. 

ބުރެއިޖީ ރެފިޔުޖީ ކޭމްޕްގައި ދިރިއުޅެމުންދިޔަ ތިން މީހުންގެ ޢާއިލާއެއް ކުޑައެއް ކުއްޖަކު ހިމެނޭ ގޮތައް ޝަހީދު ކޮށްލައިފައިވާ ކަމަށް އަލްޖަޒީރާގައި ރިޕޯޓްކޮށްފައިވެއެވެ. 

އިޒްރާއިލުގެ ހަމަލާތަކުގައި މިހާތަނަށް ޣައްޒާއިން 42،010 މީހަކު ވަނީ ޝަހީދުވެފައެވެ. 97،590 މީހަކު ޒަޚަމްވެފައިވާ ކަމަށް އަލްޖަޒީރާގައި ރިޕޯޓުކޮށްފައިވެއެވެ.