ޖަބަލިއްޔާގެ ހުޅަނގުގައި ހަރަކާތެއް ކުރާ ކޮންމެ މީހަކަށްކަހަލަ ގޮތަކަށް އިޒްރާއިލުން ހަމަލާދެނީ!

ޖަބަލިއްޔާގެ ހުޅަނގުގެ ސަރަހައްދުގައި ހަރަކާތެއް ކުރާ ކޮންމެ މީހަކަށް ކަހަލަ ގޮތަކަށް އިޒްރާއިލުން ހަމަލާދެމުންދާ ކަމަށް އަލްޖަޒީރާގައި ބުނެފިއެވެ.

ފަލަސްޠީނުގެ ރެޑް ކްރެސެންޓް ސޮސައިޓީއަށް ހަވާލާދީ  އަލްޖަޒީރާގައި ރިޕޯޓު ކޮށްފައިވާ ގޮތުގައި އެ ސޮސައިޓީގެ ކުއްލި ހާލަތުގައި ހަރަކާތްތެރިވަ މެޑިކްސް އަށް ހަމަލާތަކުގައި އަނިޔާ ލިބުނު މީހުންގެ އާދޭހުގެ ފޯނުކޯލުތައް އަންނަމުންދާ ކަމަށެެވެ. 

އަދި އަނިޔާލިބުނު މީހުން ތާށިވެފައިވާ ތަންތަނުން ނެރެދިނުމަސް ފޯނު ކޯލްތަކުގައި އެދެމުންދާ ކަމަށްވެސް ވަނީ ބުނެފައެވެ. 

 ނަމަވެސް ޣައްޒާގެ އުތުރުގައި އޮންނަ ޖަބަލިއްޔާގެ ބިމަށް އިޒްރާއިލުން ހަތިޔާރާއި އެކު އަރައިގަނެފައިވާތީ އެމީހުންނަށް ފަރުވާދިނުމަށާއި އެހީވުމަށް ދިޔުމަށް ނުކުޅެދިފައިވާ ކަމަށެވެ. 

"ޣައްޒާގެ އުތުރުގެ ޖަބަލިއްޔާގެ ހުޅަނގުގައި އޮންނަ ބެއިރް އަލް ނަޖާއާ ސަރަހައްދުގައި ހަރަކާތްތެރިވާ ކޮންމެ މީހަކަށް ސިފައިން ބަޑިޖަހަމުންދަނީ" އެކްސްގައި ރެސްކިއު އޯގަނައިޒޭޝަނުން ކުރި ޕޯސްޓެއްގައި ބުނެފައިވެ އެވެ.

 ޣައްޒާގެ އުތުރުގައި އިސްރާއީލުން ހިންގި ބޮޑު އޮޕަރޭޝަނެއްގައި ދިހަވަރަކަށް މީހުން ޒަޚަމްވެފައިވެއެވެ. އަދި ތިން ހޮސްޕިޓަލެއް ހުސްކުރުމަށް އިޒްރާއިލް ސިފައިވަނީ އަމުރު ނެރެފައެވެ.

މިއަމުރަށް ކިޔަމަން ނުވުމަށް ޣައްޒާގެ ޞިއްޙީ އޮފިޝަލުން ނިންމިއެވެ. ނަމަވެސް މިހާރު އެތިން ހޮސްޕިޓަލްގެ ތެރެއިން ކަމަލް އަދްވާން ހޮސްޕިޓަލް ހުސްކުރުމުގެ މަސައްކަތް ވަނީ ފަށައިފައެވެ. ހުސްކުރުމުގެ މަސައްކަތަށް ފަހު އެތަނުގައި ބާކީ ތިބޭނީ ބައެއް ބަލިމީހުންނާއި ބައެއް ނަރުހުން ކަމަށް ބުނެފައިވެެއެވެ. އަދި އެމީހުންނަކީ ދާނެ އެހެން ތަނެއް ނެތް މީހުންކަމަށްވެސް އަލްޖަޒީރާގެ ރިޕޯޓަރުން ވަނީ ބުނެފައެވެ.

ބުދަ ދުވަހުގެ ވަގުތެއްގައި ދިން ވައިގެ ހަމަލާއެއްގައި ޖަބަލިއްޔާގައި ދެ އަންހެނުންނާއި ދެ ކުޑަކުދިން ހިމެނޭ ގޮތަށް ނުވަ މީހަކު ޝަހީދުވެފައިވެއެވެ.