ކައުންސިލްތަކަށް ފަޅުރަށް ދޫކުރުމުގެ އުސޫލުގެ ދަށުން ހުށަހެޅިފައިވާ ޕްރޮޕޯސަލްތައް ދިރާސާކުރުމުގެ މަސައްކަތް ފަށައިފި

 ކައުންސިލުތަކުގެ އާމްދަނީ އިތުރުކުރުމަށް އެހީތެރިވުމުގެ ގޮތުން، އަތޮޅުތަކުގެ ފަޅުރަށްތައް ކައުންސިލުތަކަށް ދޫކުރުމަށް ސަރުކާރުން އެކުލަވާލާފައިވާ އުސޫލުގެ ދަށުން ހުށަހެޅިފައިވާ ޕްރޮޕޯސަލްތައް ދިރާސާކުރުމުގެ މަސައްކަތް ފެށިފައިވާ ކަމަށް ސިޓީސް، ލޯކަލް ގަވަރނަންސް އެންޑް ޕަބްލިކް ވޯކްސްގެ ވަޒީރު އަލްފާޟިލް އާދަމް ޝަރީފު އުމަރު ހާމަކުރައްވައިފިއެވެ.

މިނިސްޓަރު އާދަމް ޝަރީފް އެކްސް މެދުވެރިކޮށް ޙިއްޞާކުރެއްވި ޕޯސްޓެއްގައި ވިދާޅުވެފައިވަނީ، ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ލާމަރުކަޒީ ނިޒާމު ހަރުދަނާކުރުމަށާއި ކައުންސިލްތައް މާލީގޮތުން ބާރުވެރިކުރުމަށް ވަރުގަދަ ސިޔާސަތުތަކެއް އެކުލަވާލައްވައި ތަންފީޛުކުރައްވަމުން ގެންދަވާ ކަމަށެވެ.

 މި ގޮތުން، ކައުންސިލްތަކަށް ފަޅުރަށްތައް ދޫކުރުމުގެ އުސޫލެއް އެކުލަވާލާފައިވާ ކަމަށާއި، މި އުސޫލުގެ ދަށުން ކައުންސިލްތަކުން ފަޅުރަށްތައް ހޯދުމަށް ޕްރޮޕޯސަލްތައް ހުށަހަޅަމުންދާކަން މިނިސްޓަރު ފާހަގަކުރެއްވިއެވެ. އަދި މިނިސްޓަރު އިތުރަށް ވިދާޅުވެފައިވަނީ، ކައުންސިލްތަކުން ހުށަހަޅާފައިވާ މި ޕްރޮޕޯސަލްތައް ދިރާސާކުރުމުގެ މަސައްކަތް މިނިސްޓްރީން މިހާރު ފަށައިގަނެފައިވާ ކަމަށެވެ.

މިނިސްޓަރު އާދަމް ޝަރީފް ވަނީ ލާމަރުކަޒީ ނިޒާމު ހަރުދަނާކޮށް ކައުންސިލްތައް ބާރުވެރިކުރުމަށް ރައީސް ޑރ. މުޙައްމަދު މުޢިއްޒުގެ އިރުޝާދުގެ ދަށުން މި ސަރުކާރުން ކުރަމުންދާ މުހިންމު މަސައްކަތްތަކެއް ފާހަގަކުރައްވާފައެވެ. އޭގެ ތެރޭގައި:

 1. ރަށުން ނަގާ ޓެކްސްގެ 10% ކައުންސިލްތަކަށް ލިބޭނެ ނިޒާމެއް އިޢުލާނުކުރެވިފައިވުން.

 2. ކައުންސިލްތަކުގެ ޢުމްރާނީ ޙާލަތު ސީދާ ބައްލަވައި، 50 ކައުންސިލް އިދާރާ އިމާރާތްކުރުމުގެ މަސައްކަތަށް ތައްޔާރުވަމުންދިއުން.

މިނިސްޓަރު އިތުރަށް ފާހަގަކުރެއްވި ގޮތުގައި، ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ލާމަރުކަޒީ ނިޒާމު ހަރުދަނާކުރެއްވުމަށް ޚާއްޞަ އަހައްމިއްޔަތުކަމެއް ދެއްވާކަމަށެވެ. އަދި މި ސަރުކާރުން އެއްވެސް ތަފާތުކުރުމެއްނެތި، ހުރިހާ ކައުންސިލްތަކަށް ފުރިހަމަ އެހީތެރިކަމާއި އެއްބާރުލުން ފޯރުކޮށްދެއްވާ ކަމަށާއި، ކައުންސިލްތަކުގެ ޤާނޫނީ މަސްއޫލިއްޔަތުތައް އަދާކުރުމަށް މަގުފަހިކޮށްދެއްވާކަމަށް ވެސް މިނިސްޓަރު ވިދާޅުވިއެވެ.
                    

 3. ކޮންޓްރެކްޓަރ ފައިނޭންސްގެ ދަށުން 55 ކައުންސިލް އިމާރާތްކުރުމަށް ހުށަހެޅިފައިވާ ޕްރޮޕޯސަލް ރިވިއުކޮށް، އިކޮނޮމިކް ކައުންސިލަށް ހުށަހެޅިފައިވުން.

 4. ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ލާމަރުކަޒީ ނިޒާމު ހަރުދަނާކުރެއްވުމަށް ޚާއްޞަ އަހައްމިއްޔަތުކަމެއް ދެއްވާކަން.

 5. ސަރުކާރުން ތަފާތުކުރުމެއްނެތި ހުރިހާ ކައުންސިލްތަކަށް ފުރިހަމަ އެއްބާރުލުން ދެއްވައި، ކައުންސިލްތަކުގެ ޤާނޫނީ ޒިންމާ އަދާކުރުމަށް މަގުފަހިކޮށްދެއްވާކަން މީޑިއާގައި ފާހަގަކުރެވެމުންދާކަން.