ހުޅުމާލޭގެ މަގުތަކަށް އިތުރު ރައްކާތެރިކަން ގެނައުމަށް ބަދަލުތަކެއް

ހުޅުމާލެއަކީ ރައްކާތެރި އަދި ދިރިއުޅެން ފަސޭހަ ތަނަކަށް ހެދުމަށް ކުރަމުންދާ މަސައްކަތުގެ ތެރެއިން، ހުޅުމާލޭގެ ޓްރެފިކް ފްލޯއަށް މުހިންމު ބަދަލުތަކެއް ގެނައުމުގެ މަސައްކަތް ދަނީ ކުރެވެމުންނެވެ. މި މަސައްކަތުގެ ތެރެއިން، ރީތިގަސްމަގާއި ސައިމާހިނގުން ގުޅޭ ސަރަހައްދުގައި ރައުންޑްއެބައުޓެއް ތަރައްޤީކުރުމުގެ މަސައްކަތް ހައުސިންގ ޑިވެލޮޕްމަންޓް ކޯޕަރޭޝަން (އެޗްޑީސީ) ގެ ޓީމުން ދަނީ ކުރަމުންމުންނެވެ.

 މި މަސައްކަތަކީ ހުޅުމާލޭގެ މަގުތަކުގައި ދުއްވާ އުޅަނދުތަކުގެ ރައްކާތެރިކަން އިތުރުކޮށް، ޓްރެފިކް ފްލޯ އިތުރަށް ހަރުދަނާކުރުމަށް ކުރެވޭ މުހިންމު މަސައްކަތެކެވެ. މި ރައުންޑްއެބައުޓް ނިމުމުން، މަގުތަކުގައި ދުއްވާ އުޅަނދުތަކުގެ ދުވެލި މަޑުކޮށް، އެކްސިޑެންޓްތައް މަދުކުރުމަށް އެހީތެރިވެދޭނއެވެ.

 ހުޅުމާލެ އަކީ ދިރިއުޅުމަށް ފަސޭހަ އަދި މުނިފޫހިފިލުވުމަށް އެކަށޭނަ ތަނަކަށް ހެދުމުގެ މަޤްޞަދުގައި ކުރިއަށްގެންދާ މަޝްރޫޢުތަކުގެ ތެރެއިން، ހުޅުމާލޭގެ ދެވަނަ ފިޔަވަހީގެ ނިރޮޅުމަގުގައި މާގަސް އިންދުމުގެ މަސައްކަތްވެސް ހައުސިންގ ޑިވެލޮޕްމަންޓް ކޯޕަރޭޝަން (އެޗްޑީސީ) ގެ ޓީމުން މިހާރު ދަނީ ކުރިއަށް ގެންދަމުންނެވެ. މި މަސައްކަތަކީ ރަށުގެ ހިތްގައިމުކަން އިތުރުކޮށް، ތިމާވެށި ރައްކާތެރިކުރުމަށް އެޅޭ މުހިންމު ފިޔަވަޅެކެވެ.