އިޒްރާއިލުން ލުބްނާނަށް ދޭ ހަމަލާތަކަށް 3 ހަފްތާ: 400،000 ކުޑަކުދިން ގެދޮރުގެއްލިފައި!

އިޒްރާއިލުން ލުބްނާނަށް ދެމުންދާ ހަމަލާތަކަށް 3 ހަފްތާވެފައިވާއިރު 400،000 ކުޑަކުދިންގެ ގެދޮރު ގެއްލި ބޯހިޔާވަހިކަން ގެއްލިފައިވާ ކަމަށް ޔޫއެންގެ ކުޑަކުދިންގެ ހައްޤުތަކަށް މަސައްކަތް ކުރާ އެޖެންސީ އިން ބުނެފިއެވެ.

ޔޫއެން އިން ބުނެފައިވަނީ ލުބްނާނަށް އިޒްރާއިލަށް ދެމުންދާ ވަރުގަދަ ހަމަލާތަކުގެ ސަބަބުން ފާއިތުވި ތިން ހަފްތާގެ ތެރޭގައި 1.2 މިލިއަން މީހުންގެ ގެދޮރު ގެއްލިފައިވާކަމަށެވެ.

ލުބްނާންގެ ބެއިރޫތައް އިޒްރާއިލުން ދެމުންދާ ހަމަލާތަކުގެ ސަބަބުން ރައްކާތެރިކަން ހޯދުމަށް ބެއިރޫތްގެ ރައްޔިތުން ދަނީ ލުބްނާންގެ އުތުރުގެ ސަރަހައްދުތަކަށް ދަތުރުފަށައިފައެވެ. 

ޔުނިސެފްގެ އިންސާނީ ހައްޤުތަކާ ބެހޭ ޑެޕިއުޓީ އެގްޒެކެޓިވް ޑިރެކްޓަރު ޓެޑް ޗައިބަން ވަނީ ގެދޮރު ގެއްލިފައިވާ އާއިލާތައް ހޯސްޓް ކުރުމަށް ހިޔާތަކަށް ބަދަލުކޮށްފައިވާ ސްކޫލްތަކަށް ޒިޔާރަތްކޮށްފަ އެވެ. 

އަޅުގަނޑުގެ ހިތުގައި ޖެހުނު ކަމަކީ މި ހަނގުރާމައަށް އަދި އެންމެ ތިން ހަފްތާ ވެފައިވީއިރު، ހަނގުރާމައިގެ ސަބަބުން އެހާ ގިނަ ކުދިންނަށް އަސަރުކޮށްފައިވުން - ޝަރީފް ވިދާޅުވި އެވެ.

އޭނާ އިތުރަށް ވިދާޅުވީ 1.2 މިލިއަން ކުދިން ތަޢުލީމުން މަހުރޫމްވެފައި އެބަތިބިކަމަށެވެ. އެއީ ހަނގުރާމައިގެ ނުރައްކާތެރިކަމުގެ ސަބަބުންނާއި، ރައްކާތެރި ތަނެއްގެ ގޮތުން ގިނަ ސްކޫލްތައް ވަގުތީ ހިޔާގެ ގޮތުގައި ބޭނުންކުރަމުން ދިޔުން ކަމަށް އޭނާ ވަނީ ވިދާޅުވެފައެވެ. 

ލުބްނާނަށް ދެމުންދާ ހަމަލާތައް އިޒްރާއިލުން ދަނީ އަދިވެސް ހުއްޓުމެއް ނެތި ކުރިއަށް ގެންދަމުންނެވެ. އެގޮތުން އިއްޔެވެސް ގިނަ ޢަދަދެއްގެ ކްރިސްޓިއަނުންގެ އާބާދީ އެއް ދިރިއުޅޭ އައިޓޯ ޓައުންގައި ހުރި ގެއަކަށް އަމާޒުކޮށް ދިން ހަމަލާއެއްގައި ގިނަ ބަޔަކު ވަނީ ޝަހީދުވެފައެވެ.

އައިޓޯ ޓައުން އަށް ދިން ހަމަލާގައި ޝަހީދުވި މީހެއް. ފޮޓޯ:އަލްޖަޒީރާ

މިގެއަކީ ޙާލުގައި ޖެހިފައިތިބި ބަޔަކު ވަގުތީ ހިޔަލެއްގެ ގޮތުގައި ބޭނުންކުރުމަށް ކުއްޔަށް ނަގައިގެން ދިރިއުޅެމުން ދިޔަ ގެއެެކެވެ.