އިޒްރާއިލްގެ ހަމަލާތައް ޣައްޒާގެ އުތުރުން ދެކުނަށް، މިއަދުވެސް 11 މީހުން ޝަހީދުކޮށްލައިފި!

އިޒްރާއިލުން ފަލަސްޠީނުގެ ޣައްޒާގެ އުތުރުން ފެށިގެން ޣައްޒާގެ ދެކުނަށް މިއަދުވެސް ހަމަލާތައް ވަނީ ދީފައެެވެ. އަދި މިހަމަލާތަކުގައި މިއަދު އެކަނިވެސް 11 މީހުން ވަނީ ޝަހީދުކޮށްލައިފައި ކަމަށް އަލްޖަޒީރާގައި ވަނީ ބުނެފައެވެ. 

އިޒްރާއީލުން ޣައްޒާގެ އުތުރުގެ ސަރަހައްދުތައް ވަށާލައި ހަމަލާތަށް ކުރިއަށްދާއިރު، އިޒްރާއިލް ސިފައިން ޣައްޒާގެ ގެތައް ގޮއްވާލުމަށް ބާރުގަދަ ހަތިޔާރުތައް ދަނީ ބޭނުންކުރުމުންނެވެ.  މިގޮއްވުން ތަކުގެ ސަބަބުން ނުރައްކާތެރި އަލިފާން ގަނޑުތައް އަންނަނީ ރޯވަމުންނެވެ.

ޣައްޒާގެ ހުރިހާ ހިސާބެއްގައި އިޒްރާއީލުން ދެމިުންދާ ހަމަލާތަކުގައި  ފާއިތުވި 24 ގަޑިއިރުތެރޭގައި ފަލަސްތީނުގެ 45 މީހުން ޝަހީދުވެފައިވެއެވެ.

 ޣައްޒގާެ އުތުރު ސަރަހަށްދުގެ ބިންތަކަށް އިޒްރާއިލުން  އަރައިގަތްތާ  11 ދުވަސް ވަނީ ވެފައެވެ. 11 އަށް ވަނަ ދުވަހު އިޒްރާއީލު ސިފައިން ވަނީ ޖަބަލިއްޔާ ރެފިއުޖީ ކޭމްޕްގައި ހުންނަ އަލް ފާލޫޖާ އަވަށަށް ބާރުގަދަ ހަމަލާއެއް ދީފަ އެވެ.

އަލް ފަލޫޖާ އަށް ދިން ހަމަލާގެ ސަބަބުން ޣައްޒާގެ މެޑިކަލް ޑޮކްޓަރެއް ކަމަށްވާ ޑރ.އަހުމަދު ނައްޖާރު ވެސް ވަނީ ޝަހީދުކޮށްލައިފައެވެ. ޑރ ނައްޖާރު ޝަހީދުވެފައިވަނީ ހަމަލާތަކުގައި ޒަޚަމްވި މީހުންނަށް ފަރުވާދެމުންދަނިކޮށް ކަމަށް ޤުދުސް ނެޓްވޯކުން ރިޕޯޓު ކޮށްފައިވެއެވެ. 

މިހަމަލާތަކުގެ ސަބަބުން ގިނަ ޢަދަދެއްގެ ކުޑަކުދިން ވެސް ޝަހީދުވެފައިވެއެވެ. 

7 އޮކްޓޯބަރު 2023 ގައި އިޒްރާއިލުން ޣައްޒާއަށް ދޭން ފެށި ހަމަލާތަކުގައި މިހާތަނަށް 42،289 މީހުން ވަނީ ޝަހީދުވެފައެވެ. އަދި 98،684 މީހުން ޒަޚަމްވެފައިވެއެވެ.