ހިޒްބުއްﷲގެ ވަރުގަދަ އިންޒާރުތަކެއް އިޒްރާއިލަށް!

ފަލަސްޠީނުގެ ދިފާޢުގައި ހަނގުރާމަ ކުރަމުންދާ ހިޒްބުއްﷲގެ ވަރުގަދަ އިންޒާރުތަކެއް އިޒްރާއިލަށް ދީފިއެވެ.

ހިޒްބުއްﷲގެ ޑެޕިޔުޓީ ލީޑަރ ނަޢީމް ޤާސިމް ވިދާޅުވީ މިހާރު ކުރިއަށްދާ ނުރައްކާތެރި ކުރިމަތިލުން ތަކަށް އިޒްރާއިލަށް އޮޮތް އެންމެ ރަނގަޅު ހައްލަކީ އިޒްރާއިލުން ފަލަސްޠީނަށާއި ލުބްނާނަށް ދެމުންދާ ހަމަލާތައް ހުއްޓުން ކަމަށެވެ.

އަހަރެން މިބުނަނީ އިޒްރާއީލުގެ މީހުންނަށް، ހައްލަކީ ހަމަލާތައް ދިނުން ހުއްޓާލުން، ހައްލަކީ ހަނގުރާމަ ހުއްޓާލުން، ހަނގުރާމަ ހުއްޓާލުމަށް ފަހު އިޒްރާއިލުގެ މީހުންނަށް ފަލަސްޠީނުގެ އުތުރަށް ދެވިދާނެ، - ޤާސިމް ވިދާޅުވި އެވެ. 

ނަޢީމް އިތުރަށް ވިދާޅުވީ ލުބުނާނާއި ޣައްޒާގައި އިސްރާއީލުން ހަނގުރާމަ ކުރިއަށް ގެންދާނަމަ އުތުރުގައި ތިބި ދެ މިލިއަނަށް ވުރެ ގިނަ އިޒްރާއިލްގެ މީހުންނަށް މެދުނުކެނޑި ނުރައްކާ ކުރިމަތިވާނެ ކަމަށެވެ.

 ފަލަސްޠީނުގެ މީހުން ދުވަހަކުވެސް ބަލި ނުވާނެ ސަބަބަކީ އެއީ އެމީހުން ބިމުގެ މިލްކުވެރިންނަށް ވާތީ، އެމީހުން ހަނގުރާމަކޮށް މަރުވާނީ ކަރާމާތާއި އެކު، ކާމިޔާބީ އަންނާނީ ކެތްތެރިކަމާއެކު. - ނަޢީމް ވިދާޅުވެފައިވެއެވެ.

ނަޢީމް ވިދާޅުވީ އިޒްރާއީލާއެކު އޮތް  ހިޒްބުއްﷲގެ ކޯޅުން ފަލަސްޠީނުގެ މިނިވަންކަމާއި ވަކިނުކުރެވޭނެ ކަމަށެވެ.

އަހަރެމެންގެ  ދެކޮޅުވެރިކަމަކީ ޝަރުޢީ ކަމެއް ކަމަށް އަހަރެމެން ދެކެން އެމީހުންގެ ބިމަށްޓަކައި ހަނގުރާމަ ކުރަމުންދާ މީހުންނަކީ ފަލަސްޠީނު މީހުން، އަހަރެމެން އެމީހުންނަށް ތާއީދު ކުރާނަން، - ނަޢީމް ވިދާޅުވި އެވެ. 

ނައީމް ތުހުމަތު ކުރެއްވީ އެމެރިކާއިން އިޒްރާއީލުން އެ ސަރަހައްދުގައި ހިންގާ "އަނިޔާވެރި ޖަރީމާތަކަށް" އެހީތެރިވެދީފައިވާ ކަމަށެވެ. 

އެންމެ ބޮޑު ޝައިޠާނާ އެމެރިކާ ބޭނުންވަނީ އާ މެދުއިރުމައްޗެއް. ނަތަންޔާހޫ ބޭނުންވަނީ ހަމަ އެގޮތަށެވެ. މާނައަކީ އެމެރިކާއާއި އިސްރާއީލުން މި ނަސްލު ނައްތާލުމުގެ ކަންތައް ކުރަނީ ގަސްތުގައި - ނަޢީމް ވިދާޅުވިއެވެ.