އިނގިރޭސި ހައި ކޮމިޝަނާއި އަލިނިއާ އިންޓަނޭޝަނަލް އިން ހޯމް މިނިސްޓްރީއަށް ކްރައިސިސް މެނޭޖްމަންޓް ޓޫލްކިޓް ފޯރުކޮށްދީފި

އިނގިރޭސި ހައި ކޮމިޝަނާއި އަލިނިއާ އިންޓަނޭޝަނަލްގެ އެހީތެރިކަމާއެކު، ކުއްލި ހާލަތްތަކުގައި މުވާސަލާތުކުރުމާއި ކަންކަން ބެލެހެއްޓުމަށް ޚާއްޞަ ވަސީލަތެއް ހޯމް މިނިސްޓްރީއާ ހަވާލުކުރެވިއްޖެއެވެ. މި ވަސީލަތުގެ މަޤްޞަދަކީ ކުއްލި ހާލަތްތަކުގައި މިނިސްޓްރީގެ ފަރާތުން ދެވޭ އިޖާބަ އިތުރަށް ހަރުދަނާކޮށް، އެފަދަ ހާލަތްތަކުގައި އެހެން ފަރާތްތަކާއެކު ގުޅިގެން މަސައްކަތްކުރުމުގެ ޤާބިލުކަން އިތުރުކުރުމެވެ.

މި ވަސީލަތުގެ ބޭނުންކޮށްގެން މިނިސްޓްރީގެ މުވާސަލާތީ ނިޒާމުތައް އިތުރަށް ހަރުދަނާކުރެވި، ނާޒުކު ވަގުތުތަކުގައި އަވަސް އަދި ޞައްޙަ މަޢުލޫމާތު ފޯރުކޮށްދިނުމަށް މަގުފަހިވެގެންދާނެއެވެ. މީގެ އިތުރުން، ކުއްލި ހާލަތްތަކުގައި ޢަމަލުކުރާނެ ގޮތުގެ ނިޒާމުތައް ހަރުދަނާކޮށް، އިތުރަށް އިތުބާރުހުރި ގޮތެއްގައި އެ ނިޒާމުތައް ތަންފީޛުކުރުމަށް ބޭނުންވާ ސްޓްރެޓެޖީތަކެއްވެސް މި ވަސީލަތުގައި ހިމެނިފައިވެއެވެ.

 މި އައު ވަސީލަތުގެ ސަބަބުން ރައްޔިތުންގެ ރައްކާތެރިކަން ކަށަވަރުކުރުމާއި، ކުރިމަގުގައި ދިމާވެދާނެ ގޮންޖެހުންތަކާ ކުރިމަތިލުމުގައި މުހިންމު ދައުރެއް އަދާކުރެވޭނެ ކަމަށް އުންމީދުކުރެވެއެވެ.