ޣައްޒާގައި މިއަދު އިތުރު 16 މީހަކު ޝަހީދުކޮށްލައިފި

އިއްޔެގެ ވަޤުތުތަކުގައި އިޒްރާއީލުން ޣައްޒާއަށް ދިން ޙަމަލާތަކުގައި ޝަހީދުވި 95 މީހުންގެ އިތުރުން، ރޭ ފަތިހު އިޒްރާއީލުން އިތުރު 16 މީހަކު ޝަހީދުކޮށްލާފައިވާ ކަމަށް މީޑިޔާ ތަކުން ރިޕޯޓްކޮށްފިއެވެ. މީގެ ތެރޭގައި، ޝާޠިއު ރެފިއުޖީ ކޭމްޕުގައި ޝަހީދުވީ 8 މީހުންނާއި، ދީރުލް ބަލަޙުގައި އިޒްރާއީލުން ބޮން އެޅުމުގެ ސަބަބުން ޝަހީދުވި 2 މީހަކާއި، ޚާން ޔޫނިސް ގައި ޑްރޯން ޙަމަލާގެ ސަބަބުން ފުރާނަ ގެއްލުނު 2 މީހަކު ހިމެނެއެވެ. 

ޣައްޒާގެ ޞިއްޙީ ވުޒާރާއިން ހާމަކޮށްފައިވާގޮތުގައި، އިޒްރާއީލުގެ ޢުދުވާނީ ޙަމަލާތަކުގެ ސަބަބުން ޖުމުލަ މަރުވެފައިވާ މީހުންގެ ޢަދަދު މިހާރު ވަނީ ގާގްގަނޑަކަށް 57،575 އަށް އަރާފައެވެ. އަދި އިޒްރާއީލުން މިހާތަނަށް ފަލަސްޠީނުގެ 136،879 މީހަކު ޒަޚަމްކޮށްލާފައި ވެއެވެ. މިދިޔަ 7 ދުވަހުގައި މުއްދަތުގައި އެކަނިވެސް، ކާއެތިކޮޅެއްގެ އިންތިޒާރުގައި ތިބި 168 ފަލަސްޠީނު ރައްޔިތުން އިޒްރާއީލުން ޝަހީދުކޮށްލާ، 745 މީހުން ވަނީ ޒަޚަމުކޮށްލާފައެވެ.