ފަޅުތެރެ ސާފުކޮށް ބޭއްވުމަށް ހުރިހާ ބޭފުޅުންގެ އެއްބާރުލުން ބޭނުންވޭ، މަގުމައްޗަށާއި މޫދަށް ކުނި ނާޅަމާތޯ :މާލޭ ސިޓީ މޭޔަރ

މާލޭގެ ފަޅުތެރެއާއި ބަނދަރުތައް ސާފުތާހިރުކޮށް ބެލެހެއްޓުމަށް ރައްޔިތުންގެ އެއްބާރުލުމުގެ މުހިންމުކަން މާލޭ ސިޓީ ކައުންސިލުގެ މޭޔަރ އާދަމް އާޒިމް ފާހަގަކުރައްވައިފިއެވެ.

އެކްސް މެދުވެރިކޮށް ކުރެއްވި ޕޯސްޓެއްގައި މޭޔަރު ވިދާޅުވެފައިވަނީ، މާލޭގެ ފަޅުތެރެއާއި ބަނދަރުތައް ސާފުކޮށް ބެލެހެއްޓުމަކީ މުޅި މުޖުތަމަޢުގެ ޒިންމާއެއް ކަމަށެވެ. އަދި މަގުމައްޗަށާއި ކަނޑަށް ކުނި ނޭޅުމަށް ރައްޔިތުންނަށް އިލްތިމާސް ކުރައްވާފައިވެއެވެ.

މާލޭގެ ބަނދަރުތަކާއި ފަޅުތެރެ ސާފުކުރުމުގެ މަސައްކަތަކީ ދުވަހުން ދުވަހަށް ކުރެވެމުންދާ ކަމެއް ނަމަވެސް، މި މަސައްކަތް އެންމެ އެދެވޭ ގޮތުގައި ކުރިއަށް ގެންދިއުމަށްޓަކައި ރައްޔިތުންގެ އެއްބާރުލުން ކޮންމެހެން މުހިންމެވެ.

މާލެ ސާފުތާހިރުކޮށް ބެލެހެއްޓުމަކީ ހަމައެކަނި ކައުންސިލުގެ މަސްއޫލިއްޔަތެއް ނޫނެވެ. މިއީ ޖުމްލަ މުޖުތަމަޢުގެ ޒިންމާއެކެވެ. އެހެންކަމުން، މަގުމައްޗަށާއި ކަނޑަށް ކުނި ނޭޅުމަށް ކޮންމެ ރައްޔިތަކުވެސް ސަމާލުކަން ދޭންޖެހެއެވެ.

މާލޭގެ ތިމާވެށި ހިމާޔަތްކޮށް، ދެމެހެއްޓެނިވި ގޮތެއްގައި ސާފު އަދި ޞިއްޙީ މާޙައުލެއް ޤާއިމުކުރުމަކީ ކޮންމެ ރައްޔިތެއްގެވެސް އަމިއްލަ ވާޖިބެއްކަން ހަނދުމަފުޅު ބަހައްޓަވަން ޖެހޭނެއެވެ.