ނަފްސާނީ ދުޅަހެޔޮކަމަށް އަހުލުވެރިކުރުވުމަށް "ވޯލްޑް މެންޓަލް ހެލްތް ޑޭ ވޯކް 2024" ބާއްވައިފި

ދުނިޔޭގެ ނަފްސާނީ ދުޅަހެޔޮކަމުގެ ދުވަސް ފާހަގަކުރުމުގެ ގޮތުން  މާލޭގައި "ވޯލްޑް މެންޓަލް ހެލްތް ޑޭ ވޯކް 2024" ގެ ނަމުގައި ހިނގާލުމެއް ބާއްވައިފިއެވެ. މި ހަރަކާތުގައި 30 އަށްވުރެ ގިނަ ޕާޓްނަރުންގެ އެހީތެރިކަމާއެކު، ސަރުކާރުގެ އިދާރާތަކާއި އަމިއްލަ ޖަމިއްޔާތަކުގެ ތަފާތު ގިނަ ފަރާތްތަކުން ބައިވެރިވިއެވެ.

މި ހިނގާލުމުގެ މައިގަނޑު މަޤްޞަދަކީ ނަފްސާނީ ބަލިތަކާ ގުޅިފައިވާ އިޖްތިމާޢީ ނުރަނގަޅު ވިސްނުންތައް ނައްތާލުމާއި، ނަފްސާނީ ދުޅަހެޔޮކަމުގެ މުހިންމުކަން ހާމަކޮށްދިނުމެވެ. އަދި މުޖުތަމަޢުގެ ހުރިހާ ފަންތިއެއްގެ މީހުންގެ މެދުގައި މިކަމާ ގުޅުޅޭ ހޭލުންތެރިކަން އިތުރުކުރުމެވެ.

ހިނގާލުމާއި ގުޅޭގޮތުން ވާހަކަދައްކަވަމުން މިނިސްޓަރ އޮފް ހެލްތު އަބްދުﷲ ނާޒިމް އިބްރާހީމް ވިދާޅުވީ، "ވަރަށް ވެސް މުހިންމު މަސައްކަތެއް އަޅުގަނޑުމެން މިކުރީ ، ނަފްސާނީ ސިއްހަތުގެ ހޭލުންތެރިކަން އިތުރުކުރުމަށާއި، މަސައްކަތުގެ މާހައުލުގައި މިކަމުގެ މުހިންމުކަން އާންމު ރައްޔިތުންގެ ސަމާލުކަަމަށް ގެނެސް ، މީގެ ސަބަބުން މިކަމާ އަޅާލެވިއްޖެނަމަ އަޅުގަނޑުމެނަށް މަސައްކަތުގެ މާހައުުގައި ޕްރޮޑަކްޓިވިޓީ އިތުރުވެގެން ދާނެ" ކަމަށެެވެ. 

މިނިސްޓަރ އިތުރަށް ވިދާޅުވީ، "އިންސާނީ މުޅި މުޖުތަމަޢު ހިތްހަމަޖެހުމާއި އުފެއްދުންތެރި ޚިޔާލާއި އަޅާލުން ލިބޭ މުޖުތަމަޢަކަށް ހެދުމަށް މިކަމުން ކަށަވަރުކަން ލިބިގެންދާނެއެވެ. މިކަން ދެމެހެއްޓެނިވި ކަމެއްގެ ގޮތުގައި ކުރިއަށް ގެންދިއުމަށްޓަކައި މިކަމުގެ ހޭލުންތެރިކަން އިތުރުކުރުމަކީ ވަރަށް މުހިންމު ކަމެއް."

<blockquote class="twitter-tweet"><p lang="en" dir="ltr">Grateful to the dedicated stakeholders who walked with us in celebration of <a href="https://twitter.com/hashtag/WMHD2024?src=hash&amp;ref_src=twsrc%5Etfw">#WMHD2024</a>. With the support of over 30 partners, each step we take together, helps break the stigma and championing mental well-being. Together, we are creating lasting change.<a href="https://twitter.com/nmhdmv?ref_src=twsrc%5Etfw">@nmhdmv</a> <a href="https://t.co/1ERLODXfrx">pic.twitter.com/1ERLODXfrx</a></p>&mdash; Ministry of Health (@MoHmv) <a href="https://twitter.com/MoHmv/status/1847849404503642269?ref_src=twsrc%5Etfw">October 20, 2024</a></blockquote> <script async src="https://platform.twitter.com/widgets.js" charset="utf-8"></script>