ހިތަދޫގައި ތިން އެކްސިޑެންޓް ހިނގައި 7 މީހުންނަށް އަނިޔާވެއްޖެ

އައްޑޫ ސިޓީ ހިތަދޫގެ 3 ސަރަޙައްދެއްގައި ރޭގެ އެކި ވަގުތުތަކުގައި އެކްސިޑެންޓް ހިނގައިފިކަމަށް ޕޮލިސް މީޑިއާއިން މަޢުލޫމާތު ދީފިއެވެ.

މި އެކްސިޑެންޓްތަކުގައި 7 މީހުންނަށް އަނިޔާވެގެން އައްޑޫ އިކުއެޓޯރިއަލް ހޮސްޕިޓަލުގައި ފަރުވާ ދެމުންދާކަމަށް އެ ހޮސްޕިޓަލުން މަޢުލޫމާތު ދީފައިވެއެވެ. އަނިޔާވި މީހުންގެ ތެރޭގައި ހިމެނެނީ 6 ފިރިހެނުންނާއި އެއް އަންހެނެކެވެ. އެއްވެސް މީހަކަށް ސީރިއަސް އަނިޔާއެއް ވެފައި ނުވާކަމަށްވެސް ހޮސްޕިޓަލުން މަޢުލޫމާތު ދީފައިވެއެވެ.

ކޮންމެ އެކްސިޑެންޓެއްވެސް ހިނގާފައިވަނީ ދެ ސައިކަލް ޖެހިގެންކަމަށް މަޢުލޫމާތު ލިބިފައިވެއެވެ. މި ތިން އެކްސިޑެންޓުގެ ތެރެއިން ދެ އެކްސިޑެންޓުގެ ސީން ފުލުހުން ދިޔައިރު ވަނީ ރޫޅާލާފައެވެ.

އެކްސިޑެންޓުގެ މި މައްސަލަތައް ފުލުހުން ގެންދަނީ ތަޙުޤީޤު ކުރަމުންނެވެ. މި ހާދިސާތަކާ ގުޅޭ އިތުރު މަޢުލޫމާތު ލިބުމުން އާންމުކުރާނެ ކަމަށް ފުލުހުން ބުނެފައިވެއެވެ.