ޚަބަރު
ސައިޓްސް ގްލޯބަލް ޔޫތު ސަމިޓް 2025: ޒުވާނުންނަށް ލީޑަރޝިޕް ހުނަރު ތަރައްޤީކުރުމުގެ އަގުހުރި ފުރުޞަތެއް
ސައިޓްސް ގްލޯބަލް ޔޫތު ސަމިޓް 2025 ފޮޓޯ:ސަރުކާރު
2025 ވަނަ އަހަރުގެ މެދުތެރޭގައި ބޭއްވުމަށް ހަމަޖެހިފައިވާ ސައިޓްސް ގްލޯބަލް ޔޫތު ސަމިޓުގައި ބައިވެރިވުމުގެ ދޮރު ޒުވާނުންނަށް ހުޅުވާލައިފިއެވެ. މި ސަމިޓަކީ ބައިނަލްއަޤްވާމީ ފެންވަރުގައި ޒުވާނުންގެ ލީޑަރޝިޕް ހުނަރުތައް ކުރިއެރުވުމަށާއި، ވިޔަފާރީގެ ދާއިރާގައި ހުރި ގޮންޖެހުންތަކާ ގުޅޭގޮތުން މަޢުލޫމާތާއި ތަޖުރިބާ ހޯދުމަށް ލިބޭ އަގުހުރި ފުރުޞަތެކެވެ.
މި ސަމިޓުގައި ބައިވެރިވާ ޒުވާނުންނަށް ވިޔަފާރީގެ ދާއިރާގައި ދިމާވާ ގޮންޖެހުންތަކާ ކުރިމަތިލުމަށް ބޭނުންވާ މަޢުލޫމާތާއި، ހުނަރު އަދި ނެޓްވޯކިންގ ފުރުޞަތުތައް ތަނަވަސްވެގެންދާނެއެވެ. އަދި މީގެ އިތުރުން، ދުނިޔޭގެ އެކި ކަންކޮޅުތަކުން ޝާމިލުވާ ހީވާގި އަދި ޤާބިލު ޒުވާނުންނާ ބައްދަލުކޮށް، އެފަރާތްތަކާއެކު މަސައްކަތްކުރުމުގެ ނަމޫނާ ފުރުޞަތެއްވެސް މެއެވެ.
ސައިޓްސް ގްލޯބަލް ޔޫތު ސަމިޓުގެ މައިގަނޑު މަޤްޞަދަކީ ޒުވާނުން ބާރުވެރިކޮށް، އެފަރާތްތަކަކީ ވިޔަފާރީގެ ދާއިރާގައި އިސްނަގައިގެން މަސައްކަތްކުރާ ބަޔަކަށް ހެދުމެވެ. މި ސަމިޓުގައި ބައިވެރިވުމަށް ޝައުޤުވެރިވާ ޒުވާނުން ވީ އެންމެ އަވަހަކަށް ކުރިމަތިލުމަށް ސައިޓްސްއިން ވަނީ އެދިފައެވެ.
