ޚަބަރު
ރާއްޖޭގެ މާލީ ހާލަތު ރަނގަޅު ކުރުމަށް ބޭރުގެ ފާމާއެކު ކުރިއަށް ނުދާން ނިންމި ނިންމުމަށް ރައީސް މުހައްމަދު ނަޝީދު ގެ ތައުރީފު
ކުރީގެ ރައީސް މުހައްމަދު ނަޝީދު ފޮޓޯ:އިންޓަރނެޓް
ރާއްޖޭގެ މާލީ ހާލަތު ރަނގަޅު ކުރުމަށް ބޭރުގެ ފާމާއެކު ކުރިއަށް ނުދާން ސަރުކާރުން ނިންމި ނިންމުމަށް ކުރީގެ ރައީސް މުހައްމަދު ނަޝީދު ވަނީ ތައުރީފު ކުރައްވާފައެވެ.
މި ނިންމުމާ ގުޅިގެން ޓްވިޓަރގައި ކުރެއްވި ޓްވީޓެއްގައި ރައީސް ނަޝީދު ވިދާޅުވެފައިވަނީ، "ރާއްޖޭގެ ދަރަންޏާއި ގުޅޭގޮތުން ލަފާދިނުމަށް ބޮޑު ޚަރަދުގައި ކަނޑައެޅި ޑެބްޓް އެޑްވައިޒަރގެ އެގްރީމެންޓް ބާޠިލުކުރެއްވި ކަމީ ރައީސް ޑރ. މުޙައްމަދު މުޢިއްޒު އެޅުއްވި ބުއްދިވެރި ފިޔަވަޅެއް" ކަމަށެވެ. އަދި މިފަދަ ޑެބްޓް އެޑްވައިޒަރުން އަޅުގަނޑުމެންގެ ޤައުމުތަކުން ނަގަމުން ދަނީ އިންތިހާއަށް ނާޖާއިޒު ފައިދާ ކަމަށްވެސް ރައީސް ނަޝީދު ވަނީ ފާހަގަކުރައްވާފައެވެ.
Raajjeyge dharanyaai gulheygothun lafaadhinumah bodu kharadhugai kandaelhi debt advisor ge agreement terminate kurevvi kamee Raees Dr. @MMuizzu elhuvvi buhdhiveri fiyavalheh. Mifadha debt advisorun alhugadumenge qaumuthakun nagamun dhanee inthiha ah naajaiz faidhaa
— Mohamed Nasheed (@MohamedNasheed) October 22, 2024
ރާއްޖޭގެ ދަރަނީގެ މައްސަލަ ހައްލުކުރުމުގެ މަސައްކަތުގައި ލަފާ ދިނުމަށް ދިވެހި ސަރުކާރުން ކުރިން ކަނޑައަޅާފައިވާ އެމެރިކާގެ އިންޑިޕެންޑެންޓް އިންވެސްޓްމެންޓް ބޭންކިން ފާމް، ސެންޓަވިއު ޕާޓްނާސްއާ އެކު ކުރިއަށް ނުދާން ނިންމާފައިވާ ކަމަށް ފިނޭންސް މިނިސްޓްރީން ވަނީ ހާމަކުރައްވާފައެވެ.
ސަރުކާރުން މި ނިންމުން ނިންމެވީ ރާއްޖޭގެ ދަރަނި މެނޭޖުކުރުން ނުވަތަ ދަރަނި ދެއްކުން ލަސްކުރުމާ ގުޅޭ ކަންކަމުގައި ސީދާ ރައީސް ޑރ. މުހައްމަދު މުއިއްޒު ބޭރު ގައުމުތަކަށް ކުރެއްވި އެކިއެކި ދަތުރުފުޅުތަކުގައި ކުރިއެރުންތަކެއް ލިބިފައިވާތީއެވެ.
ރާއްޖޭގެ ދަރަނި މެނޭޖު ކުރުމަށް ސަރުކާރުން ރިފޯމް އެޖެންޑާއެއް އިއުލާން ކޮށްފައިވާއިރު، ރިފޯމު އަވަސް ކުރަން މާލީ އިދާރާތަކުން ވަނީ ލަފާދީފައެވެ. މި ނިންމުމަކީ އެ މަސައްކަތް އަވަސް ކުރުމަށް އެޅޭ ފިޔަވަޅެއް ކަމަށް ބެލެވެއެވެ.
