ކާރު ދުއްވަމުންދިޔަ ފަރާތަށް ނިދި ޖެހި ނުރައްކާތެރި ހާދިސާއެއް

ސިނަމާލެ ބްރިޖް ހައިވޭގައި އެކްސިޑެންޓެއް ހިނގާ ކާރަކަށް އެކިވަރުގެ ގެއްލުން ލިބިއްޖެއެވެ.
މި ހާދިސާ ހިނގާފައިވަނީ މިއަދު ހެނދުނު 8:00 ހާއިރުއެވެ. ހާދިސާ ހިނގަން މެދުވެރިވެފައިވަނީ ބޯކޮށް ވާރޭވެހެމުންދިޔަ ވަގުތެއްގައި، ކާރު ދުއްވަމުންދިޔަ ފަރާތަށް ނިދި ޖެހުމުގެ ސަބަބުންނެވެ. ހާދިސާ ހިނގާފައިވަނީ ކާރު ކޮންޓްރޯލްނުވެ، މަގުމަތީގައި ހަރުކޮށްފައިވާ ހޮޅިދަނޑީގައި ޖެހި، ހޮޅިދަނޑި ވެއްޓި، ކާރު ގޮސް ސޯލަރ ޕެނަލް ހަރުކޮށްފައިވާ ހޮޅީގައި ޖެހިގެންނެވެ. ނަމަވެސް، ސޯލާ ޕެނަލްތަކަށް މި ހާދިސާގައި އެއްވެސް ގެއްލުމެއް ލިބިފައެއް ނުވެއެވެ.

އެކްސިޑެންޓުގައި އެއްވެސް މީހަކަށް އަނިޔާއެއް ވެފައެއް ނުވެއެވެ. އެހެންނަމަވެސް، ކާރުގެ ކުރީކޮޅަށް ވަރަށް ބޮޑު ގެއްލުން ލިބިފައިވާކަމަށް ޕޮލިސް ޓްރެފިކް އިންވެސްޓިގޭޝަނުން ވަނީ ފަރުދުން މީޑިއާއަށް މަޢުލޫމާތު ދެއްވާފައެވެ.

މި ހާދިސާއާ ގުޅިގެން އިތުރު ތަޙްޤީޤުތައް ދަނީ ކުރިއަށެވެ. އަދި މިފަދަ ހާދިސާތައް ތަކުރާރުވިޔަ ނުދިނުމަށްޓަކައި އުޅަނދުތައް ދުއްވާ ފަރާތްތަކުން އިތުރު ރައްކާތެރިކަމުގެ ފިޔަވަޅުތައް އެޅުމާއި ސަމާލުކަން ދިނުމަކީ ފުރާނަ ސަލާމަތްވެ ގެއްލުން ކުޑަކުރެވޭނެ ކަމެކެވެ.