ރައީސް މުޢިއްޒު ސާބިތުކޮށްދެއްވަނީ ދިވެހިރާއްޖެއަކީ އެކަކު ދެމީހެއްގެ ޤައުމެއް ނޫންކަން: ފިޝަރީޒް މިނިސްޓަރ ޝިޔާމް

ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު އެމަނިކުފާނުގެ ވެރިކަމުގެ ފުރަތަމަ ދުވަހުން ފެށިގެން ދިވެހިރާއްޖޭގެ އިޖުތިމާޢީ އަދި އިޤްތިޞާދީ ހާލަތު  ރަނގަޅުކުރެއްވުމަށް ކުރައްވަމުން ގެންދަވާ މަސައްކަތްޕުޅުތަކުން، މިއީ އެކަކު ދެމީހެއްގެ ޤައުމެއް ނޫންކަން ސާބިތުކޮށްދެއްވަމުންދާކަމަށް ފިޝަރީޒް މިނިސްޓަރ އަޙްމަދު ޝިޔާމް ވިދާޅުވެއްޖެއެވެ.

މިނިސްޓަރ ޝިޔާމް އެމަނިކުފާނުގެ އިޖްތިމާޢީ މީޑިއާ ޕޯސްޓެއްގައި ފާހަގަކުރެއްވި ގޮތުގައި، ރައީސް މުޢިއްޒު ވަނީ ދިވެހި މުޖުތަމަޢުގައި މޫލެފައިވާ ނޭދެވޭ އާދަތައް ނައްތާލުމަށް ސިޔާސީ ގޮތުން އުނދަގޫ ނިންމުންތަކެއް ނިންމަވާފައެވެ. މި ނިންމެވުންތަކަކީ ބައެއް ސިޔާސީ ފަރާތްތަކާއި ނުފޫޒުގަދަ ވިޔަފާރިވެރިންގެ ނުރުހުން ލިބޭ ނިންމެވުންތަކެއް ކަމުގައިވީ ނަމަވެސް، ރައީސް މުޢިއްޒު އެ މަސައްކަތްޕުޅު ކުރިއަށް ގެންދަވަނީ ޤައުމުގެ މުސްތަޤްބަލަށްޓަކައި ކަމަށް މިނިސްޓަރ ޝިޔާމް ވިދާޅުވިއެވެ.

ރައީސް މިއަދު އެ ސާބިތު ކޮށްދެއްވަނީ މީ އެކަކު ދެމީހެއްގެ ޤައުމެއްނޫން ކަމެވެ. އެމަނިކުފާނު އެ ސާބިތުކޮށްދެއްވަނީ އެމަނިކުފާނަކީ ދިވެހީންގެ ވެރިއެއްކަން

މިނިސްޓަރ ޝިޔާމް ވިދާޅުވިއެވެ.

މީގެއިތުރުން، ރައީސް މުޢިއްޒުގެ މަސައްކަތްޕުޅުތަކަކީ އަންނަން އޮތް ޖީލުތަކަށް ޤައުމު ސަލާމަތްކޮށްދިނުމަށް ކުރައްވާ މުހިންމު މަސައްކަތްތަކެއް ކަމަށް ފާހަގަކުރައްވައި، މި މަސައްކަތުގައި ރައްޔިތުންގެ އެއްބާރުލުން މުހިންމުކަން މިނިސްޓަރ ޝިޔާމް ފާހަގަކުރެއްވިއެވެ.

އަޅުގަނޑުމެން ބަލަންވީ މިކަންކަމުގައި އަޅުގަނޑުމެން ދިރިތިބީންނަށް އެމަނިކުފާނަށް ކޮށްދެވޭނީ ކޮންކަމެއްތޯއެވެ. މާދަމާ މިފަސްގަނޑުގައި ދިރިއުޅެން ތިބޭނީ ހަމަ އަޅުގަނޑުމެންގެ ދަރިންނާ ދަރިންގެ ދަރިން

މިނިސްޓަރ ޝިޔާމް ވިދާޅުވިއެވެ.

ރައީސް މުޢިއްޒުގެ މި މަސައްކަތްޕުޅުތަކަކީ ދިވެހިރާއްޖޭގެ އިޖްތިމާޢީ ފޭރާން ހެޔޮކޮށް، މާލީ ހާލަތު ރަނގަޅުކޮށް، ދިވެހިންނަށް ދިވެހިންގެ ރާއްޖެ އަނބުރާ ހޯއްދަވައިދެއްވުމުގެ ބުރަ މަސައްކަތްޕުޅު ކަމަށް މިނިސްޓަރ ޝިޔާމް ވިދާޅުވިއެވެ.

ދިވެހިރާއްޖޭގެ ވީދެމުންދާ ޢިޖްތިމާއީ ފޭރާން ހެޔޮކޮށް ދިވެހިރާއްޖޭގެ މާލީހާލަތު ރަނގަޅުކޮށް ދިވެހީންނަށް ދިވެހީންގެރާއްޖެ އަނބުރާ ހޯއްދަވައިދެއްވުގެ ބުރަ އުނދަގޫ މަސައްކަތްޕުޅު ރައީސުލް ޖުމްޙޫރިއްޔާ ޑރ. މުޙައްމަދު މުޢިއްޒު އެމަނިކުފާނުގެ ޒަޢާމަތުގެ އެންމެފުރަތަމަ ދުވަހުވެސް ވަނީ… https://t.co/n5UXH8YsuW

— Ahmed Shiyam (@Shiyamaldives) October 24, 2024