ކުޑަކުދިންގެ ސްކްރީން ޓައިމާއި ކެއުމުގެ އާދަތަކާއި ހުރި ގުޅުން

ފާއިތުވި އަހަރުތަކުގައި ޑިޖިޓަލް މީޑިއާގެ ބޭނުންކުރުން ވަނީ  ވަރަށް ބޮޑަށް އިތުރުވެފައެވެ. މިއާދަ ޚާއްޞަކޮށް ފާހަގަކުރެވެނީ ޅަފުރައިގެ ކުދިންނާއި ޒުވާނުންގެ މެދުގައެވެ. އެކި ބާވަތުގެ އިލެކްޓްރޯނިކް ވަސީލަތްތަކާއި މަންސަތަކުން ތަފާތު ވައްތަރުގެ ޑިޖިޓަލް މަޢުލޫމާތު ބޭނުންކުރުން ވަނީ އިތުރުވެފައެވެ. މީގެ ތެރޭގައި ވީޑިއޯ ގޭމްތަކާއި، ސްޓްރީމިންގ ޚިދުމަތްތަކާއި، އަދި އިޖްތިމާޢީ މީޑިއާގެ ބޭނުންކުރުން އިތުރުވުމުގެ ސަބަބުން ޞިއްޙަތަށާއި، ތަޢުލީމަށާއި، އަދި ނަފްސާނީ ދުޅަހެޔޮކަމަށް ނޭދެވޭ އަސަރުތަކެއް ކުރަމުންދެއެވެ.

ގިނަ ވަގުތު  ސްކްރީނުތަކުގެ ކުރިމުރިމަތީގައި ވަގުތު ހޭދަކުރުމުގެ ސަބަބުން ނިދުމުގެ ވަގުތު މަދުވެ، ނިދުމުގެ ފެންވަރު ދަށްވެއެވެ. މިކަމުގެ އަސްލަކީ ސްކްރީނުތަކުން އަރާ އަލިން މެލަޓޮނިން ހޯމޯނު އުފެއްދުމަށް ހުރަސްއެޅުމެވެ.

ކުޑަކުދިންގެ ސްކްރީން ޓައިމް އިތުރުވުމުގެ ސަބަބުން ކެއުމުގެ ނުރަނގަޅު އާދަތައް އުފެދެއެވެ. މީގެ ތެރޭގައި ގަވާއިދުން ކެއުން ދޫކޮށްލުމާއި، ކެއުން ހުއްޓާލުމާއި، އަދި ހަށިގަނޑަށް ފައިދާ ކުޑަ ކާނާ ކެއުން ހިމެނެއެވެ. މިކަމަށް އެތައް ސަބަބުތަކެއް މެދުވެރިވެއެވެ. މީގެ ތެރޭގައި ކުޑަކުދިންނަށް ފެންނަ އިޝްތިހާރުތަކުގެ ސަބަބުން ހަށިގަނޑަށް ގެއްލުންހުރި ކާނާއަށް ޝައުޤުވެރިވުމާއި، ސްކްރީނުގެ ކުރިމަތީގައި އިނދެ ކެއުން ހަނދާންނެތުމާއި، ރޭގަނޑު ވަގުތުތަކުގައި ކެއުން އިތުރުވުމާއި، އަދި ޖިސްމާނީ ޙަރަކާތްތެރިކަން މަދުވުން ހިމެނެއެވެ.

ޒުވާން އުމުރަކީ ހަށިގަނޑަށް ބޭނުންވާ ކާނާގެ ބާވަތްތައް އިތުރަށް ބޭނުންވާ އުމުރެކެވެ. ނަމަވެސް މި އުމުރުގައި ލިބޭ މިނިވަންކަމުގެ ސަބަބުން ހަށިގަނޑަށް ގެއްލުންހުރި ކާނާ ކެއުން އިތުރުވެއެވެ. މޭވާއާއި ތަރުކާރީ އަދި ކިރުގެ ބާވަތްތައް މަދުވެ، ލޮނާއި ހަކުރު އަދި ތެޔޮ ގިނަ ކާނާ ކެއުން އިތުރުވެއެވެ.

މެޑިޓެރޭނިއަން ކާނާގެ ނިޒާމަކީ (އެމްޑީ) ގިނަ ޞިއްޙީ ފައިދާތަކެއް ލިބޭ ކާނާގެ ނިޒާމެކެވެ. މީގެ ސަބަބުން މެޓަބޮލިކް އަދި ދިފާޢީ ނިޒާމުގެ މައްސަލަތައް މަދުވެ، ނާރުގެ ބަލިތަކުން ރައްކާތެރިވެއެވެ. މީގެ އިތުރުން އާއިލާއާއެކު ކެއުމުގެ ސަބަބުން އިޖްތިމާޢީ ގުޅުން ބަދަހިވެއެވެ. މިކަން ޚާއްޞަކޮށް ކުޑަކުދިންނަށް ވަރަށް މުހިންމެވެ.

ކުޑަކުދިންގެ ސްކްރީން ޓައިމް މަދުކުރުމަށް މަސައްކަތްކުރުމަކީ އަޅުގަނޑުމެންގެ މައްޗަށް މުހިންމު ކަމެކެވެ. މައިންބަފައިންނާއި ބެލެނިވެރިން މިކަމަށް ޚާއްޞަ ސަމާލުކަމެއް ދިނުމަކީ ކޮންމެހެން ކުރަންޖެހޭ ކަމެކެވެ. ކުޑަކުދިންނަށް ޞިއްޙަތަށް ފައިދާހުރި ކާނާ ކާންދިނުމާއި، ގަވާއިދުން ކެއުމުގެ އާދަ އަށަގެންނެވުމަކީ ނުހަނު މުހިންމު ކަމެކެވެ.

ޚުލާޞާކޮށް ދަންނަވާނަމަ، ޑިޖިޓަލް ވަސީލަތްތަކުގެ ބޭނުންކުރުން އިތުރުވުމާއެކު، ކުޑަކުދިންގެ ކެއުމުގެ އާދަތަކަށް ކުރާ ނޭދެވޭ އަސަރުތައް ވަނީ ފާހަގަކުރެވިފައެވެ. މިކަމުގެ ސަބަބުން ޞިއްޙަތަށް ފައިދާހުރި ކާނާ ކެއުން ދަށްވެފައިވާކަން ދިރާސާތަކުން ދައްކައެވެ. އެހެންކަމުން، ކުޑަކުދިންގެ ސްކްރީން ޓައިމް މަދުކުރުމާއި، ޞިއްޙަތަށް ފައިދާހުރި ކެއުމުގެ އާދަތައް އަށަގެންނެވުމަށް މުޖުތަމަޢު މަސައްކަތްކުރުމަކީ މުހިންމު ކަމެކެވެ.

ކުޑަކުދިންގެ ދުޅަހެޔޮކަމަށްޓަކައި، ސްކްރީނުގެ ބަދަލުގައި އެހެނިހެން ހަރަކާތްތަކުގައި ޝާމިލުވުމުގެ ފުރުޞަތު ފަހިކޮށްދިނުމަކީ ނުހަނު މުހިންމު ކަމެކެވެ. މިގޮތުން ކުޅިވަރުތަކުގައި ބައިވެރިވުމާއި، ފޮތްކިޔުމުގެ އާދަ އަށަގެންނެވުމާއި، އާއިލާއާއެކު ފައިދާހުރި ގޮތެއްގައި ވަގުތު ހޭދަކުރުން ފަދަ ކަންކަމަށް ހިތްވަރުދިނުމަކީ އިސްކަންދޭންވީ ކަންކަމެވެ. މިފަދަ ހަރަކާތްތަކުގެ ސަބަބުން ކުޑަކުދިންގެ ޖިސްމާނީ އަދި ނަފްސާނީ ދުޅަހެޔޮކަން އިތުރުވެ، ޞިއްޙަތަށް ފައިދާހުރި ކާނާ ކެއުމުގެ ރަނގަޅު އާދަތައް ދެމެހެއްޓުމަށް މަގުފަހިވެގެންދާނެއެވެ.

މައިންބަފައިންނާއި، ތަޢުލީމީ މުއައްސަސާތަކާއި، އަދި ސަރުކާރުން މިކަމަށް ޚާއްޞަ އަހައްމިއްޔަތުކަމެއް ދީ، ކުޑަކުދިންގެ ޖިސްމާނީ އަދި ނަފްސާނީ ދުޅަހެޔޮކަން ކަށަވަރުކުރުމަށް ދެމެހެއްޓެނިވި ގޮތެއްގައި މަސައްކަތްކުރަންޖެހެއެވެ. އެހެންކަމުން، ކުޑަކުދިންގެ ސްކްރީން ޓައިމް އެކަށީގެންވާ މިންވަރަކަށް މަދުކޮށް، ޞިއްޙަތަށް ފައިދާހުރި ކާނާ ކެއުމަށް ހިތްވަރުދިނުމަކީ މުޖުތަމަޢުގެ ކޮންމެ ފަރުދެއްގެވެސް އަޚްލާޤީ އަދި އިޖްތިމާޢީ ވާޖިބެކެވެ.