ޓާކޯ ބެލް އޭ.އައި. ބޭނުންކުރުމާ މެދު ދެވަނަ ފިކުރަކަށް، 18،000 ފެންތަށީގެ އޯޑަރަކުން ސިސްޓަމް ގަޑުބަޑު!

ޓާކޯ ބެލް އިން ޑްރައިވްތްރޫތަކުގައި އޭ.އައި. ބޭނުންކުރުމާ މެދު ދެވަނަ ފިކުރަކަށް ހިނގައްޖެއެވެ. 2023 ވަނަ އަހަރުން ފެށިގެން، އެމެރިކާގައި ހުންނަ ޓާކޯ ބެލް ގެ 500 ބްރާންޗެއްގައި އޭ.އައި. ޓެކްނޮލޮޖީ ޤާއިމުކޮށްފައިވެއެވެ. އެއީ، ކުށަކާ ނުލައި އޯޑަރު ނެގުން ހަލުވިކުރުމުގެ މަޤުޞަދުގައެވެ. ނަމަވެސް މިހާރު އިޖުތިމާޢީ ވިޔުގަތަކުގައި ދައުރު ވަމުން ދާ ވީޑިޔޯތަކެއްގެ ސަބަބުން، އޭ.އައި. ޤާއިމުކުރި މަޤުޞަދުގެ މުޅިން އިދިކޮޅު ފެންނަމުން ދާ ކަމަށް ހީވާން ވަނީ ފަށާފައެވެ.

މީގެ ތެރެއިން އެއް ވީޑިޔޯ އިން ފެންނަ ގޮތުގައި، މީހަކު 18،000 ފެންތަށްޓަށް އޯޑަރު ޖެހުމުން، އޭ.އައި. ސިސްޓަމަށް ހުއްޓުން އަރާ ގޮތް ވިއެވެ:

Taco Bell's AI has rolled out to over 100 stores.

There's only one problem. It's missing strong safety guardrails (see video).

This is a reminder to any company considering launching AI solutions:

LLMs are not perfect. They have knowledge cutoffs. They can hallucinate. pic.twitter.com/BuxOcVGaFA

— Nay Cook Nelson (@naycooknelson) October 4, 2024

އެހެން ވީޑިޔޯއަކުން ފެންނަ ގޮތުގައި، ބޯއެއްޗަކަށް އޯޑަރު ޖެހުމަށް ފަހުގައި ވެސް، އޯޑަރަށުގައި ބޯއެއްޗަކަށް ހިމަނާނީ ކޮން އެއްޗެއް ތޯ އޭ.އައި. އިން ތަކުރާރުކޮށް ސުވާލުކުރަމުން ދެއެވެ. މިވީޑިޔޯއަށް އިންސްޓަގްރާމް ގައި 21.5 މިލިޔަން ވިޔޫޒް ލިބިފައިވެއެވެ. 

Taco Bell exec is having second thoughts about using AI at the drive-thru.

18000 Water Cups 😃

The issues they are facing

- Drive-thru audio is noisy with engines, accents, and cross talk, so recognition confidence drops and the model guesses, which compounds mistakes.
-… pic.twitter.com/CoPSZnWQBR

— Rohan Paul (@rohanpaul_ai) August 29, 2025

ޓާކޯ ބެލް ގެ ޗީފް ޑިޖިޓަލް އެންޑް ޓެކް އޮފިސަރ ޑޭން މެތިޔުސް ބުނުއްވި ގޮތުގައި، އޭ.އައި. ބޭނުންކުރުމުގެ ސަބަބުން ބައެއް ފަހަރު ދަތިތަކާ ކުރިމަތިވެއެވެ. އޭ.އައި. ބޭނުންކުރަންވީ ދަނޑިވަޅުތައް ކަނޑައަޅައި، ޑްރައިވްތްރޫތަކުގައި އޭ.އައި. ބޭނުންނުކުރުމާ މެދު ޓާކޯ ބެލް އިން ވިސްނަމުންދާ ކަމަށް މެތިޔުސް ވަނީ ހާމަކުރައްވާފައެވެ. ޚާއްޞަގޮތެއްގައި އިންސާނުން ބޭނުންކުރުން މުހިންމު ޙާލަތްތައް ވާ ކަމަށް ވެސް މެތިޔުސް ފާހަގަކުރެއްވިއެވެ. 

މިއީ ކާބޯތަކެތީގެ ދާއިރާގައި އޭ.އައި. ގެ ސަބަބުން މައްސަލަ ކުރިމަތިވި ފުރަތަމަ ފަހަރެއް ނޫނެވެ. މިގޮތުން، މެކްދޯނަލްޑްސް ގައި ވެސް އޭ.އައި. ގެ ސަބަބުން އުނދަގޫ ތަކެއް ކުރިމަތިވެ، އެރެސްޓޯރެންޓުގެ ޑްރައިވްތްރޫތަކުން މިދިޔަ އަހަރު ވަނީ އޭ.އައި. މެޝިނުތައް އުވާލައިފައެވެ. މެކްޑޮނަލްޑްސް އިން އެނިންމުން ނިންމީ، ކަސްޓަމަރެއްގެ އައިސް ކްރީމަށް އޭ.އައި. އިން މަސް އަޅާފައި، އެހެން ކަސްޓަމަރެއްގެ ބިލަށް އެތައް ސަތޭކަ ޑޮލަރުގެ ކުކުޅުމަސް އޭ.އައި. އިން އޮޅިގެން އިތުރުކުރުމާ ގުޅިގެންނެވެ.

ޓާކޯ ބެލް ގެ އޭ.އައި. އަށް ބައެއް ފަހަރު އޮޅުން އަރާ ގޮތް ވިޔަސް، 2023 ވަނަ އަހަރު އެރެސްޓޯރެންޓުގައި އޭ.އައި. ޤާއިމުކުރީއްސުރެ މިހާތަނަށް 2 މިލިޔަނެއްހައި އޯޑަރު ކުށެއްނެތި ނަގާފައިވާކަމަށް ޓާކޯ ބެލް އިން ހާމަކުރެއެވެ.