ގުޅީފަޅު ގޯތިތަކުގެ ގުރުނެގުން މިހަފްތާގެ އަންގާރަ ދުވަހު!

ބިންވެރިޔާ ސްކީމްގެ ދަށުން ގުޅީފަޅުން ދޫކުރާ ގޯތިތަކުގެ ގުރުނެގުން މިހަފްތާގެ އަންގާރަ ދުވަހު އޮންނާނެ ކަމަށް ގެދޮޮރުވެރިކަމާ ބިނާރާ ޢުމްރާނީ ތަރައްޤީއާ ބެހޭ ވުޒާރާއިން ބުނެފިއެވެ.

އެވުޒާރާއިން މިކަމާއި ގުޅިގެން ނެރެފައިވާ ސަރކިޔުލާއެއްްގައި ބުނެފައިވަނީ ގުރުއަތުނެގުން އޮންނާނީ މި ހިނގާ އޮކްޓޯބަރު މަހުގެ 29 ވާ އަންގާރަދުވަހު ކަމަށެވެ. ގުރުއަތު ނެގުން އޮންނާނީ ދަރުބާރުގޭ ރަންނަބަނޑޭރި މާލަމުގައި އެދުވަހުގެ 9:00 ގައެވެ.

ގެދޮރުވެރިކަމާ ބެހޭ ވުޒާރާއިން ބުނެފައިވަނީ ގުރުއަތުލުމުގެ ކަންކަން ބަލަން ވަނުމުގެ އިންތިޒާމް ހަމަޖައްސާފައިވާކަމަށެވެ. "ގުޅިފަޅުގެ ލޭންޑް ޔޫސް ޕްލޭން"ގެ ދަށުން އައިސްފައިވާ ބަދަލާއިގުޅިގެން، ބިންވެރިޔާ ސްކީމުގެ ދަށުން ކުރިން ގުޅީފަޅުން ގޯތި ލިބިފައިވާ ފަރާތްތަކުގެ ގޯތީގެ ލޮކޭޝަނަށް ވަނީ ބަދަލު އައިސްފައެވެ. މިހާތަނަށް ޕްލޮޓް ހަވާލުކޮށްފައިވާ ފަރާތްތަކާއި، މިހާތަނަށް ޕްލޮޓް ހަވާލުނުކޮށް ތިބި ފަރާތްތަކާއި، ގިރާވަރު ފަޅުން ލިބިފައިވާ ގޯތިތައް ގުޅީފަޅަށް ބަދަލުކުރި މީހުންގެ ގޯތީގެ ގުރުއަތުލުންވެސް އަންގާރަދުވަހުގެ އެވަގުތު ކުރިއަށްދާނެއެވެ. ގެދޮރުވެރިކަމާ ބެހޭ ވުޒާރާއިން ވަނީ ގުޅީފަޅުން ގޯތި ލިބޭ މީހުންގެ ހުރިހާ ކެޓަގަރީތަކުގެ ލިސްޓްވެސް، ގުރުއަތާ ގުޅިގެން ގެޒެޓުކޮށްފައިވާ ލިސްޓްގައި ހިމަނާފައެވެ. ގުޅީފަޅުން ޖުމްލަ 3520 ގޯތި ގުޅީފަޅުން ދޫކުރުމަށް ވަނީ ހަމަޖެހިފައިވެއެވެ. 

ގުޅިފަޅުން ދޫކުރާ ގޯތީގެ ތަފްސީލް:

• 1250 އަކަފޫޓުގެ 669 ގޯތި• 1650 އަކަފޫޓުގެ 1234 ގޯތި• 2050 އަކަފޫޓުގެ 916 ގޯތި• 2450 އަކަފޫޓުގެ 473 ގޯތި• 2850 އަކަފޫޓުގެ 158 ގޯތި• 3250 އަކަފޫޓުގެ 49 ގޯތި• 3650 އަކަފޫޓުގެ 21 ގޯތި

ގުޅީފަޅުގެ ބިން ލިބޭ ފަރާތްތަކުގެ ގުރުއަތުނެގުމުގެ ކަންކަން ކުރިއަށް ގެންދާނީ ގެދޮރުވެރިކަމާ ބެހޭ ވުޒާރާއިން އެކުލަވާލާފައިވާ ލިސްޓުގައިވާ ތަރުތީބުންކަމަށް އެ ގެދޮރުވެރިކަމާ ބެހޭ ވުޒާރާއިން ވަނީ ބުނެފައެވެ. ގުރުއަތުނެގުން ކުރިއަށްދާއިރު، ގުރުއަތުނަގާ މާލަމަށް ވަދޭވޭނެ އިންތިޒާމުވާނީ ހަމަޖައްސާފައެވެ. އަދި ބިން ލިބޭ ފަރާތެއްގެ ބަދަލުގައި އެހެން ފަރާތަކުން ޙާޟިރުވާން ބޭނުންނަމަ، ބިން ލިބޭ ފަރާތުގެ އިއުތިރާޒެއްނެތް ކަމުގެ ލިޔުމަކާއި އައި.ޑީ.ކާޑްގެ ކޮޕީ ގެންދަންވާނެކަމަށް އެ ވުޒާރާއިން ބުނެފައިވެއެވެ. ގޯތިލިބޭ ފަރާތްތަކުގެ ގުރުއަތުނަގާ ނިމުމުން، ގޯތިތަކުގެ ރަޖިސްޓްރީއާއި، ބިން ލިބޭ ފަރާތްތަކާއެކުވާ އެއްބަސްވުންތަކާއިގުޅޭ މަޢުލޫމާތު ގެދޮރުވެރިކަމާ ބެހޭ ވުޒާރާއިންއިން ފަހުން ޙިއްސާކުރާނެކަމަށް ވެސް އެވުޒާރާއިން ވަނީ ބުނެފައެވެ. 

ގެދޮރުވެރިކަމާ ބިނާރާ ޢުމްރާނީ ތަރައްޤީއާ ބެހޭ ވުޒާރާއިން ބުނެފައިވަނީ ގުރުއަތުލުމުގެ ކަންކަން ބަލަން ވަނުމުގެ އިންތިޒާމް ހަމަޖައްސާފައިވާކަމަށެވެ.