ރައްޔިތުންގެ މަޖިލީހަށް މީޑިއާ ޑިރެކްޓަރަކު ހޯދަން އިޢުލާނުކޮށްފި!

ރައްޔިތުންގެ މަޖިލީހަށް މީޑިއާ ޑިރެކްރަކު ހޯދަން އެމަޖިލީހުގެ އިދާރާއިން އިޢުލާނުކޮށްފިއެވެ. 

ރައްޔިތުންގެ މަޖިލީހުގެ އިދާރާއިން ކުރި އިޢުލާނުގައި ބުނެފައިވަނީ، އެ އިދާރާގެ މީޑިއާ އެންޑް ކޮމިއުނިކޭޝަން ސެކްޝަންގެ ލެޖިސްލޭޓިވް އެފެއާޒް ޑިޕާޓްމަންޓަށް ޑިރެކްޓަރަކު ހޯދަން ބޭނުންވާކަމަށެވެ.

މަޤާމުގެ ޝަރުތުތަކުގެ ތެރޭގައި:

1) ނޫސްވެރިކަމުގެ ދާއިރާއިން މާސްޓަރސް ޑިގްރީ ހާސިލްކޮށްފައިވުމާއެކު މަޤާމުގެ މަސައްކަތްކުރުމުގެ ހުނަރު/ޤާބިލްކަން ސާބިތުކޮށްދިނުން

2) ނޫސްވެރިކަމުގެ ދާއިރާއިން ޕޯސްޓް ގްރެޖުއޭޓް ސެޓްފިކެޓް/ޕޯސްޓް ގްރެޖުއޭޓް ޑިޕްލޮމާ ހާސިލްކޮށްފައިވުމާއެކު، މަޤާމުގެ މަސައްކަތްކުރުމުގެ ހުނަރު/ޤާބިލްކަން ސާބިތުކޮށްދިނުން އަދި ނޫސްވެރިކަމުގެ ދާއިރާއިން 3 އަހަރު ދުވަހުގެ މަސައްކަތު ތަޖުރިބާ ލިބިފައިވުން

3) ނޫސްވެރިކަމުގެ ދާއިރާއިން ބެޗްލަރސް ޑިގްރީ ހާސިލްކޮށްފައިވުމާއެކު، މަޤާމުގެ މަސައްކަތްކުރުމުގެ ހުނަރު/ޤާބިލްކަން ސާބިތުކޮށްދިނުން އަދި ނޫސްވެރިކަމުގެ ދާއިރާއިން މަދުވެގެން 6 އަހަރު ދުވަހުގެ މަސައްކަތު ތަޖުރިބާ ލިބިފައިވުން.

މަޖިލީހުގެ އިދާރާއިން ބުނެފައިވަނީ، 7 ނޮވެންބަރު 2024 ވާ ބުރާސްފަތިދުވަހުގެ މެންދުރު 14:00ގެ ނިޔަލަށް މި މަޤާމަށް އެދި ހުށަހެޅޭނެކަމަށެވެ. އަދި ވަޒީފާއަށް އެދި ހުށަހަޅަންވާނީ https://majlis.gov.mv/apply މެދުވެރިކޮށް އޮންލައިން ކޮށް ކަމަށެވެ. އަދި އޮންލައިން ފޯމާއެކު ތިރީގައިވާ ލިޔެކިޔުންތައް ޕީ.ޑީ.އެފް ފޯމެޓްގައި އެއް ފައިލެއްގެ ގޮތުގައި އެޓޭޗްކުރަންވާނެކަމަށް ވެސް އިޢުލާނުގައިވެއެވެ.