ތިނަދޫ ގޮނޑުގައި ރޯވި އަލިފާންގަނޑު ކޮންޓްރޯލް ކުރުމަށް ސިފައިން ހަރަކާތްތެރިވާން ފަށައިފި

ގދ. ތިނަދޫ ކުނިގޮނޑުގައި ރޯވި އަލިފާންގަނޑު ކޮންޓްރޯލް ކުރުމަށް މޯލްޑިވްސް ނޭޝަނަލް ޑިފެންސް ފޯސް (އެމްއެންޑީއެފް)ގެ ފަޔަރ ފައިޓަރުން ހަރަކާތްތެރިވާން ފަށައިފިއެވެ.

އެމްއެންޑީއެފްއިން ހާމަކޮށްފައިވާ ގޮތުގައި، މި އަލިފާންގަނޑު ފެތުރެމުންދާކަމުގެ މަޢުލޫމާތު ލިބުނީ ރޭ ފަތިހު 04:50ގައެވެ. އެހެންކަމުން އެމްއެންޑީއެފް ސަދަން އޭރިއާ ކޮމާންޑްގެ ތިނަދޫ ފަޔަރ ސްޓޭޝަނުގެ ސިފައިން އެ އަލިފާންގަނޑު ކޮންޓްރޯލް ކުރުމުގެ މަސައްކަތް ފަށައިގެން ކުރިޔަށްދާކަމުގައި ވަނީ ހާމަކޮށްފައެވެ.

ތިނަދޫ ސިޓީ ކުނިގޮނޑުގައި އަލިފާން ރޯވެގެން، އެމްއެންޑީއެފް ސަދަން އޭރިއާ ކޮމާންޑްގެ ތިނަދޫ ފަޔަރ ސްޓޭޝަނުގެ ސިފައިން ދަނީ ހަރަކާތްތެރިވަމުން. މި ހާދިސާގެ މަޢުލޫމާތު ލިބިފައި ވަނީ ރޭ ފަތިހު 04:50ގައި. pic.twitter.com/wvmSMBMlYA

— Maldives National Defence Force (@MNDF_Official) September 2, 2025

ކުނިގޮނޑުތަކުގައި ރޯކުރާ އަލިފާންގަނޑު ކޮންޓްރޯލް ނުވުމަކީ ދޭތެރެދޭތެރެއިން ދިމާވާ ކަމެކެވެ. އެގޮތުން މިފަދަ ހާދިސާއެއް މިދިޔަ އެޕްރީލް މަހު އައްޑޫ ސިޓީ ހިތަދޫގައި ވެސް ވަނީ ހިނގާފައެވެ. 

މިފަދަ ހާލަތްތަކުގައި އަލިފާންގަނޑު ކޮންޓްރޯލް ނުވެގެން ގޮސް އާންމުންނަށް އޭގެ ގެއްލުން ލިބުމުގެ ކުރިން އަލިފާންގަނޑު ކޮންޓްރޯލް ކުރުމަށް އެންމެ މުހިންމު ދައުރެއް އަދާކުރަނީ އެމްއެންޑީއެފްގެ ފަޔަރ ފައިޓަރުންނެވެ.