Ads by Farudhun

ޚަބަރު

ކެރެޓްގެ ސަޕްލައި މައްސަލަ ހައްލުވެއްޖެ، އަގުބޮޑުކޮށް ނުވިއްކުމަށް މިނިސްޓަރު އެދިވަޑައިގެންފި

ކެރެޓްގެ ސަޕްލައި މައްސަލަ ހައްލުވެއްޖެ، އަގުބޮޑުކޮށް ނުވިއްކުމަށް މިނިސްޓަރު އެދިވަޑައިގެންފި

އިކޮނޮމިކް މިނިސްތަރު މުަހައްމަދު ސައީދު އިންޓަވިއު ދެއްވަނީ - ފޮޓޯ: ޕީއެސްއެމް

މުހައްމަދު ނާފިޒް

މުހައްމަދު ނާފިޒް

22 ނޮވެމްބަރު 2026، 10:49

22 ނޮވެމްބަރު 2026، 10:49

ދިވެހިރާއްޖޭގެ ބާޒާރުގައި ކެރެޓުގެ އަގު އިންތިހާއަށް އުފުލުމާ ގުޅިގެން ދިމާވި މައްސަލަ ހައްލުކޮށްފައިވާ ކަމަށާއި، ވިޔަފާރިވެރިން އަގުބޮޑުކޮށް ކެރެޓު ނުވިއްކުމަށް އިކޮނޮމިކް މިނިސްޓަރު މުހައްމަދު ސައީދު އިލްތިމާސްކުރައްވައިފިއެވެ.

މާލޭގެ ބާޒާރުގައި ކެރެޓް ކިލޯއެއްގެ އަގު ކުއްލިއަކަށް 170 ރުފިޔާއަށް އަރައިގެން ދިޔައީ ސަޕްލައި ކުރުމުގައި ދިމާވި ދަތިތަކަކާ ގުޅިގެން ކަމަށް މައުލޫމާތު ލިބިފައިވާ ކަމަށް މިނިސްޓަރު ސައީދު ވަނީ ވިދާޅުވެފައެވެ. ނަމަވެސް، މުދާ ގެނައުމުގައި މައްސަލަ ދިމާވި އަމިއްލަ ކުންފުނިތަކުގެ މުދާތައް މިހާރު ޕޯޓުން ކްލިއާކޮށް ނިމިފައިވާކަން އެ މަނިކުފާނު ފާހަގަކުރެއްވިއެވެ. އެހެންކަމުން، ބާޒާރުގައި ދެން އަގުބޮޑުކޮށް މުދާ ނުވިއްކާނެ ކަމަށް އުންމީދުކުރައްވާ ކަމަށް ސޯޝަލް މީޑިއާ ޕްލެޓްފޯމް "އެކްސް" ގައި ކުރެއްވި ޕޯސްޓެއްގައި މިނިސްޓަރު ވިދާޅުވިއެވެ.



މިނިސްޓަރު އިތުރަށް ހާމަކުރެއްވި ގޮތުގައި، ބާޒާރުގައި އަގުތައް އުފުލިގެން ދިޔަ ދަނޑިވަޅުގައިވެސް ސަރުކާރުގެ މައި ވިޔަފާރި ކުންފުނި، އެސްޓީއޯ މެދުވެރިކޮށް ކެރެޓް ކިލޯއެއް 40 ރުފިޔާގެ ހެޔޮ އަގުގައި މެދުކެނޑުމެއްނެތި ލިބެން ހުއްޓެވެ. އަދި މިހާރު ވެސް އެސްޓީއޯއިން އިތުރު ކެރެޓް ކޮންޓެއިނަރުތައް ކްލިއާ ކުރުމުގެ މަސައްކަތް ކުރިއަށްދާ ކަމަށް އެމަނިކުފާނު ވިދާޅުވިއެވެ.

ރާއްޖޭގެ ބާޒާރުގައި އަސާސީ ކާބޯތަކެތީގެ އަގު އުފުލެމުންދާ ކަމަށް ދެކެވޭ ވާހަކަތަކާ ގުޅިގެން، ރައްޔިތުންނަށް ހަގީގަތް ސާފުކޮށްދިނުމުގެ ގޮތުން އެސްޓީއޯ އިން ވަނީ އެ ކުންފުނިން ތަކެތި ވިއްކާ ރަސްމީ އަގުތައް އާންމުކޮށްފައެވެ. އެގޮތުން އެސްޓީއޯގައި މިވަގުތު ތަކެތި ވިއްކަމުންދާ އަގުތަކަކީ:

ކެރެޓް ކިލޯއެއް: 40 ރުފިޔާ
ލޮނުމެދު ކިލޯއެއް: 50 ރުފިޔާ
ފިޔާ ކިލޯއެއް: 15 ރުފިޔާ
އަލުވި ކިލޯއެއް: 12 ރުފިޔާ
އެސްޓީއޯގެ އޮފިޝަލަކު ވިދާޅުވި ގޮތުގައި، އަސާސީ އެއްވެސް ބާވަތެއްގެ ކާބޯތަކެތީގެ ދަތިކަމެއް ނުވަތަ ޝޯޓޭޖެއް ރާއްޖޭގައި ނެތެވެ. އަދި ކުރިއަށް އޮތް ތަނަށް ބޭނުންވާ ވަރަށް އެ ތަކެތީގެ ސްޓޮކް އެބަހުރި ކަމަށާއި، މި ހަފުތާގެ ތެރޭގައި ވެސް ކެރެޓުގެ އާ ސްޓޮކެއް އެތެރެކުރެވިގެންދާނެ ކަމުގެ ޔަގީންކަން އެ ކުންފުނިން ވަނީ ދީފައެވެ.

Ads by MSS

Ads by MSS

މި ލިޔުން ކިޔާލުމުން

ކިޔުންތެރިންގެ ހިޔާލު
450