ޚަބަރު
އަނެއްކާވެސް ހަށިވިއްކުމުގެ ވިޔަފާރި ކުރި ބިދޭސީންތަކެއް އިމިގްރޭޝަނުން ހިފައިފި!
އިމިގްރޭޝަނުން ހިފައިފައިވާ ބިދޭސީންތަކެއް. ފޮޓޯ: އިމިގްރޭޝަން
ރާއްޖޭގައި ހަށިވިއްކުމުގެ ވިޔަފާރި ކުރަމުންދިޔަ ބިދޭސީންތަކެއް އަނެއްކާވެސް އިމިގްރޭޝަނުން ހިފައިފިއެވެ.
އިމިގްރޭޝަނުން ބުނެފައިވަނީ ރާއްޖޭގައި ފުޅާދާއިރާއެއްގައި ހަށިވިއްކުމުގެ ވިޔަފާރިކުރަމުންދިއަ ބިދޭސީން ހޯދުމަށް އިމިގްރޭޝަނާއި ފުލުހުން ގުޅިގެން މި އޮކްޓޫބަރު މަހުގައި ވަނީ ޚާއްސަ އިންސްޕެކްޝަން ތަކެއް ހިންގާފައި ކަމަށެވެ.
އެގޮތުން މިފަދަ 5 މައްސަލައަކާއި ގުޅިގެން ބިދޭސީ 7 އަންހެނަކު އަދި އެޖެންޓުންގެ ގޮތުގައި މަސައްކަތް ކުރަމުންދިއަ ބިދޭސީ 2 ފިރިހެނަކު ވަނީ އިމިގްރޭޝަންގެ ބެލުމުގެ ދަށަށް ގެނެވިފައިކަމަށެވެ.
ރާއްޖޭގައި ފުޅާދާއިރާއެއްގައި ހަށިވިއްކުމުގެ ވިޔަފާރިކުރަމުންދިއަ ބިދޭސީން ހޯދުމަށް އިމިގްރޭޝަނާއި ފުލުހުން ގުޅިގެން މި އޮކްޓޫބަރު މަހުގައި ވަނީ ހާއްސަ އިންސްޕެކްޝަން ތަކެއް ހިންގާފައި. އެގޮތުން މިފަދަ 05 މައްސަލައަކާއި ގުޅިގެން ބިދޭސީ 07 އަންހެނަކު އަދި އެޖެންޓުންގެ ގޮތުގައި… pic.twitter.com/TsFCzVWCSY
— Maldives Immigration (@ImmigrationMV) October 27, 2024
މި މައްސަލަތައް ތަހުޤީޤު ކުރުމަށްފަހު ރާއްޖެ އަނބުރާ ނާދެވޭ ގޮތަށް މީގެތެރެއިން 5 އަންހެނަކު އަދި 1 ފިރިހެނަކު މިހާރު ވަނީ ޑީޕޯޓުކޮށްފައިކަމަށްވެސް އިމިގްރޭޝަނުން ވަނީ ބުނެފައެވެ. އަދި އަނެއް 3 ބިދޭސީން ޑީޕޯޓުކުރުމުގެ މަސައްކަތް މިހާރުދަނީ ކުރަމުންކަމަށްވެސް އިމިގްރޭޝަނުން ބުނެފައިވެއެވެ.
ރާއްޖޭގައި ޤަވާޢިދާ ޚިލާފަށް ހިންގަމުންދާ މިފަދަ ވިޔަފާރިތައް ހުއްޓުވުމަށް ކަމާއިބެހޭ އިދާރާތަކުން ދަނީ ބޮޑެތި މަސައްކަތްތަކެއް ކުރަމުންކަން ފާހަގަކޮށްލަންޖެހެއެވެ.
